Terbant
Terbant is in doarp yn it noardwesten fan 'e gemeente It Hearrenfean. Under it doarp falt foar in part ek it buorskip Spitsendyk.
| Terbant | ||
| ||
| Terbantster tsjerke | ||
| Emblemen | ||
| ||
| Sifers | ||
| Ynwennertal | 265 (1 jannewaris 2022)[1] | |
| Oerflak | 7,31 km², wêrfan - lân: 6,80 km² - wetter 0,51 km² | |
| Befolkingsticht. | 39 ynw./km² | |
| Polityk | ||
| Lân |  Nederlân
| |
| Provinsje |  Fryslân
| |
| Gemeente |  It Hearrenfean
| |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 52° 59' N 5° 54' E | |
| Offisjele webside | ||
| webstee fan Aenjewier | ||
| Kaart | ||
  Lokaasje Terbant yn Fryslân
| ||
| Kaart | ||
| ||
| Lokaasje Terbant (grien) yn 'e gemeente It Hearrenfean | ||
Terbant hat 265 (1 jannewaris 2022)[2] ynwenners.
Skiednis Bewurkje
Aldere nammen fan Terband binne 'Bant' (1315), 'Terband' (1492) en 'Katrynbant' of 'Opperbant' (1505). Bant is âldsaksysk foar 'streek'. De namme Katrynbant ferwiisde nei de hillige Katarina, patroanhillige fan de tsjerke. Opperbant bestjut safolle as "Op de Streek". De midsiuwske tsjerke fan Terbant wie yn 1638 sa ferfallen, dat der besletten waard om in nije tsjerke te bouwen fan 70 by 23 houtfoet.[3] De tsjintwurdige neoklassisistyske tsjerke ferfong yn 1845 de âldere tsjerke en is boud neffens in ûntwerp fan Thomas Romein.
Yn de Tachtichjierrige Oarloch waard by it doarp de Bantsterskâns oanlein. It moat in aardich grutte skâns west ha mei in besetting fan wol 300 man.[4] Op it plak dêr't yn It Hearrenfean de strjitten Fok en Skâns yn inoar oergeane is ta neitins fan de Bantsterskâns in keunstwurk fan Albert Oost set.[5] Ek betinkt de strjitnamme De Skâns yn It Hearrenfean-Noard de eardere Bantsterskâns.
Yn Terbant stie earder Fioletta, in neisoarchkoloanje fan it Griene Krús.
Terbant foarme foar 1934 mei de doarpen Tsjalbert, Lúnbert en Gersleat de gemeente Aenjewier. De fjouwer doarpen lizze oan de Aenjewierwei en wurde noch altyd 'Aenjewier of 'De Streek' neamd.
Yn 'e jierren 1950 is in diel fan de âlde himrik fan Terband mei in grinskorreksje oergien nei de himrik fan It Hearrenfean. Yn dy tiid waard ek de rotonde oanlein op de krusing fan de lettere A32 en A7, tsjintwurdich it Knooppunt It Hearrenfean . Foar dat doel moast in diel fan Terband ôfbrutsen wurde.
Mienskip Bewurkje
.jpg)
De fjouwer doarpen fan 'e eardere gemeente Aenjewier hawwe mienskiplik in yn 2016 iepene Multyfunksjonele Akkomodaasje, dy't yn Tsjalbert stiet. It doarp docht in soad yn 'e mande mei de oare Aenjewierster doarpen en hat ek in mienskiplik Pleatslik Belang. "Aengwirden Aktief" is de doarpskrante.
Tsjerke Bewurkje
Skoalle Bewurkje
Sûnt 2022 geane de bern fan alle Aenjewierster doarpen nei de doe iepene gearwurkingsskoalle De Nijewier. De skoalle stiet yn Tsjalbert.
Ferienings Bewurkje
|
|
(De list is yn 2023 bywurke mei help fan de hiemside fan 'e Aenjewierster doarpen. Sjoch foar de meast aktuele ynformaasje oer ferienings op dy hiemside)
Befolkingsferrin Bewurkje
| Jier | 1850 | 1900 | 1950 | 1960 | 1970 | 1980 | 2005 | 2010 |
|---|---|---|---|---|---|---|---|---|
| Ynwenners | 355 | 979 | 721 | 276 | 220 | 234 | 304 | 301 |
| Jier | 2015 | 2020 | ||||||
| Ynwenners | 275 | 265 |
(Boarnen: 1850-1980: De Heeren en de Anderen, R. Boltendal, side 301-302; 2015 en 2020: Alle Cijfers)
Berne Bewurkje
- Lammert Popma (18921971), toanielspiler en regisseur
- Elske Schotanus (1957), skriuwster en keunstner
- Robert Zandvliet (1970), keunstskilder
Wapen Bewurkje
It wapen fan Terbant bestiet út in swart fjild mei dêrop in deadskop op twa krúste bonken yn sulver en trije griene nôtieren yn elts eachgat. Under it wapen in wyt lint mei yn swarte letters it wurd Resurrectio (weropstanning). De nôtieren út de eachkassen jouwe oan dat it fruchtbere libben út de dea fuortkomt.
Strjitten Bewurkje
Alle strjitten yn Terbant mei ferklearring fan de nammen.
Publikaasje(s) Bewurkje
- S. Bakker "Vier dorpen, één streek. Terband, Luinjeberd, Tjalleberd, Gersloot"
Sjoch ek Bewurkje
Keppeling om utens Bewurkje
| Boarnen, noaten en/as referinsjes: | ||
|
|
| |
|---|---|
| Haadplak: It Hearrenfean | |
| Doarpen en útbuorrens: Aldeboarn • Aldhoarne • Aldskoat • Akkrum • Bontebok • Gersleat • Haskerdiken • Hoarnstersweach • Jobbegea • Ketlik • De Knipe • Lúnbert • Mildaam • Nes • Nijbrêge • Nijhoarne • Nijskoat • Oranjewâld • Terbant • Tsjalbert | |
| Buorskippen: Aldskou • Annebuorren • Brongergea • Burstum • Easterboarn • Jinshuzen • Meskenwier • Pean • Poppenhuzen • Jobbegea-Skuorregea • Soarremoarre • Spitsendyk • Sythuzen • Warniahuzen | |