Nijhoarne

	Nijhoarne
	Tsjerke fan Nijhoarne
	Bestjoer
Lân	Nederlân
Provinsje	Fryslân
Gemeente	It Hearrenfean
	Sifers
Ynwennertal	1.455 (1 jannewaris 2023)
Oerflak	6,4 km² ; lân: 6,35 km² ; wetter: 0,045km²
Befolkingsticht.	227 ynw./km²
	Oar
Postkoade	8414
Netnûmer	0513
Tiidsône	UTC +1
Simmertiid	UTC +2
Koördinaten	52° 57' NB, 6° 3' EL
	It Flaeijelfeest yn Nijhoarne
	Offisjele webside
	http://www.oude-nieuwehorne.nl/
	Kaart
	;
	Kaart
	Himrik fan Nijhoarne yn de gemeente It Hearrenfean

Nijhoarne (Nederlânsk en offisjeel: Nieuwehorne) is in doarp yn de gemeente It Hearrenfean, noardwest fan it trijegemeentenpunt mei de Stellingwerven. Nijhoarne foarmet in twillingdoarp mei Aldhoarne.

Nijhoarne hat 1.455 ynwenners (1 jannewaris 2023).

Geografy

Nijhoarne leit lykas in protte oare doarpen yn it gebiet "Tusken Feart en Tsjonger" tusken de Skoatterlânske Kompanjonsfeart oan de noardkant en de rivier de Tsjonger oan de súdkant. It leit tusken Ketlik en Aldhoarne yn. Der binne in soad houtwâlen. It gebiet hat him ûntwikkele troch de feanterij. De Skoatterlânskewei rint mei in soad lintbebouwing troch de doarpen. Yn it noarden fan Nijhoarne is by in fallaat yn de Kompanjonsfeart it buorskip Bontebok ûntstien. Dat doarp hat yn 1979 de status fan in apart doarp krige.

Lytse en Grutte Kiekenberch en de tichteby lizzende Ketlikerheide en Ketliker Skar binne unyk. Ald- en Nijhoarne lizze oan De Tsjonger dêr't simmerdeis in soad boaten troch Slûs I farre.

Skiednis

Yn 1315 wurdt de namme Hoerne cum duabus capellis neamd en betsjut "Hoarne mei twa kapellen" ferwizende nei de twa doarpen Ald- en Nijhoarne. Hoarne ferwiist nei in hoeke yn in dyk. Yn 1408 komt it doarp foar as Nye Hoerne en Nyenhoern. It taheaksel nye (nij) ferwiist nei it ûnderskied fan Aldhoarne. It doarp ûntstie dus út Aldherne wei en waard as jongere delsetting dus "nij" neamd.^[2]

Nijhoarne ûntstie yn de 18e iuw as streekdoarp by de spjalting fan de Binnenwei dy't hjoed-de-dei as Skoatterlânskewei fan Aldskoat ôf rjochting Donkerbroek is. It doarp lei yn in heechfeangea dêr't turf stutsen waard en dêrnei yn kultuer brocht waard. Súdlik dêrfan lizze mieden yn de delling fan De Tsjoner. It doarp ûntwikkele hm op it plak dêr't de Skoatterlânske Kompanjonsfeart út it noarden de Fjirde Wyk dy't rjochting de Binnenwei rûn. Dêr waard yn 1778 de tsjerke boud.

Nijhoarne woeks yn de 19e en iere 20e iuw benammen by de diken del. Nei de Twadde Wrâldkriich waard yn it gebiet tusken de diken beboud. Nijhoarne ûntwikkele him lykwols net ta in komdoarp, mar bleau in streekdoarp.

Oant de gemeentlike weryndieling fan 1934 wie it, lykas it susterdoarp Aldhoarne, part fan de gemeente Skoatterlân.

