Sarah Hyland

Sarah Hyland (folút: Sarah Jane Hyland; New York, 24 novimber 1990) is in Amerikaansk tillefyzje-, film-, musical- en stimaktrise en sjongster. Hja waard bekend as Haley, de âldste, wat dommige dochter fan it gesin Dunphy yn 'e komeedzjesearje Modern Family. Foar dy rol wûn se ferskate prizen.

Sarah Hyland
akteur
persoanlike bysûnderheden
echte namme	Sarah Jane Hyland
nasjonaliteit	Amerikaansk
berne	24 novimber 1990
berteplak	New York (New York)
etnisiteit	Angelsaksysk Amerikaansk
jierren aktyf	1997 – no
offisjele webside
Sarah Hyland yn 'e IMDb

Libben en karriêre

Jonkheid en oplieding

Hyland waard yn 1990 berne yn New York, as de dochter fan Edward James Hyland en Melissa Canaday, dy't beide ek as akteurs aktyf binne. Hja hat in jongere broer, Ian. Hyland studearre oan 'e Professional Performing Arts School yn Manhattan.

Sarah Hyland yn 2013.

Aktearkarriêre

Hyland is al oan it aktearjen sûnt se fiif jier wie. Yn har earste filmrol spile se de dochter fan radiopresintator Howard Stern, yn dy syn autobiografyske film Private Parts, út 1997. Yn 1999 spile se Molly yn 'e tillefyzje-remake fan 'e ferneamde musical Annie, en neitiid hie se ferskate gastrollen yn plysjesearjes lykas Law & Order, Law & Order: Special Victims Unit en Law & Order: Trial by Jury. Fan 2008 oant 2009 hie Hyland in weromkearende rol as Maddy Healy yn 'e tillefyzjesearje Lipstick Jungle. Underwilens spile se yn 2006 op Broadway yn it toanielstik Grey Gardens de jonge Jackie Kennedy.

Yn 2009 briek Hyland troch mei de rol fan Haley Dunphy, de wat dommige âldste dochter yn 'e húshâlding fan 'e dochter en skoansoan yn 'e komeedzjesearje Modern Family. Dy searje wie tige súksesfol en rûn oant yn 2020. Mei de rest fan 'e akteurs yn Modern Family wûn Hyland yn 2011, 2012, 2013 en 2014 fjouwer jier op rige de Screen Actors Guild Award yn 'e kategory treflike prestaasje fan in cast yn in komeedzjesearje. Ek sleepte se foar de rol fan Haley Dunphy ferskate nominaasjes yn 'e wacht.

Yn 2014 hie Hyland in gastrol yn in ôflevering fan 'e komeedzjesearje Hot in Cleveland. Yn 2017 spile se âldere suster Lisa Houseman yn 'e tillefyzje-remake fan Dirty Dancing. Dêrnjonken wie Hyland op it wite doek te sjen yn û.m. de coming-of-age-komeedzjedramafilm Struck by Lightning (2012), de horrorkomeedzje Scary Movie 5 (2013) en de jeugdfantasyfilm Vampire Academy (2014). Se die yn 2017 mei oan it tillefyzjeprogramma Lip Sync Battle, wêryn't se it al playbackend opnaam tsjin DeAndre Jordan.

Sjongkarriêre

Hyland hat ferskate kearen as sjongster aktyf west. Sa song se yn 2016 mei Boyce Avenue covers fan Closer fan The Chainmakers en Don't Wanna Know fan Maroon 5. By de útrikking fan 'e Teen Choice Awards yn 2019 song se tegearre mei Jordan McGraw (de soan fan Dr. Phil) it liet Met at a Party, dat letter dat jiers ek as single útbrocht waard.

