De Hoeve
De Hoeve is in doarp west fan Noardwâlde yn de gemeente Weststellingwerf.
| De Hoeve | ||
| ||
| Emblemen | ||
| ||
| Sifers | ||
| Ynwennertal | 395 (1 jannewaris 2022)[1] | |
| Oerflak | 7,64 km², wêrfan: - lân: 7,54 km² - wetter: 0,10 km² | |
| Befolkingsticht. | 52 ynw. / km² | |
| Polityk | ||
| Lân |  Nederlân
| |
| Provinsje |  Fryslân
| |
| Gemeente |  Weststellingwerf
| |
| Oar | ||
| Postkoade | 8394 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 53' N 6° 5' E | |
| ||
| Lokaasje De Hoeve (grien) yn de gemeente Weststellingwerf | ||
| Offisjele webside | ||
| www.dorpdehoeve.nl | ||
| Kaart | ||
  | ||
De Hoeve hat 395 (1 jannewaris 2022)[2] ynwenners.
Skiednis bewurkje seksje
Untstean fan buorskippen bewurkje seksje
Op in kaart fan 1646 bestie it gebiet allinnich út heide. Net lang dêrnei waarden oan de Noardwâlderwei twa pleatsen set: de Westerhoeve en de Oosterhoeve. Op in kaart fan grytman Willem van Haren út 1698 binne beide pleatsen te sjen. Om't de pleatsen tichteby Finkegea en Steggerda stiene, waarden dy pleatsen ek wol Steggerdahoeve en Finkegeahoeve neamd. De Westerhoeve lei bewesten de Noardwâlder Feart en de Easterhoeve lei east dêrfan oan in yn 'e 19e iuw drûchmakke marke. De boerearbeiders bouden harren wenninkjes yn de lannen efter de pleatsen. Yn de rin fan de tiid kamen der mear húskes by, dy't mei inoar buorskipkes foarmen. De sânrêch dy't tusken it leechfean lei wie in rûge wyldernis en hiel min ûnlân dat mei wrotten en wramen oanmakke waard.
Slûswachter Contermans bewurkje seksje
Doe't yn 1642 de tastimming fan de Steaten fan Fryslân kaam om de Noardwâlder Feart te graven waard der yn 1650 in slûs yn de Linde boud. Dy slûs waard letter ferneamd nei de doetiidske slûsmaster Contermans. Dy man lei op in minne namme want yn 1742 waard der troch feanbazen en skippers in brief oan 'e Steaten fan Fryslân stjoerd mei de klacht dat skutmaster Contermans syn wurk allinne mar die as er dêr nocht oan hie. Hy woe de minsken leaver op it plak hâlde, sadat er har syn jenever ferkeapje koe. Dêrom liet er nachts it wetter fuortrinne. Bloedhûnen holpen de skippers op ôfstân te hâlden as hja der sels wat oan dwaan woenen.
De buorskippen wurde in doarp bewurkje seksje
Troch it krewearjen fan de boer en feanbaas Albert H. Kuipers krige De Hoeve yn de jierren 1870 in skoalle. Hy stjoerde mei út namme fan oare bewenners yn 'e jierren 1870 in fersyk oan de provinsje om in skoalle te stiftsjen en stelde foar dat doel in stik grûn beskikber. De gemeente wraksele ynearsten tsjin, mar om't de diken winterdeis net te gean wiene stipe de provinsje it fersyk en sa krige it doarp in skoalle. Yn 1920 fersochten ynwenners ek om in eigen herfoarme tsjerke yn it doarp. It jier dêrop waard it tsjerkje oanbestege.
De Hoeve hie dus al in eigen skoalle en in eigen tsjerke doe't de twa buorskippen op 1 jannewaris 1938 gearfoege waarden en De Hoeve in selstannich doarp waard. Yn it ramt fan de ruilferkaveling ferdwûn yn de jierren 1970 in soad âlde bebouwing, dy't ferfongen waard troch nijbou.
Kultureel Haaddoarp 2018 bewurkje seksje
De Hoeve rôp himsels op 11 febrewaris 2014 offisjeel út ta Kultuereel Haaddoarp fan Fryslân 2018. Ljouwert is dan Kulturele Haadstêd fan Europa en De Hoeve woe by dat barren de Fryske doarpen fertsjintwurdigje.[3]
Mienskip bewurkje seksje
De earder sportkantine waard yn 2013 ferboud ta it moderne multyfunksjoneel doarpshûs 't Hokkien. It doarp hat sûnt 1908 in eigen Pleatslik Belang. By de fiering fan it iuwfeest fan Pleatslik Belang yn 2008 krige it doarp in eigen flagge. Tsienris yn 't jier wurdt de doarpskrante "Ooster Wester" útjûn.
Tsjerke bewurkje seksje
Sûnt 2005 is de tsjerke fan De Hoeve foar de earetsjinst sletten en krige it gebou in oare funksje. It ynterieur is doe leechhelle en oan de nije funksje oanpast.
Skoalle bewurkje seksje
(Klaeter is it Stellingwerfske wurd foar kletterbeam. Lykas de blêden fan de kletterbeam binne bern jimmeroan yn beweging. De namme fan de skoalle ferwiist dêrnei).
Ferienings bewurkje seksje
Befolkingsferrin bewurkje seksje
| Jier | 1954 | 1964 | 1969 | 1974 | 2008 | 2015 | 2020 |
|---|---|---|---|---|---|---|---|
| Ynwenners | 421 | 396 | 371 | 312 | 293 | 410 | 400 |
Boarnen: 2015 en 2020: Alle Cijfers. Oare jierren sûnder boarnefermelding oernommen fan de besteande ynformaasje yn it artikel)
Eveneminten bewurkje seksje
- Doarpsfeest (juny)
Strjitten bewurkje seksje
Sjoch: alle strjitten yn De Hoeve.
Ferskaat bewurkje seksje
- Benoardeasten it doarp stiet in lytse Amerikaanske wynmotor.
- Oan Lolkema's Leane stiet in yn 1996 werboude pealtsjasker.[4]
Sjoch ek bewurkje seksje
| Boarnen, noaten en/as referinsjes: |
|
| |
|---|---|
| Haadplak: Wolvegea | |
| Doarpen en útbuorrens: Aldeholtpea • Aldeholtwâlde • Aldetrine • Aldlemmer • Blesdike • De Blesse • Boyl • Easterstreek • Finkegea • De Hoeve • De Langelille • Munnikebuorren • Nijeholtpea • Nijeholtwâlde • Nijetrine • Nijlemmer • Noardwâlde • Pepergea • Sânhuzen • Skerpenseel • Slikenboarch • Sonnegea • Spangea • Steggerda • Teridzert | |
| Buorskippen: Boekelte • De Grêft • Rysberkampen • Skoattersyl (foar in part) | |