Martijn Fischer

Martijn Fischer (Utert, 28 jannewaris 1968) is in Nederlânsk toaniel-, tillefyzje- en filmakteur, dy't benammen bekend wurden is yn 'e rol fan sjonger André Hazes, yn 'e musical Hij Gelooft in Mij. Dêrnjonken hat er ek spile yn films as Liever Verliefd, Rokjesdag en Redbad.

Martijn Fischer
akteur
persoanlike bysûnderheden
echte namme	Martijn Fischer
nasjonaliteit	Nederlânsk
berne	28 jannewaris 1968
berteplak	Utert (stêd)
etnisiteit	Nederlânsk Dútsk
jierren aktyf	1997 – no
prizen	Gouden Keal 2015
offisjele webside
Martijn Fischer op Twitter

Libben en karriêre

Jonkheid en oplieding

Fischer waard yn 1968 berne yn 'e stêd Utert yn in laach fan Dútsk komôf. Nei't er de middelbere skoalle trochrûn hie, gied er nei de foaroplieiding fan it konservatoarium yn Hilversum. Nei in jier stapte er oer nei de sosjale akademy yn Driebergen, om him nei it beheljen fan syn propedeuse te wijen oan syn wiere passy: aktearjen. Hy waard oannommen op 'e Hegeskoalle foar de Keunsten Utert, dêr't er yn 1997 ôfstudearre.

Aktearkarriêre

Fischer begûn syn karriêre op it toaniel, by selskippen as Her Nationale Toneel en Theater Utrecht. Dêrnjonken wied er fan 2003 ôf út en troch yn films te sjen, lykas Liever Verliefd (2003), Floris (2004), Afblijven (2006), De Scheepsjongens van Bontekoe (2007) en Rokjesdag (2016). Op 'e tillefyzje hied er gastrollen yn plysjesearjes as Baantjer, Flikken Maastricht en Suspects, misdiesearjes as Penoza en komeedzjesearjes as ’t Schaep met de 5 Poten.

By de jongere generaasjes waard Fischer ferneamd yn 'e rol fan Swarte Pyt yn 'e bernesearje Bij Sinterklaas, op 'e tillefyzjestjoerder Nickelodeon. By in âlder publyk spile er himsels yn 'e kiker yn reklamespotsjes foar kraslotten en foar it enerzjybedriuw Nuon. teäterbesikers koene him as de skriklike fleislapiter yn 'e toanieladaptaasje fan 'e De GVR fan Roald Dahl, en teffens as de profeet Moazes yn 'e musical Mozes, en as ien fan De Trije Musketiers yn it toanielstik mei deselde namme nei de bekende roman fan Alexandre Dumas.

Oare teäterrollen hie Fischer yn 'e musical Matroos in de Doos, nei in boek fan Daphne Deckers, en yn Peter Pan fan Theatergroep MAX. Syn lanlike trochbraak kaam lykwols mei syn rol as sjonger André Hazes yn 'e biografyske musical Hij Gelooft in Mij fan Joop van den Ende, dy't fan 2012 oant 2014 draaide. Fischer spile Hazes ek yn 2015 yn 'e op 'e musical basearre film Bloed, Zweet & Tranen, ûnder rezjy fan Diederick Koopal. Foar dy rol waard him dat jiers it Gouden Keal takend yn 'e kategory bêste akteur.

Yn 2010 en 2011 hie Fischer in fêste rol yn 'e tillefyzjesearje VRijland. Mei Peaske 2016 fertolke Fischer de rol fan Jezus Kristus yn 'e tillefyzjemusical The Passion. Datselde jiers wied er ek te sjen yn 'e Omrop MAX-searje Petticoat, mei Abbey Hoes yn 'e haadrol. Yn 2018 die Fischer de voice-over foar de natoerdokumintêre De Wilde Stad. Fierders hied er dat jiers in byrol yn 'e histoaryske aventoerefilm Redbad, fan regisseur Roel Reiné, oer de achtste-iuwske kening fan 'e Friezen mei deselde namme. Yn 2021 en 2022 hied er in weromkearende rol yn 'e soapsearje Goede Tijden, Slechte Tijden as Pieter Nieuwenhuis.

Priveelibben

Martijn Fischer wennet yn Seist.

Filmografy

Filmografy as akteur
jier	titel	rol of funksje	opmerkings
tillefyzje
2000	Verkeerd Verbonden	ûnbekend	gastrol; ôfl. Alles voor de Tuin
2001	Novellen: Shit Happens	ûnbekend	tillefyzjefilm
2002	Intensive Care	man yn drukpak	gastrol; ôfl. Virus
2003	Dunya en Desie	merkferkeaper	gastrol; ôfl. Doornen en Rozen
2003	Baantjer	Fred Schopman	gastrol; ôfl. De Cock en de Moord op Elvis
2003–2005	Meiden van De Wit	Menno van de Wetering	weromkearende rol; 2 ôfl.
2004	Drijfzand	sjoernalist	tillefyzjefilm
2004	Het Glazen Huis	redakteur Jos	gastrol; ôfl. Zilver en Goud
2004	De Afdeling	putsjeman	gastrol; ôfl. Geen Kunst
2005	Parels & Zwijnen	portier	gastrol; ôfl. Gun Crazy
2006	Fok Jou!	learaar	minysearje
2006	Grijpstra & De Gier	Rudy Kaptein	gastrol; ôfl. Eenzame Hoogte
2006	Gooische Vrouwen	ûnbekend	weromkearende rol; 2 ôfl.
2006	Bij Sinterklaas	wichtige Pyt #1 Baaljepyt Trochsakpyt	fêste rol; 27 ôfl.
2006	Keyzer & De Boer Advocaten	Harmen de Wit	gastrol; ôfl. Superwoning
2008	Abi	heit fan Mirthe	minysearje
2008	Taxi 656	man fan swiere frou	tillefyzjefilm
2009	Taartman	Guido	tillefyzjefilm
2009	Sorry, Minister	Dekker	gastrol; ôfl. Beheer, Beleid en Beveiliging
2009	13 in de Oorlog	dhr. Vos	gastrol; ôfl. Engeland
2009	Flikken Maastricht	Danny Steenwijk	gastrol; ôfl. Stiekem
2010	Penoza	frachtweinsjauffeur	gastrol; ôfl. Geen Weg Terug
2010	’t Schaep met de 5 Poten	man	gastrol; ôfl. Patrick
2010–2011	VRijland	Arie Kruithof	fêste rol; 34 ôfl.
2011	A'dam - E.V.A.	Tonnie	gastrol; ôfl. De Eerste Maandag
2012	Lijn 32	kok	gastrol; ôfl. Twee Weken Eerder
2013	TV Show	himsels	gast yn in praatprogramma
2015	Bagels & Bubbels	Tony Kroese	weromkearende rol; 2 ôfl.
2015	Bluf	Dan Robinson	gastrol; ôfl. Beunhaas
2015	Ik Hou van Holland	himsels	dielnimmer oan in spulshow
2015	Koningsdag	Ron	tillefyzjefilm
2015–2017	Vechtershart	Eddie de Beer	weromkearende rol; 14 ôfl.
2016	The Passion	Jezus Kristus	tillefyzjespecial ta gelegenheid fan Peaske
2016	Lekker Nederlands	himsels	gast yn in praatprogramma
2016–2017	Petticoat	Fred Duprée	minysearje; fêste rol; 7 ôfl.
2017	Risky Rivers	himsels	dielnimmer oan in spulshow
2017	Suspects	Ron Stokman	gastrol; ôfl. Dubbele Moord
2017	Van God Los	Joris Pahlplatz	gastrol; ôfl. To de Dood Ons Scheidt
2017	Maestro	himsels	gastsjuerylid
2019	Sterke Verhalen	himsels	gast
2019	The Big Music Quiz	himsels	gast
2019	Je Had Erbij Moeten Zijn	n.f.t.	presintator
2021	De Slet van 6VWO	Daniël Idema	fêste rol; 10 ôfl.
2021	Onze Straat	Ricky	gastrol; ôfl. Othala
2021–2022	Goede Tijden, Slechte Tijden	Pieter Nieuwenhuis	weromkearende rol; 39 ôfl.
films
2003	Liever Verliefd	Mike
2004	Floris	soldaat Kerker
2006	Onderhuids	ûnbekend
2006	De Ontgoocheling	Hans	koarte film
2006	Afblijven	sjauffeur
2007	De Scheepjongens van Bontekoe	smid
2009	My Queen Karo	badmaster
2010	De Nobelprijswinnaar	Bert de Brauw
2011	Lena	resjersjeur #2
2013	Mee Kee op Kamp	Koos
2015	Bloed, Zweet en Tranen	André Hazes
2015	Hallo Bungalow	Fridus
2016	Rokjesdag	Edwin
2016	Hart Beat	Jim (heit fan Zoë)
2016	Kung Fu Panda 3	Po	as stimakteur yn 'e Nederlânsktalige neisyngronisearring
2016	Onze Jongens	Bas
2017	Dikkertje Dap	pake Dik
2018	Gek van Oranje	Michael
2018	Mannen van Mars	Mark
2018	Redbad	Gebbe
2018	De Wilde Stad	n.f.t.	voice-over by in natoerdokumintêre
2020	Onze Jongens in Miami	Bas
2022	Strijder	Dennis

Keppelings om utens

• (ned) Martijn Fischer op Twitter
• (in) Folsleine filmografy fan Martijn Fischer yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Artikel oer Martijn Fischer op 'e Nederlânsktalige Wikipedy. Commons Wikimedia Commons  Ofbylden dy't by dit ûnderwerp hearre, binne te finen yn de kategory Martijn Fischer fan Wikimedia Commons.