Wikipedy

Eddy van Hijum

Yde Johan (Eddy) van Hijum (Delft, 17 april 1972) is in Nederlânsk politikus, bestjoerskundige en bestjoerder. Sûnt 2 july 2024 is er út namme fan it Nij Sosjaal Kontrakt (NSC) minister fan Sosjale Saken en Wurkgelegenheid en tredde fise-premier yn it kabinet-Schoof. Fan 6 desimber 2023 oant 2 juli 2024 wie er út namme fan it NSC lid fan de Twadde Keamer.

Eddy van Hijum
Eddy van Hijum (2020)
Eddy van Hijum (2020)
Algemien
Folsleine namme Yde Johan van Hijum
Berne 17 april 1972
Berteplak Delft
Funksje Minister fan Sosjale Saken en Wurkgelegenheid
Fise-premier
Sûnt 2 july 2024
Partij CDA (1989-2023)
NSC (2023-no)
Religy PKN
Titels dr.
Politike funksjes
1998-2003 Gemeenteriedslid yn Swol
2002-2003 Fraksjefoarsitter CDA yn Swol
2003-2014
2023-2024		 Lid Twadde Keamer
2014-2023 Deputearre fan Oerisel
2015,2019 Steatelid fan Oerisel
2024-no Minister fan Sosjale Saken en Wurkgelegenheid
Fise-premier

Earder wie er út namme fan it Kristen-Demokratysk Appèl (CDA) deputearre (2014–2023) en Steatelid (2015, 2019) fan Oerisel. Dêrfoar wie er út namme fan it CDA Twadde Keamerlid (2003–2014) en fraksjefoarsitter (2002–2003) en gemeenteriedslid (1998–2003) fan Swol.

Oplieding en karriêre

bewurkje seksje

Van Hijum hat in grut part fan syn jonge jierren yn Wâldsein yn Fryslân trochbrocht. Fan 1984 oantt 1990 die er it ateneum oan it Bogerman College yn Snits. Dêrnei studearre er fan 1990 oant 1995 sivyltechnyske bestjoerskunde oan de Universiteit Twinte yn Ynskedee. Op 7 juny 2001 promovearre er yn 'e bestjoerswittenskippen oan deselde universiteit.

Van Hijum sette yn 1995 as adviseur op it mêd fan bestjoerlijke organisaasje bij Infram mei syn wurk útein. Hy die projekten foar de provinsje Oerisel op it mêd fan wetterhúshâlding. Dêrnei waard er yn 1997 ûndersiker oan de Universiteit Twinte nei de bestjorlijke organisaasje en it bekostigjen fan de wettersektor yn Nederlân. Yn 2001 waard er konsultant en foaroanman by Pricewaterhouse Coopers (PcW) en letter KPMG.

Politike karriêre

bewurkje seksje

CDA

bewurkje seksje

Yn 1989 waard Van Hijum lid fan het CDA, doe't er lid fan it CDJA, ôfdieling Snits-Wymbrits. Yn 1998 waard Van Hijum lid fan de gemeenteried yn Swol út namme fan it CDA. Hy waard wurdfierder op it mêd fan "Bestjoer & Finânsjes" en "Wurk & Wolwêzen" en lid fan de Rekkenkeamer. Yn 2002 waard er troch de fraksje ta fraksjefoarsitter keazen.

Op 2 september 2003 waard Van Hijum beneamd ta lid fan de Twadde Keamer. Yn de Twadde Keamer hold er him benammen dwaande mei "Ferkear en Wettersteat" en mei "Sosjale Saken en Wurkgelegenheid". Fan 2010 oant en mei 2012 wie er tagelyk fraksjesekretaris en lid fan it Presidium fan de Twadde Keamer. Yn 2012 waard er wurdfierder "Finânsjes", "Ryksútjeften" en "Asyl & Migraasje". Yn 2014 wie er as ynformateur/formateur belutsen by it foarmjen fan in kolleezje yn Olst-Wijhe fan CDA, Gemeentebelangen Olst-Wijhe en VVD.

Yn septimber 2014 stelde Van Hijum him beskikber as gadingmakker fan it CDA by de Provinsjale Steateferkiezings fan 2015 yn 'e provinsje Oerisel. Koart dêrnei folge er Theo Rietkerk (CDA) op as deputearre yn Oerisel. Yn ferbân dêrmei trede er de dei foar syn beneaming ôf as lid fan de Twadde Keamer. Nei de ferkiezings waard er fannijs beneamd ta deputearre. Yn dy rol hold er him dwaande mei regionale ekonomy, arbeidsmerk, finânsjes en de werûntwikkeling fan de lofthaven Twente.

Yn 2019 wie Van Hijum bij de Provinsjale Steateferkiezings fan 2019 fannijs gadingmakker. It CDA bleau by dy ferkiezings de grutste partij, dêr't er fannijs deputearre waard mei regionale ekonomie, finânsjes en Jeropa yn syn portefúlje. Ek waard er lid fan it Jeropeesk Komitee fan de Regio's, dêr't er as rapporteur in rekommandaasje foar de Jeropeeske Kommisje oer belied foar it midden- en lytsbedriuw skreau.

