List fan grutste gemeenten yn Nederlân

De list fan grutste gemeenten yn Nederlân befettet de Nederlânske gemeenten mei mear as 100.000 ynwenners. Op 1 jannewaris 2024 wiene der 32 gemeenten mei mear as 100.000 ynwenners.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

Lokaasje fan de 32 gemeenten mei mear as 100.000 ynwenners

Beskriuwing

De gemeenten lizze ferspraat oer it hiele lân hinne. De provinsje Súd-Hollân hat mei acht de measte. Noard-Hollân folget mei fiif. Noard-Brabân en Gelderlân hawwe beide fjouwer, Oerisel hat der trije, Limboarch en Utert hawwe der beide twa, en Fryslân, Grinslân, Drinte en Flevolân hawwe der allegear ien. Seelân is de iennige provinsje mei gjint.

Nederlân hat yn tsjinstelling ta in soad Jeropeeske lannen gjin gemeente mei mea as ien miljoen ynwenners. Amsterdam komt al tichteby. Tradisjoneel wurdt der fan de fjouwer grutte stêden yn 'e Rânestêd yn it westen fan Nederlân, sprutsen. Trije dêrfan, Amsterdam, Rotterdam en De Haach hawwe allegear mear as 500.000 ynwenners. Utert folget mei goed 360.000.

De midgroep bestiet út fjirtjin gemeenten fan 150.000 oant 250.000 ynwenners. Fjouwer dêrfan, Eindhoven, Grins, Tilburch en Almeare hawwe mear as 200.000 ynwenners. Eindhoven en Tilburch hearre ta de Brabânske Stêderige. It waaksen fan Almeare komt benammen troch migraasje fan lju út Amsterdam wei.
Gemeenten lykas Grins, Apeldoarn, Arnhim, Nimwegen en Ynskedee lizze yn it Noard- en East-Nederlân. Arnhim en Nimwegen foarmje de Stedsregio Arnhim-Nimwegen, dy't mei-inoar sa'n lytse 750.000 ynwenners hat. Apeldoarn, Dimter en Sutfen oparbeidzje mei-inoar en binne feriene yn 'e Stêdetrijehoeke, dy't mei-inoar goed 447.000 ynwenners hawwe.
Mei útsûndering fan Almeare, Apeldoarn, Arnhim, Nimwegen en Ynskedee woeksen dy stêden benammen troch it anneksearjen fan buorgemeenten, lykas Eindhoven yn 1920, Tilburch yn 1997 en Grins yn 2019.

De lêste groep, mei in ynwennertal fan 100.000 oant 150.000 woeks yn de ôfrûne desenniums likegoed ta fjirtjin gemeenten. Ljouwert passearre de grins fan 100.000 yn 2014 doe't de gemeente in part fan de doe ophefte gemeente Boarnsterhim dêrby krige. De lêste gemeente dy't de 100.000 passearre wie de gemeente Dimter yn 2018.

List

De ynwennertallen binne de sifers fan it CBS op peildatum 1 jannewaris 2024.

Nº	Namme	Provinsje	Ynwenners
1	Amsterdam	Noard-Hollân	934.855
2	Rotterdam	Súd-Hollân	671.341
3	De Haach	Súd-Hollân	565.769
4	Utert	Utert	374.130
5	Eindhoven	Noard-Brabân	246.583
6	Grins	Grinslân	243.366
7	Tilburch	Noard-Brabân	229.789
8	Almeare	Flevolân	226.786
9	Breda	Noard-Brabân	226.786
10	Nimwegen	Gelderlân	187.228
11	Apeldoarn	Gelderlân	168.193
12	Haarlim	Noard-Hollân	167.753
13	Arnhim	Gelderlân	167.527
14	Haarlimmermar	Noard-Hollân	163.279
15	Amersfoart	Utert	161.975
16	Ynskedee	Oerisel	161.573
17	Saanstêd	Noard-Hollân	161.504
18	De Bosk	Noard-Brabân	160.723
19	Swol	Oerisel	133.081
20	Leien	Súd-Hollân	130.179
21	Ljouwert	Fryslân	128.867
22	Zoetermeer	Súd-Hollân	128.636
23	Maastricht	Limburch	125.221
24	Ede	Gelderlân	123.441
25	Doardt	Súd-Hollân	122.184
26	Westlân	Súd-Hollân	115.903
27	Alfen oan de Ryn	Súd-Hollân	115.005
28	Alkmar	Noard-Hollân	112.374
29	Delft	Súd-Hollân	109.585
30	Emmen	Drinte	109.372
31	Fenlo	Limburch	103.891
32	Dimter	Oerisel	103.485

Belied

De Ryksoerheid hat in Gruttestêdebelied dêr't 44 gemeenten yn gearwurkje. It sette útein as de G4, de fjouwer grutste gemeenten, dochs waard stadichoan útwreide mei ta de 44 grutste gemeenten.

Sjoch ek

• Gemeenten fan Nederlân
• List fan Nederlânske gemeenten
• Gruttestêdebelied

Boarnen, noaten en referinsjes

Boarnen, noaten en/as referinsjes: