Nasjonaal Lânskip Súdwest-Fryslân

Nasjonaal Lânskip Súdwest-Fryslân is in nasjonaal lânskip fan 51420 hektare yn it súdwesten fan de provinsje Fryslân. It is sûnt 2005 ien fan de tweintich nasjonale lânskipppen. Nasjonaal Lânskip Noardlike Fryske Wâlden is it oare Nasjonaal Lânskip yn Fryslân.

Plak bewurkje seksje

It Nasjonaal Lânskip leit yn de gemeenten Súdwest-Fryslân en Gaasterlân-Sleat. It leit besuden de A7 en de stêden Boalsert en Snits en bewesten de A6 tusken De Jouwer en De Lemmer.

It Nasjonaal Lânskip Súdwest-Fryslân kin opdield wurde yn trije lânskipstypen:

Iselmarkust: It gebiet tusken de plakken Makkum yn it noarden en De Lemmer yn it suden. Yn dy krite lizze de kustplakken Gaast, Laaksum, Murns, Molkwar, Skarl en Warns en trije fan de Fryske Alve Stêden: Warkum, Hylpen en Starum.
Gaasterlân: In krite mei bosk, greide, kliffen en stowâlen. In stikmannich plakken yn it gebiet binne Aldemardum, Riis, Nijemardum, Balk en Sondel. Dêr lizze ek balstienliembulten, as it Murnser Klif. Sintraal yn 't Gaasterlân leit de Rysterbosk, dêr't ek it heechste punt fan it Gaasterlân en it nasjonale lânskip Súdwest-Fryslân leit.
Súdwestlike Fryske marren: De marren en feangebieten fan de regio Súdwestlike Fryske Marren omklammet De Moarre, de Sleattemer Mar, de Hegemer Mar, de Fluezen en omkriten, en it natoergebiet de Aldegeaster Brekken, Fluezen en omjouwing.

Nasjonaal Lânskip Súdwest-Fryslân

De Iselmar fan ien fan de Gaasterlânske stowâlen ôf sjoen

Sicht op Nijemardum

Iselmarkust fanôf Loftwachttoer Aldemardum

Fluezen