Yn augustus 2022 makke Van Hijum buorkundich dat er gjin tredde termyn as deputearre woe en him ek net beskikbar stelde as gadingmakker by de Provinsjale Steateferkiezings fan 2023.[1] Op 12 july 2023 waard der in nij kolleezje beneamd dêr't in ein oan syn amt as deputearre mei kaam.[2]

NSC

bewurkje seksje

Op 20 augustus 2023 makke Pieter Omtzigt yn een petear mei de krante Tubantia buorkundich dat er mei syn nije partij Nij Sosjaal Kontrakt (NSC) oan de Twadde Keamerferkiezings fan 22 novimber 2023 meidwaan soe en dat Van Hijum it ferkiesprogramma dêr foar skriuwe soe. Van Hijum stapte fan it CDA oer nei dy partij.[3][4] Foar dy partij stie er sechde op de kandidatenlijst foar de Keamerferkiezings fan 2023.[5] Op 6 desimber fan dat jier waard er as Twadde Keamerlid beëdige.[6]

Sûnt 2 july 2024 is Van Hijum út namme fan it NSC minister fan Sosjale Saken en Wurkgelegenheid en tredde fise-premier yn it kabinet-Schoof. Syn Twadde Keamerlidmaatskip kaam dêrmei ta'n ein.[7][8]

Karriêre bûten de polityk

bewurkje seksje

Mei yngong fan 1 jannewaris 2023 waard Van Hijum ûnôfhinklik foarsitter fan de Omjouwingsried Skiphol, dy't op 1 july dat jiers yn de Maatskiplike Ried Skiphol (MRS) opgie, dêr't er de foarsitter fan waard.[9][10] Mei yngong fan 1 oktober 2023 waard er beneamd ta tydlik riedslid, foar in perioade fan twa jier, fan de Ried foar it Iepenbier Bestjoer. Omreden ynn kandidaatskip foar de Twadde Keamer gie dat lykwols net troch.[11][12] Mei yngong fan 1 augustus 2023 waard er beneamd ta lid fan de ried fan kommissarissen fan RENDO Holding.[13]

Persoanlik

bewurkje seksje

Van Hijum is boaske en hat trije dochters. Hy is lid fan de Protestantske Tsjerke yn Nederlân (PKN).

Publicaties

bewurkje seksje
  • Op de drempel van een Nadere Unie, Soesterberg: Utjouwerij Aspekt, 2022.
  • Kostelijk water: een studie naar de organisatie en bekostiging van het Nederlandse waterbeheer (dissertaasje 2001)
  • ferskate publikaasjes yn tydkriften (Bestuursforum, InterDisciplinair, Facta, Openbaar Bestuur)
  • ferskate publikaasjes oer wetterbehear

Boarnen, noaten en referinsjes

bewurkje seksje
Boarnen, noaten en/as referinsjes:
  1. ↑ CDA-politicus Eddy van Hijum stopt als gedeputeerde, RTV Oost, 20 augustus 2022.
  2. ↑ Nieuw college van Gedeputeerde Staten benoemd, Provinsje Oerisel, 12 july 2023.
  3. ↑ Pieter Omtzigt over deelname aan verkiezingen: ‘De grootste worden is niet het doel’, Tubantia, 20 augustus 2023.
  4. ↑ Voormalig gedeputeerde Van Hijum (CDA) sluit aan bij Omtzigt: "Moest wel even nadenken", RTV Oost, 21 augustus 2023.
  5. ↑ Lijst van Omtzigt: plek voor ex-VVD’er Idsinga, oud-CDA’ers, vluchteling en columnist. Telegraaf (26-9-23). Oproppen op 26-9-2326-9-23.
  6. ↑ Nieuwe Tweede Kamer beëdigd, Twadde Keamer, 6 desimber 2023.
  7. ↑ Ontslagverlening en benoeming kabinet, Keninklik Hûs, 2 july 2024. Argivearre op 2 july 2024.
  8. ↑ Eddy van Hijum, Ryksoerheid, 2 july 2024. Argivearre op 2 july 2024.
  9. ↑ Eddy van Hijum nieuwe voorzitter Omgevingsraad Schiphol, Omgevingsraad Schiphol, 19 desimber 2022.
  10. ↑ Maatschappelijke Raad Schiphol van start, Skiphol, 6 july 2023.
  11. ↑ Eddy van Hijum geïnstalleerd als tijdelijk raadslid bij de ROB, ROB, 7 july 2023.
  12. ↑ Felicitaties voor Esmah Lahlah en Eddy van Hijum, ROB, 29 septimber 2023.
  13. ↑ Eddy van Hijum nieuw lid Raad van Commissarissen N.V. RENDO Holding, RENDO Netwerken, 20 july 2023.
 
Ministers en steatssekretarissen yn it kabinet-Schoof (PVV, VVD, NSC en BBB)
Ministers Dick Schoof (MP/AZ) • Fleur Agema (FP/VWS) • Sophie Hermans (FP/KGG • Eddy van Hijum (FP/SZG • Mona Keijzer (FP/VRO) • Marjolein Faber (A&M) • Judith Uitermark (BZK • Reinette Klevers (BHO) • Caspar Veldkamp (BZ) • Ruben Brekelmans (Def) • Dirk Beljaarts (EZ) • Eelco Heinen (Fin) • Barry Madlener (IW) • David van Weel (JV) • Femke Wiersma (LVVN) • Eppo Bruins (OCW)
Steatssekretarissen Eddie van Marum (BZK) • Zsolt Szabó (BZK) • Gijs Tuinman (Def) • Nora Achahbar (Fin) • Tjebbe van Oostenbruggen (Fin) • Chris Jansen (IW) • Ingrid Coenradie (JV) • Teun Struycken (JV) • Jean Rummenie (LVVN) • Mariëlle Paul (OCW) • Jurgen Nobel (OCW) • Vincent Karremans (SZW) • Vicky Maeijer (VWS)
Opstapt as steatssekretaris Folkert Idsinga wizigje
Opfrege fan "https://fy.wikipedia.org/w/index.php?title=Eddy_van_Hijum&oldid=1174364"