Auwerk (Landkreis)

De Landkreis Auwerk is in lânkring yn it úterste noardwesten fan East-Fryslân yn de Dútske dielsteat Nedersaksen mei de toeristyske Waadeilannen Baltrum, Júst en Nordeneach.

Lânkring Auwerk
wapen
Statistyk
Ynwennertal	192.072 (2022)
Oerflak	1.287,35 km²
Polityk
Lân	Dútslân
Dielsteat	Nedersaksen
Oar
Adres bestjoer	Fischteichweg 7-13 26603 Auwerk
Koördinaten	53° 30' N 7° 22' E
Oprjochting	1977
Yndieling	24 gemeenten
Kenteken	AUR
NUTS-koade	DE947
Kreiskaai	03 4 52
Webside	landkreis-aurich.de

Geografy

Landkreis Auwerk hat in oerflak fan sa likernôch 1.288 km². It grinzget (út it noarden wei mei de klok mei) oan de Waadsee, de lânkringen Wittmund en Lier en de Kreisfreie Stadt Emden. De Noardseekust fan Landkreis Auwerk wurdt foarme troch de Eastfryske eilannen Juist, Norderney en Baltrum, dy't allegear ta it distrikt (Landkreis) Auwerk hearre.

Skiednis

Sjoch foar mear ynformaasje: Skiednis fan East-Fryslân
De regio hat in rike skiednis dy't werom giet nei de prehistoarje. Yn de midsiuwen wie it diel fan de Fryske seelannen. Landkreis Auwerk waard yn 1885 oprjochte as ûnderdiel fan de Prusyske provinsje Hannover. De hjoeddeistige Landkreis Auwerk is foarme yn 1977 troch de gearfoeging fan 'e âlde Landkreis Auwerk mei Landkreis Norden.

Bestjoerlike yndieling

Yndieling lânkring Auwerk neffens gemeenten.

Yn 2005 is yn hiel Nedersaksen in nije bestjoersstruktuur ynfierd. Dêrby is foar de gemeenten it ferskil tusken de stêden en de (frije) gemeenten ferfallen. Dy wurde no oantsjutten mei Einheitsgemeinden (ienheidsgemeenten). Sokke gemeenten fiere alle gemeentlike taken selsstannich út.

Yn 'e lânkring lizze ek twa Samtgemeinden, dy't tegearre foar meiïnoar 11 gemeenten in tal gemeentlike taken útfiere. In Samtgemeinde is in mienskiplike regeling foar in oantal gemeenten, dy't faak te lyts of te tinbefolke binne om alle gemeentlike taken goed oan te kinnen (fral finansjeel wie dat in probleem).

By de lânkring Auwerk heart ek in gemeentefrij gebiet, in ûnbewenne Waadeilân.

Gemeenten

Ienheidsgemeenten
Auwerk (stêd) Baltrum (eilân en gemeente) Dornum Großefehn (haadplak: Ostgroßefehn) Großheide Hinte Ihlow (haadplak: Ihlowerfehn)	Júst (eilân en gemeente) Krummhörn (haadplak: Pewsum) Norden (stêd) Nordeneach (gemeente en eiland) Südbrookmerland (haadplak: Victorbur) Wiesmoor (stêd)

Samtgemeinden mei de dielnimmende gemeenten:

It haadplak fan in Samtgemeinde is markearre mei *

1. Samtgemeinde Brookmerland Leezdorf Mariënhafe* Osteel Rechtsupweg Upgant-Schott Wirdum

2. Samtgemeinde Hage Berumbur Hage* Hagermarsch Halbemond Lütetsburg

Gemeentefrij gebiet

• Memmert (5,17 km², ûnbewenne)

Polityk

Gearstalling rie

De Kreistag hat 58 keazen leden en in streekrjocht keazen foarsitter (Landrat).

Auwerk is tradisjoneel in SPD-bolwurk. Yn it ferline hie de partij hast altiten in absolute mearderheid yn 'e Kreistag, dy't de partij yn 2006 ferlear.

Ekonomy en ynfrastruktuer

Ferkear yn Eastfryslân

De ekonomy fan Landkreis Auwerk wurdt foaral droegen troch toerisme, lânbou, yndustry en tsjinstesektor. De grutste bedriuwen binne it sikehûs (meiwurkers), Enercon (850 meiwurkers), (meiwurkers), Sparkasse Aurich-Norden (450 meiwurkers), Rolf Janssen (370 meiwurkers) en Rücker GmbH (350 meiwurkers). De Eastfryske eilannen binne populêre toeristyske bestimmingen, benammen yn de simmermoannen. De regio is ek bekend om syn lânbouprodukten lykas molke, tsiis en griente.

De haadstêd Auwerk is net allinnich it ekonomyske sintrum, mar as haadstêd ek it bestjoerlike sintrum. Neist de amtnerij fan de Landkreis en gemeente binne der ek noch tal fan oare oerheidsynstânsjes yn Auwerk te finen. Opfallend is de ôfwêzigens fan in fêste treinferbining nei de stêd Auwerk. Der leit wol in treinspoar, mar dat wurdt inkeld troch transporttreinen brûkt. Allinnich oer it spoar fan Emden nei Norden ride passazjierstreinen.

De B72 is de wichtichste noard-súd ferbining en de B210 is de wichtichste west-east ferbining. De A31 is iennichste sneldyk yn Landkreis Auwerk en leit yn it súdwesten. De fleanfjilden op de eilannen soargje foar rappe ferbiningen nei it fêstelân.

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Lânkring Auwerk fan Wikimedia Commons.

	Nedersaksen
Landkreise Aldenburch - Ammerland - Auwerk - Celle - Cuxhaven - Diepholz - Fryslân - Gifhorn - Goslar - Göttingen - Greefskip Bentheim - Hameln-Pyrmont - Regio Hannover - Harburg - Heidekreis - Helmstedt - Hildesheim - Holzminden - Iemslân - Kloppenburch - Lier - Lüchow-Dannenberg - Luneburch - Nienburg - Northeim - Osnabrück - Osterholz - Peine - Rotenburg - Schaumburg - Stade - Uelzen - Vechta - Verden - Wesermarsch - Wittmund - Wolfenbüttel
Kreisfreie Städte Aldenburch - Breunswyk - Delmenhorst - Emden - Osnabrück - Salzgitter - Wilhelmshaven - Wolfsburg
· ·