Glemmer Beach
Glemmer Beach is in muzykfestival dat elts jier om mids augustus hinne holden wurdt op it strân fan it Fryske doarp De Lemmer. De namme is in wurdboarterij fan it Ingelske wurd glamour en Lemmer. It evenemint bestiet sûnt 2010 en hat as fêste wearde de Fryske band De Kast, dy't der elts jier spilet. Glemmer Beach duorret trije dagen; freed en sneon moat men betelje om deryn te meien, mar sneins is de tagong fergees.
| Glemmer Beach | ||
| plak en tiid | ||
| lân |  Nederlân
| |
| provinsje |  Fryslân
| |
| gemeente |  De Fryske Marren
| |
| plak |  De Lemmer
| |
| holden yn | strân fan De Lemmer | |
| tiid fan it jier | mids augustus | |
| bysûnderheden | ||
| soarte evenemint | muzykfestival | |
| sjenre | popmuzyk | |
| bestean | 2010 – no | |
| offisjele webside | ||
| www.glemmerbeach.nl | ||
Tsienjierrich bestean bewurkje seksje
Glemmer Beach fierde yn 2019 syn tsienjierrch bestean. Oan it haad fan 'e organisaasje efter it festival stie doe Dokkumer Johan Koster, dy't ek belutsen wie by de organisaasje fan û.m. it Feanhoopfestival op De Feanhoop, it Befrijingsfestival en Into the Grave yn Ljouwert, en de Admiraliteitsdagen yn syn wenplak. De line-up hie foar eltsenien wat: Jan Keizer en Annie Schilder foar de âldere besikers, in ABBA-tributeband foar lju yn har middeljierren en karút oan popmuzyk foar de jongerein. Yn 2019 spilen der foar it earste ek bûtenlânske bands op Glemmer Beach, te witten: it Belgyske Clouseau en de Britske bands Level 42 en UB40 Reunited (mei âld UB40-leden Ali Campbell en Astro).
Keppelings om utens bewurkje seksje
| Boarnen, noaten en/as referinsjes: |
|