Priveelibben

Yn har bernetiid waard by Hyland nierdysplasy fêststeld. Yn april 2012 ûndergie se in niertransplantaasje, wêrby't har heit as donor fungearre. Nei ferskate jierren state har lichem har heite nier lykwols ôf, sadat se in nije niertransplantaasje ûndergean moast, diskear mei har jongere broer Ian as donor. Yn totaal hie se tsjin 2018 sûnt har berte al sechstjin operaasjes ûndergien. Fanwegen de medisinen dy't se ynnimme moat om in nije ôfstjitting foar te kommen hat Hyland muoite om gewicht en spiermassa te behâlden. Dêrom is har troch de jierren hinne ferskate kearen bêdrêst foarskreaun. Yn desimber 2018 bekende Hyland yn in fraachpetear mei it tydskrift Self dat se op in stuit selsmoard yn omtinken nommen hie om't se it gefoel hie in lêst foar har famylje te wêzen en om't se har skamme dat har lichem har heite nier ôfstaat hie.

Yn 2009 krige Hyland in relaasje mei akteur Matt Prokop, mei wa't se yn 'e kunde kaam doe't se tegearre audysje diene foar de film High School Musical 3: Senior Year. Hyland en Prokop wennen gear fan 2011 oant 2014. Yn septimber 2014 frege Hyland in tydlik omgongsferbod oan tsjin Prokop, nei't er har mishannele en bedrige hie. De rjochter kende dat kontaktferbod ta. Fan febrewaris 2015 oant 2017 gie Hyland om mei Dominic Sherwood, har tsjinspiler út 'e film Vampire Academy. Yn 2017 begûn se in relaasje mei Wells Adams, in radiopresintator, mei wa't se har yn july 2019 ferloofde. Se wennet mei him gear yn Los Angeles.

Diskografy

lieten

• 2017 – (I've Had) The Time of My Life (mei de cast fan Dirty Dancing op soundtrackalbum fan dy film)
• 2017 – Don't think Twice, It's All Right (mei de cast fan Dirty Dancing op it soundtrackalbum fan dy film)
• 2017 – Closer (mei Boyce Avenue op Cover Sessions, Vol. 4)
• 2017 – Don't Wanna Know (mei Boyce Avenue op Cover Sessions, Vol. 4)
• 2018 – Know U Anymore (mei BoTalks, útbrocht as single)
• 2019 – Met at a Party (mei Jordan McGraw, útbrocht as single)

