Julia Bond
Julia Bond, echte namme: Noel Purdy (Long Beach (Kalifornje), 26 febrewaris 1987), is in rêstend Amerikaansk neakenmodel en pornografysk aktrise, dy't ek wol gebrûk makke fan 'e artystenammen Julia Bombay, koartwei Julia en Rude Ruth. Hja sette yn 2005 útein mei in wurkpaad yn 'e Amerikaanske pornoyndustry en spile yn frijwat films. Yn 2013 beëinige se har karriêre as pornoaktrise.
| Julia Bond | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Julia Bombay, Julia, Rude Ruth | |
| echte namme | Noel Purdy | |
| nasjonaliteit |  Amerikaansk
| |
| berne | 26 febrewaris 1987 | |
| berteplak | Long Beach (Kalifornje) | |
| etnisiteit | Angelsaksysk Amerikaansk
| |
| wurkpaad | ||
| wurksum as | neakenmodel, pornoaktrise | |
| jierren aktyf | 2005 – 2013 | |
| offisjele webside | ||
| www.clubjulianbond.com | ||
Libben en karriêre
bewurkje seksjeJonkheid
bewurkje seksjeBond waard yn 1987 berne yn Long Beach, yn it suden fan 'e steat Kalifornje, ûnder de reek fan Los Angeles.
Karriêre
bewurkje seksjeYn 2005, koart nei't se achttjin jier wurden wie, makke Bond har debút yn in pornografyske film. Neffens de Internet Adult Film Database (IAFD) spile se neitiid yn mear as 130 films, û.m. foar sokke foaroansteande labels as Zero Tolerance, Jules Jordan Video, New Sensations, Evil Angel, Digital Sin, VCA Pictures, Red Light District, Elegant Angel, Wicked Pictures, ClubJenna, Shane's World en Adam & Eve.
Dêrnjonken wurke Bond ek wol foar minder bekende filmstudio's, lykas Mile High Media, Metro, Third Degree Films, Pure Play Media, West Coast Productions, Legend Video en T.T. Boy Productions. Ek wie se in protte yn 't spier foar pornowebsiden op it ynternet, wêrûnder BangBros, Brazzers, Naughty America en Blacks on Blondes. Bond waard wol de "Omslachkeninginne" (Box Cover Queen) neamd, om't se yn 'e simmer fan 2005 op safolle omslaggen fan dvd's stie. Yn 2007 en nochris yn 2008 waard se nominearre foar in AVN Award (de Oscar fan 'e pornowrâld). Njonken har aktearwurk wie Bond ek aktyf as neakenmodel en centerfold.
Op 18 maaie 2005 wie Bond op 'e Amerikaanske tillefyzje te gast yn it praatprogramma The Tonight Show, fan presintator Jay Leno. Datselde jiers wurke se as sjongster gear mei DJ Bijal oan 'e mixtape Sex Sells. Op 26 july 2006 wie se te gast yn it kontroversjele praatprogramma The Jerry Springer Show fan presintator Jerry Springer, dêr't se oan har mem opbychte dat se pornoaktrise wurden wie en 45 oant 50 pornofilms yn it jier makke. Dy ôflevering hie as titel A Porn Star and an Angry Mom ("In Pornostjer en in Lulke Mem"). Yn 2013 loek Bond har nei in karriêre fan acht jier út 'e pornoyndustry werom.
Priveelibben
bewurkje seksjeYn in fraachpetear joech Bond oan dat se hâldt fan útgean yn nachtklubs, fan winkeljen en fan jetskyen. Hja is ek aktyf as blochster. Op 2 maaie 2015 troude se mei akteur en komyk Corey Simmons.
Lichemsskaaimerken
bewurkje seksjeJulia Bond is blank, mei brune eagen en brún hier. Neffens har offisjele opjefte is se mar 1.52 m lang, mei in gewicht fan 48 kg, en kupmaat 34D, dêr't se in boarstfergruttingsoperaasje foar ûndergien hat. Se hat piercings troch har earlellen, har lofternoaswjuk, beide spiennen en har klitoris, mei dêropta in nâlpiercing, in labret en in monroe-piercing.
Fierders hat Bond in grut tal tatoeaazjes: in rige kleurige stjerren yn har nekke en oer de lofterkant fan har hals; de wjukken fan in ingel op har rêch; in minsklike skedel mei de tekst "Till Death / Do Us / Part" ("Oant de dea ús skiedt") op in banier op har lofterboppe-earm; de print fan in hûnepoat op 'e boppekant fan elts fan har boarsten (yn 2011 feroare yn twa read-blauwe florals); de tekst "Daddy's Little Girl" ("Heity's lytse famke") op har ûnderrêch; de namme "William" tusken twa revolvers op har búk; de tekst "Fingaz" op har rjochterûnderearm; de tekst "West" op 'e efterkant fan har lofterankel en "Coast" op 'e efterkant fan har rjochterankel ("Westkust"); in Playboy-knyntsjesymboal boppe har rjochterankel; en in keatling mei in krús om har rjochterankel hinne.
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 2006 | FAME Award | nominearre | grientsje fan it jier | n.f.t. |
| 2007 | AVN Award | nominearre | bêste P.O.V.-sekssêne | POV Casting Couch 6 |
| 2008 | AVN Award | nominearre | bêste groepsekssêne (fideo) (mei Aaralyn Barra, Jersey Cummings, Danae, Daryn Darby, Divine, Jamie Elle, Lena Lang, Charlie Mac, Jasse Monroe, Mark Anthony, Lee Bang, Domineko Heffne, Sledge Hammer, Jon Jon, Sean Michaels en Nathan Threat) |
Orgy World 11 |
Filmografy (in kar)
bewurkje seksje
|
|
Keppelings om utens
bewurkje seksje- eigen websiden
- (in) Offisjele webside fan Julia Bond
- (in) Offisjeel Bloch fan Julia Bond
- (in) Offisjele Twitter-side fan Julia Bond
- (in) Offisjeel YouTube-kanaal fan Julia Bond
- (in) Offisjele Tumblr-side fan Julia Bond
- (in) Offisjele Myspace-side fan Julia Bond
- oare websiden
- (in) Biografy en filmografy fan Julia Bond yn 'e Internet Movie Database (IMDb)
- (in) Biografyske gegevens en filmografy fan Julia Bond yn 'e Internet Adult Film Database (IAFD)
- (in) Biografyske gegevens fan Julia Bond op FreeOnes
| Boarnen, noaten en/as referinsjes: | ||
|
