Aldhoarne

Aldhoarne
gemeente	It Hearrenfean
Gritenij	Skoatterlân
Stimmen	16
Ynwenners (2010)	854
Huzen	{{{huzen}}}
Koördinaten	6° 4' NB, 52° 57' EL
Netnûmer	0513
Postkoade	8413
Webstee	www.oude-nieuwehorne.nl

Aldhoarne (Oudehorne) is in doarp yn de gemeente It Hearrenfean, noardeastlik fan Nijhoarne oan de N380. Der is lintbebouwing oan de Skoatterlânskewei, dy’t benoarden De Tsjonger fan east nei west rint.

Skiednis

De âldste spoaren fan bewenning binne fûn op de Kiekenberch (+8m.), in drûch plak yn de Tsjongerfallei. Hoarne komt fan ‘’herne’’ in útspringende punt yn it gebiet fan de bochtige Tsjonger of it komt fan in âld sydrivierke fan de Tsjonger. Der binne dêr ek Romeinske munten fûn.
Yn in dokumint fan 1315 is praat fan de kapel fan "Hoerna", fallend ûnder de katolike tsjerke fan Aldeboarn. Op in kaart fan 1718 wurdt skreaun oer ‘’Oude Horn’’.
Yn de 17e iuw en de 18e iuw is tusken de Skoatterlânske Kompanjonsfeart en De Tsjonger ek turf ôfgroeven. De measte minsken yn dizze streek wiene doe oant de 20e iuw meast bouboeren, nei de opkomst fan de suvelyndustry ek feehâlderij. Oant de gemeentlike weryndieling fan 1934 makke it doarp, krekt as it susterdoarp Nijhoarne diel út fan de gemeente Skoatterlân. Doe waarden de gemeenten Skoatterlân, Aenjewier en in diel fan Haskerlân gearfoege.

lizzing Aldhoarne

Gea

It lânskip bestiet út lân en houtwâlen. Tichtby lizze de natuergebieten Lytse en Grutte Kiekenberch en wat fierder de Ketlikerheide en Ketlikerskar. De fûgel- en natuerbeskermingswacht is ûnôfhinklik mar wurket wol safolle mooglik gear mei it Bûn fan Fryske Fûgelwachten en It Fryske Gea. Under Aldhoarne leit de Tolhiksbosk.

Mienskip

• De doarpskrante hjit De Hoarnekrite.
• It doarpshûs fan Aldhoarne hjit De Kiekenhof

Flaaielfeest

De lêste sneon yn septimber wurdt it Flaeijelfeest hâlden, It is in tradisjoneel rispinge en terskfeest.

Joppe Festival

De tredde wike fan augustus wurdt it Joppe Festival holden, in jierliks rockfestival yn de Tsjongerfallei.' Joppe' is âld-Nederlânsk en betsjut 'fertier' en 'yn oarder'. It Joppe Festival is yn 1996 begûn as in eksamenfeest.

Sint Thomaslieden

klokkestoel Aldhoarne

Op it begraafplak stiet in klokkestoel. Hjir wurdt tusken 21 desimber en Nijjier, tagelyk mei Mildaam it Sint Thomaslieden hâlden. De twa klokken yn it klokhús, dy’t yn 1942 troch de Dútsers foardere binne, wienen fan 1617 en 1763. Fan folkloare is it wurden ta in wedstryd foar de wat âldere jeugd. It lieden hat te krijen mei de hillige Thomas, syn nammedei is 21 desimber. It doel wie om de boaze geasten dy't foar it tsjuster oerdeis soargje, te ferjeien. Mei it lieden fan de klokken wurdt besocht it ljocht werom te krijen.

Ferieningen

• Yn 2004 is begûn mei it opsetten fan de stifting Doarpsargyf. Hjir wurdt alles sammele wat mei Ald- en Nijhoarne te krijen hat.
• Lyts Bigjin – iisklup. Oprjochte sa. 1897
• It sjongkoar Jan de Roas Sjongers is neamd nei strjitartyst Jan de Roos.
• De Vrije Fries - muzyk
• Pleatslik Belang
• De Kiekenhof – biljertferiening
• Stifting De Nije Kompanjons hat warber west om foar te kommen dat de Kompanjonsfeart tichtsmiten waard. De feriening set him no yn om de Turfrûte te ferbetterjen en te promoaten.

Befolking

1954	1959	1964	1969	1973	2004	2005	2006	2007	2008	2009	2010
1133	1138	1102	978	950	850	854	865	878	864	855	854

Strjitten yn Aldhoarne

De strjitten fan Aldhoarne.

Iepenbier ferfier

Line fan Qbuzz:

• Line 13: Stienwyk - Eesfean - Nijensleek - Frederiksoard - Willemsoard - Noardwâlde - Sânhuzen - Aldeberkeap - Aldhoarne - Jobbegea Skuorregea - Lippenhuzen - De Gerdyk - Terwispel - Drachten - Nijtap - Rottefalle - Surhústerfean - De Harkema - Droegeham - Koatstertille - Jistrum - Noardburgum - Quatrebras - Hurdegaryp - Tytsjerk - Ljouwert
• Line 15: It Hearrenfean - Aldskoat - Mildaam - Ketlik - Nijhoarne - Aldhoarne - Jobbegea Skuorregea - Jobbegea - Hoarnstersweach - Donkerbroek - Easterwâlde - Appelskea - Smilde - Bovensmilde - Assen

Sjoch ek

• Fryske doarpen.
• Klokkestuollen yn Fryslân.
• De Frije Wiken.

Keppeling om utens

• Webstee Ald- en Nijhoarne
• Oer de Turfrûte yn súdeast Fryslân
• Joppefestival
• Skiednis en ferklearring strjitnammen