Syldyk
Syldyk (Nederlânsk: Zijldijk Grinslânsk: Zieldiek) is in doarp in de gemeente Loppersum, yn de provinsje Grinslân. It doarp telde op 1 jannewaris 2006 241 ynwenners.
Oant 1990 hearde Syldyk ta de selsstannige gemeente 't Zandt, dy't doe opgie yn de gemeente Loppersum. De plaknamme ferwiist nei de ferdwûne útwetteringsslûs (syl) fan de no fersâne rivier de Fivel.
It doarp leit yn it noarden fan de gemeente Loppersum en is op en om in dyk boud fan de Fivelboezem. It hat dêrom in wat oar karakter as de oare plakken fan de gemeente. It is net sa âld as de oare doarpen. Syldyk is fan oarsprong as lintdoarp boud en foarmet in dûbeldoarp mei Oosternieland, dat yn de gemeente Eemsmond leit. Meidat de doarpen oan elkoar fêst lizze, binne de beide mienskippen net los fan elkoar te sjen, benammen yn it ferieningslibben. Mar sûnt de oanlis fan de N46, de Eemshavenwei, is der in skieding komd. Dochs binne de meast essinsjele foarsjennings foar de bewenners fan Syldyk noch altiten oan de oare kant fan de dyk yn Oosternieland, al hat Syldyk wol in doarpshûs en lytsere foarsjennings.
Yn it doarp steane in 20e-iuwske herfoarme tsjerke mei in dakruter, dy't no brûkt wurdt as doarpshûs 'Fivelhoes', in ienfâldige grifformearde sealtsjerke út 1886, no in deiopfang foar geastlik beheinden, en de doperske fermanje út 1772.
Ta Syldyk heart ek de buorskip Honderd.
De fermanje út 1772
It eardere grifformearde 'wyte tsjerkje' út 1886
De eardere legere skoalle út 1868, yn 1956 ferboud ta doarpshûs 'Fivelhoes'
.jpg)
| Boarnen, noaten en/as referinsjes: |
