Jonkerslân
Jonkerslân is in doarp yn de gemeente Opsterlân, súd fan Gordyk.
| Jonkerslân | ||
| ||
| Fûgelsang | ||
| Emblemen | ||
 
| ||
| Sifers | ||
| Ynwennertal | 290 (1 jannewaris 2022)[1] | |
| Oerflak | 4,65 km² | |
| Befolkingsticht. | 62 ynw./km² | |
| Polityk | ||
| Lân |  Nederlân
| |
| provinsje |  Fryslân
| |
| gemeente |  Opsterlân
| |
| Oar | ||
| Koördinaten | 53° 58' N 6° 00' E | |
| Offisjele webside | ||
| FB-side Jonkerslân (net offisjeel) | ||
| Kaart | ||
  | ||
Jonkerslân is bekend om de moaie beamwâlen. Der wurdt ek war dien om toeristen oan te lûken
Jonkerslân hat 290 (1 jannewaris 2022)[2] ynwenners en is dêrmei it op ien nei lytste plak fan Opsterlân.
Skiednis bewurkje seksje
Jonkerslân hat syn namme krigen troch Piter Dekema. Piter Dekema wie neist riedshear by it Hof fan Fryslân ek ûndernimmer. Dekema wie ien fan de kompanjons fan de Skoatterlânske Kompenije, mar hy hie foar himsels ek in eigen feanterij.
Der wurdt oannommen dat Dekema's feanterij yn Opsterlân healwei de 16e iuw begûn mei syn sweager Boudewijn van Loo. Foar it ferfieren fan de turf waard de Jonkersfeart groeven. Dizze feart slette wer oan op de oare fearten dy't foar dit doel groeven binne. De Jonkersfeart is net mear befarber, mar is noch wol werom te finen yn it lânskip.
Jonkerslân is in jong doarp en hat lang in part fan Langsweagen west. Sa om 1850 hinne kaam der wat wy no in ferieniging foar doarpsbelang neame soenen. De oantekenboeken fan dy feriening binne bewarre bleaun en binne yn it museum fan 'e Gordyk. Yn 'e rin fan tiid binne de doarpsgrinzen yn Opsterlân feroare. De buorskippen Jonkerslân en Fûgelsang binne doe it doarp Jonkerslân wurden.
Doe't it boerebedriuw'yn Jonkerslân minder arbeiders nedich hie, fûnen minsken fral wurk op 'e Gordyk. Mei de oanlis fan De Feanboarch krige it doarp nijbou.
Mienskip bewurkje seksje
It doarpshûs fan Jonkerslân is De Lytse Jonker. Dat gebou wie eartiids de basisskoalle, mar doe't dy yn 2014 slute moast, waard it omboud ta it nije doarpshûs. "Us Doarpshûs", it âlde doarpshûs, waard dêrnei ferkocht en krige in nije funksje as wenhûs.
Yn it doarp is fierders is in spesjale Boarterstúnferiening, in Feestkommisje en in Aktiviteitenkommisje. Ein maaie, begjin juny is it jierlikse doarpsfeest. "Jarrewetter" is it pleatslike slokje.
Tsjerke bewurkje seksje
Skoalle bewurkje seksje
Bern binne foar basisûnderwiis op Langsweagen oanwiisd. De skoalle fan Jonkerslân waard yn 2014 sletten fanwegen te min bern.
Ferienings bewurkje seksje
- Boarterstúnferiening Jonk Honk
- Fanfare Oefening Kweekt Kunst
- Feriening Kloatsjitten[3]
- Toanielferiening Freonental
Eveneminten bewurkje seksje
- Doarpsfeest (maaie/juny).
Strjitten bewurkje seksje
Bonteboksleane, De Nije Sleat, Feanboarch, Fûgelsang, Jelle Beenenwei, Langewyk, Sing-Sang, Twadde Kompanjonswei.
Publikaasje(s) bewurkje seksje
A. Postma e.o. Trije yn ien (Histoarysk fotoboek oer Jonkerslan, Langsweagen en Lúkswâld).
Sjoch ek bewurkje seksje
| Boarnen, noaten en/as referinsjes: | ||
|
|
| |
|---|---|
| Haadplak: Beetstersweach | |
| Doarpen en útbuorrens: Bakkefean • Fryske Peallen • De Gordyk • De Himrik • Jonkerslân • Langsweagen • Lippenhuzen • Lúkswâld • Nij Beets • Oerterp • Olterterp • Sigerswâld • Terwispel • De Tynje • Wynjewâld | |
| Buorskippen: Ald Beets • Allardseach (foar in part) • It Foarwurk • Foksebuorren • De Hanebuert • Hanebuorren • Heidehuzen • Himrikerferlaat • Koartsweagen • Lyts Grins • Moskou (foar in part) • Nije Feart • Oerterp oan de Feart • Petersburch • Selmien • Sparjeburd • De Ulesprong • Weinterpferlaat • De Wyngaarden | |