Hiddingezijl
Hiddingezijl is in útbuorren yn de gemeente It Hegelân yn Grinslân. De útbuorren stiet hjoed-de-dei lykwols net mear op de kaarten, mar de gemeente beskôget him noch hieltyd as ien fan de kearnen fan de gemeente.
| Hiddingezijl | ||
| Bestjoer | ||
| Lân |  Nederlân
| |
| Provinsje |  Grinslân
| |
| Gemeente |  It Hegelân
| |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 24' NB, 6° 31' EL | |
| Kaart | ||
  | ||
Beskriuwing
bewurkje seksjeDe útbuorren leit tusken de doarpen Den Andel en Westernieland. De namme ferwiist nei in âlde syl dy't yn de Oude Riet lein hat. Dy syl wie part fan de dyk dy't om 1350 hinne tusken Aldedyk en Den Andel oanlein waard dêr't de kwelder, dêr't Westernieland yn leit, by bedike waard. Yn 1350 waard de syl oanlein troch abt Hiddo fan Aldekleaster. Oan 'e seekant fan 'e dyk slike hieltyd mear lân oan, mei as gefolch dat ûntwetterjen hieltyd slimmer waard. Yn 'e winter fan 1520 briek de dyk by de syl troch by in stoarmfloed en ûntstie op it plak in wiel, dêr't de slûsdoarren yn ferdwûnen. De doetiidske abt fan Aldekleaster, pastoar Gerardus Warendorp, hat besletten en lis de syl net wer oan en sleat yn plak dêrfan yn 1521 in oerienkomst mei jonker Schelte ter Borch, de sylrjochter fan it Schouwerzijlvest, en wetterje oer Skouwersyl ôf op it Ryddjip. Letter waard it binnendykse part fan de Oude Riet fergroeven ta it Westernielandstermaar en yn de 1980-er jierren waard it earste stikje bûtendyks kanalisearre en it oerbliuwsel fan de wiel tichtsmiten mei balstiennen dy't guoan tsientaleln jierren frijkamen by it oanlizzen fan de Linthorst Homanpolder.