Mienskip

Nijhoarne en Aldhoarne wurkje in soad gear op mêd fan it ferieningslibben. It pleatslik belang komt op fan it belang fan de doarpen Ald- en Nijhoarne. 13 buertferienings binne aktyf yn it twillingdoarp.

Yn Nijhoarne stiet de Sevenaerskoalle it doarpshûs De Kiekenhof. Dêryn sit ek it pjutteboartersplak De Lytse Bearkes. Op de lêste sneon yn septimber steane Ald- en Nijhoarne yn it teken fan it Flaeijelfeest. Tsien kear yn 't jier ferskynt doarpskrante De Hoarnekrite. De VVV organisearret in soad doarpsaktiviteiten.

Ferienings

Fûgelwacht
Klokkekommisje Aldhoarne
It sjongkoar Jan de Roas Sjongers is neamd nei strjitartyst Jan de Roos.
De Vrije Fries - muzyk
Sjongnocht - frouljuskoar
Let's Try - popkoar
De Maerteblom - toanielferiening
Trekker Trek Aldhoarne
Lyts Bigjin – iisklup. Oprjochte yn 1897
Ien Twa Trije - iisferiening
De Kiekenhof – biljertferiening
UDIROS - sportferiening
De Horne - tennisferiening
Stifting Volksvermaak Oude en Nieuwehorne.

Befolkingsferrin

1954	1959	1964	1969	1974	2004	2005	2006	2007	2008	2009	2010	2013	2024
894	898	889	946	1131	1491	1494	1472	1491	1488	1496	1489	1445	1485

Strjitten

De strjitten yn Nijhoarne en ferklearring fan de strjitnammen.

Sjoch ek

Keppeling om utens

Boarnen, noaten en referinsjes

Boarnen, noaten en/as referinsjes:

↑ Sjoch: Kerncijfers wijken en buurten 2023 (CBS).
↑ Nederlandse plaatsnamen verklaard, 2018 troch G. van Berkel en K. Samplonius en Friese plaatsnamen. Alle steden, dorpen en gehuchten (2017) troch Karel F. Gildemacher

Nijhoarne yn Friesland Wonderland troch Peter Karstkarel

52° 57' NB, 6° 3' EL

	It Hearrenfean
Doarpen en útbuorrens: Aldeboarn • Aldhoarne • Aldskoat • Akkrum • Bontebok • Gersleat • Haskerdiken • Hoarnstersweach • It Hearrenfean • Jobbegea • Ketlik • De Knipe • Lúnbert • Mildaam • Nes • Nijbrêge • Nijhoarne • Nijskoat • It Oranjewâld • Terbant • Tsjalbert
Buorskippen: Aldskou • Annebuorren • Brongergea • Burstum • Easterboarn • Jinshuzen • Meskenwier • Pean • Poppenhuzen • Jobbegea-Skuorregea • Soarremoarre • Spitsendyk • Sythuzen • Warniahuzen
· ·

[1] Sjoch: Kerncijfers wijken en buurten 2023 (CBS).

[2] Nederlandse plaatsnamen verklaard, 2018 troch G. van Berkel en K. Samplonius en Friese plaatsnamen. Alle steden, dorpen en gehuchten (2017) troch Karel F. Gildemacher

[1]

[2]

Nijhoarne

Tsjerke fan Nijhoarne
Bestjoer
Lân	Nederlân
Provinsje	Fryslân
Gemeente	It Hearrenfean
Sifers
Ynwennertal	1.455 (1 jannewaris 2023)^[1]
Oerflak	6,4 km² lân: 6,35 km² wetter: 0,045km²
Befolkingsticht.	227 ynw./km²
Oar
Postkoade	8414
Netnûmer	0513
Tiidsône	UTC +1
Simmertiid	UTC +2
Koördinaten	52° 57' NB, 6° 3' EL

It Flaeijelfeest yn Nijhoarne
Offisjele webside
http://www.oude-nieuwehorne.nl/
Kaart

Kaart

Himrik fan Nijhoarne yn de gemeente It Hearrenfean