Slikenboarch (plak)
Slikenboarch (Stellingwerfsk: Sliekenborg) is it lytste doarp yn de gemeente Weststellingwerf. It leit yn de súdwestpunt fan de gemeente op it plak dêr't Tsjonger en Linde by elkoar komme. It doarp leit yn de Grutte Feanpolder op de grins fan Oerisel en Fryslân. Ien hûs dat by Slikenboarch liket te hearren, falt ûnder Oerisel en dus De Kúnder.
| Slikenboarch | ||
| ||
| Polityk | ||
| Lân |  Nederlân
| |
| Provinsje |  Fryslân
| |
| Gemeente |  Weststellingwerf
| |
| Sifers | ||
| Ynwennertal | 40 (1 jannewaris 2023)[1] | |
| Oerflak | 1,70 km², wêrfan: - lân: 1,64 km² - wetter: 0,07 km² | |
| Befolkingsticht. | 23 ynw. / km² | |
| Oar | ||
| Postkoade | 8489 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 48' N 5° 50' E | |
| ||
| Lokaasje Slikenboarch (grien) yn de gemeente Weststellingwerf | ||
| Kaart | ||
  | ||
Slikenboarch hat 40 (1 jannewaris 2023)[2] ynwenners.
Skiednis bewurkje seksje
Yn de midsiuwen lei yn 'e himrik fan Spangea al in fear foar minsken dy't nei De Kúnder woenen. De rjochten fan it fear wiene fan it Skoatter konvint. Dêr moat doe in fersterke pleats of boarch mei de namme Slikenboarch stien ha.
Yn de Tachtichjierrige Kriich lei der in fersterking op it plak dêr't de Linde en de Tsjonger gearrinne. Yn it rampjier 1672 moast de skâns, dy't it hiele lettere doarpke omfieme en de súdwestlike oanfierrûte fan Fryslân rjochting Ljouwert foarme, de optsjenjende troepen fan de biskop fan Munster keare. De skâns waard yn 1702 sljochte om de grûn te brûken foar de oanlis fan de nije Steatendyk tusken Skoattersyl en Slikenboarch om dy hoeke better te beskermjen tsjin it wetter. De skâns waard yn de Schotanusatlas út 1716 al net mear oanjûn.
Nei de reformaasje bleau in relatyf grut part fan 'e lokale befolking fan 'e Westhoeke katolyk. Yn 'e 18e iuw gyngen ûnder druk in tal katoliken oer op it protestantisme, mar der bleau oant yn 'e 20e iuw in grutte katolike minderheid bestean.[3]
Earder wie der in by it doarp, mar yn 'e himrik fan De Kúnder, ek in flapfrêge, dêr't tol betelle wurde moast. Yn 'e rin fan 'e 20e iuw waard dy brêge ferfongen troch in fêste brêge.
Mei't Slikenboarch yn 1987 de doarpsstatus krige, is Slikenboarch gjin buorskip mear fan Spangea.[4]
Mienskip bewurkje seksje
It doarp hat mei oare doarpen yn 'e Grutte Feanpolder in mienskiplike feriening foar Pleatslik Belang.
Skoalle bewurkje seksje
Yn Slikenboarch stie oant 1934 de skoalle fan Spangea. Nei't dy sletten waard fanwegen te min bern geane de bern fan it doarp nei de skoalle yn De Kúnder.
Befolkingsferrin bewurkje seksje
| Jier | 1840 | 2015 | 2020 |
|---|---|---|---|
| Ynwenners | 68 | 42 | 39 |
Boarnen: 1840: Plaatsengids; 2015 en 2020: Alle Cijfers.
Strjitten bewurkje seksje
Lindedyk, Slikenboarch.
Sjoch ek bewurkje seksje
Keppeling om utens bewurkje seksje
| Boarnen, noaten en/as referinsjes: |
| |
Weststellingwerf | |
|---|---|---|
| Doarpen en útbuorrens: Aldeholtpea • Aldeholtwâlde • Aldetrine • Aldlemmer • Blesdike • De Blesse • Boyl • Easterstreek • Finkegea • De Hoeve • De Langelille • Munnikebuorren • Nijeholtpea • Nijeholtwâlde • Nijetrine • Nijlemmer • Noardwâlde • Pepergea • Sânhuzen • Skerpenseel • Slikenboarch • Sonnegea • Spangea • Steggerda • Teridzert • Wolvegea | ||
| Buorskippen: Boekelte • De Grêft • Rysberkampen • Skoattersyl (foar in part) | ||
| wizigje | ||