Filmografy

Filmografy as aktrise
jier	titel	rol of funksje	opmerkings
tillefyzje
1997–1998	Another World	Rain Wolfe	weromkearende rol; ûnbekend tal ôfl.
1998	Trinity	bleu famke	gastrol; ôfl. No Secrets
1999	Annie	Molly	tillefyzjefilm nom. Young Artist Award foar bêste jonge cast yn in spylfilm of tillefyzjefilm
2000	Joe Gould's Secret	Elizabeth Mitchell	tillefyzjefilm
2000	The Audrey Hepburn Story	Audrey Hepburn (8 jr.)	tillefyzjefilm
2000	All My Children	Karen	gastrol; 2 ôfl.
2000	Falcone	Jess Pistone Egan	minysearje
2001	Law & Order: Special Victims Unit	Lily Ramsey	gastrol; ôfl. Repression
2002	Touched by an Angel	Grace	gastrol; ôfl. A Feather on the Breath of God
2004	Law & Order	Kristine McLean	gastrol; ôfl. The Dead Wives Club
2005	Law & Order: Trial by Jury	Brianne Colby	gastrol; ôfl. Vigilante
2007	One Life to Live	Heather	weromkearende rol; 7 ôfl.
2008–2009	Lipstick Jungle	Maddie Healy	weromkearende rol; 15 ôfl.
2009	Law & Order: Special Victims Unit	Jennifer Banks	gastrol; ôfl. Hothouse
2009–2020	Modern Family	Haley Dunphy	fêste rol; 11 seizoenen 4 × Screen Actors Guild Award foar bêste cast yn in komeedzjesearje (2011–2014) 4 × nom. Screen Actors Guild Award foar bêste cast yn in komeedzjesearje (2010, 2015–2017) nom. Critics' Choice Television Award foar bêste byrol fan in aktrise yn in komeedzjesearje (2013) 2 × nom. Teen Choice Award foar bêste tillefyzje-aktrise yn in komeedzjesearje (2018, 2019) nom. Teen Choice Award foar bêste trochbraak (2010) nom. Teen Choice Award foar sênesteller (2012) nom. Kids' Choice Award foar favorite froulike tillefyzjestjer (2016)
2010	Cubed	harsels	as dielnimster; ôfl. 2.4
2011	Children's Hospital	bekend persoan	gastrol; ôfl. Nip/Tug
2011	Geek Charming	Dylan Schoenfield	tillefyzjefilm
2012	Punk'd	harsels	ferburgenkameraprogramma; ôfl. Lucy Hale
2012	Perception	famke mei it syndroom fan Gilles de la Tourette	gastrol; ôfl. Kilimanjaro
2012–2015	Randy Cunningham: 9th Grade Ninja	Theresa Fowler	as stimaktrise; weromkearende rol; 11 ôfl.
2013	Call Me Crazy: A Five Film	Grace	tillefyzjefilm; segmint Grace
2013	Bonnie & Clyde	Blanche Barrow	minysearje
2014	Robot Chicken DC Comics Special 2: Villains in Paradise	Lena Luthor	as stimaktrise; tillefyzjespecial
2014	Hot in Cleveland	Ivy	gastrol; ôfl. Rusty Banks Rides Again
2015	Repeat after Me	harsels	ôfl. Episode 101
2015	The Lion Guard: Return of the Roar	Tiifu	as stimaktrise; tillefyzjefilm
2016	Lip Sync Battle Shorties	harsels	presintatrise; 1e ôfl.
2016–2017	The Lion Guard	Tiifu	as stimaktrise; weromkearende rol; 4 ôfl.
2017	Lip Sync Battle	harsels	ôfl. Sarah Hyland vs. DeAndre Jordan
2017	Dimension 404	Chloe	gastrol; ôfl. Cinethrax
2017	Dirty Dancing	Lisa Houseman	tillefyzjefilm
2017	Shadowhunters	Seelie Queen	gastrol; 2 ôfl.
2017	The Lion Guard: The Rise of Scar	Tiifu	as stimaktrise; tillefyzjefilm
2019	Veronica Mars	Alyssa	gastrol; ôfl. Heads You Lose
2020	RuPaul's Drag Race All Stars	harsels	as sjuerylid; ôfl. SheMZ
2020	Celebrity Game Face	harsels	1e ôfl.
2021	Epic	Rose	pilotôflevering
films
1997	A Tall Winter's Tale	Elizabeth
1997	Private Parts	dochter fan Howard Sterns
1998	The Object of My Affection	Molly
1998	Advice from a Caterpillar	Lizbeth
1999	Cradle Will Rock	Silvano / Giovanna
2002	The Empath	de jonge Christine
2004	Spanglish	útfanhûzer
2007	Blind Date	famke	as stimaktrise
2010	Monster Heroes	Delilah
2010	Cougars, Inc.	Courtney
2011	Conception	Tracey
2012	Struck by Lightning	Claire Matthews
2013	Scary Movie 5	Mia
2013	April Apocalypse	Samm
2014	Vampire Academy	Natalie Dashkov
2014	Date and Switch	Ava
2015	See You in Valhalla	Johana Burwood	ek filmprodusinte
2016	Satanic	Chloe
2016	Lego DC Comics Super Heroes: Justice League – Gotham City Breakout	Batgirl	as stimaktrise
2016	XOXO	Krystal	ek útfierend produsinte
2019	The Wedding Year	Mara Hickey	ek útfierend produsinte
fideoklips
2009	In the Moonlight (Do Me)	aktrise	nûmer fan Reid Ewing
2016	Like I Did	aktrise	nûmer fan Shane Harper
2016	Closer	sjongster	nûmer fan Boyce Avenue en Sarah Hyland
2016	Don't Wanna Know	sjongster	nûmer fan Boyce Avenue en Sarah Hyland
2017	Don't Think Twice, It's All Right	sjongster	nûmer fan Sarah Hyland en J. Quinton Johnson
2018	Know U Anymore	sjongster	nûmer fan BoTalks en Sarah Hyland

Keppelings om utens

• (in) Folsleine filmografy fan Sarah Hyland yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Sarah Hyland fan Wikimedia Commons.