Héctor Elizondo

Héctor Elizondo (New York, 22 desimber 1936) is in Amerikaansk akteur fan mingd Baskysk, Kanarysk en Portorikaansk etnysk komôf. De measte lju sille him kenne as de folle pleage mar lykwols behelpsume hotelmanager yn 'e romantyske film Pretty Woman. Dêrnjonken is er it bekendst wurden troch syn optredens yn 'e tillefyzjesearjes Chicago Hope (dêr't er in Emmy Award foar wûn), en Last Man Standing.

Héctor Elizondo
akteur
persoanlike bysûnderheden
echte namme	Héctor Elizondo
nasjonaliteit	Amerikaansk
berne	22 desimber 1936
berteplak	New York (New York)
etnisiteit	Baskysk Kanarysk   Portorikaansk
jierren aktyf	1963 – no
prizen	Emmy Award 1997
offisjele webside
Héctor Elizondo yn 'e IMDb

Libben en karriêre

Jonkheid en oplieding

Elizondo waard yn 1936 berne yn New York, as de soan fan Martín Echevarría Elizondo, in notaris en boekhâlder, en dy syn frou Carmen Medina Reyes. Syn pake oan heitekant wie in Bask út Spaansk-Baskelân, wylst syn pake en beppe oan memmekant fan 'e Kanaryske Eilannen kamen. Syn âlden emigrearren út Porto Riko nei de Feriene Steaten, op 'e siik nei in better libben.

As opslûpen jonge wie Elizondo goed yn sport en song er jierrenlang yn in jongeskoar. Nei't er yn 1954 de middelbere skoalle ôfmakke hie, liet er him ynskriuwe oan it Stedskolleezje fan New York, mei de bedoeling om skiednislearaar te wurden. Doe't ûnder syn earste jier dêre syn faam swier rekke, joech er lykwols syn stúdzje deroan om in foltiids baan te sykjen sadat er trouwe en syn gesin ûnderhâlde koe.

Karriêre

Fan 1962 oant 1963 folge Elizondo in dûnsoplieding, wêrnei't er úteinsette mei in nije karriêre as toaniel- en musicalakteur. Syn earste grutte súkses boekte er yn 1971, mei de rol fan God (yn 'e momkape fan in Portorikaanske badhûsassistint) yn it stik Steambath. Foar dat optreden wûn er in Obie Award. Yn 'e measte stikken fertolke er in ûnderstypjende rol, as de freon of meistanner fan 'e haadpersoan.

Syn earste filmrol hie Elizondo yn 1963, yn The Fat Black Pussycat, en syn earste tillefyzjerol folge yn 1967, yn 'e searje The Edge of Night. Yn 1975 en 1976 hied er foar it earst in fêste rol op 'e tillefyzje, as de Portorikaanske widner Abraham Rodriguez yn 'e rige Popi. Hoewol't dêrfan mar alve ôfleverings makke waarden, wie it ien fan 'e earste Amerikaanske tillefyzjesearjes wêryn't in Latino in fêst lid fan 'e cast wie. In oare tillefyzjerige dêr't Elizondo in fêste rol yn hie, wie Foley Square (1985-1986).

Yn 'e 1980-er jierren rekke Elizondo befreone mei regisseur Garry Marshall, dy't him neitiid gauris frege foar rollen yn syn films. Elizondo syn ynternasjonale trochbraak kaam troch syn rol as de folle pleage mar freonlik bliuwende hotelmanager yn 'e kaskreaker Pretty Woman, mei Julia Roberts en Richard Gere. Hoewol't Elizondo yn dy film yn totaal mar tsien minuten yn byld is, waard er foar syn byrol nominearre foar in Golden Globe.

Héctor Elizondo yn 2012.

Oare bekende films wêryn't er spile, wiene bygelyks it romantyske komeedzjedrama Frankie and Johnny (1991), mei Michelle Pfeiffer en Al Pacino, de aksjekomeedzje Beverly Hills Cop III (1994), mei Eddie Murphy, en de komeedzjefilm Runaway Bride, op 'e nij mei Julia Roberts en Richard Gere. Elizondo makke der ek wat in gewoante fan om cameo's te dwaan, lykas yn Overboard (1987), mei Kurt Russell en Goldie Hawn.

As tillefyzje-akteur hie Elizondo gastrollen yn fiif desennia oan Amerikaanske searjes, wêrûnder de komeedzjesearjes All in the Family en Murphy Brown, de plysjesearjes Kojak, Baretta, Columbo, Hill Street Blues, Night Heat en Without a Trace, it rjochtbankdrama Matlock, de politike dramasearje The West Wing en de sikehûssearje Grey's Anatomy.

Fan 1994 oant 2000 hie Elizondo ien fan syn bekendste rollen yn 'e sikehûsrige Chicago Hope, as dokter Phillip Watters. Dêrfoar wûn er yn 1997 in Emmy Award (de wichtichste Amerikaanske tillefyzjepriis). Deselde rol spile er yn 1998 ek yn in crossover nei in ôflevering fan 'e fantasysearje Early Edition. Yn 2011 waard Elizondo cast yn 'e rol fan 'e eksintrike Baskyske survivalwinkeleigner Ed Alzate, de baas en freon fan it personaazje fan Tim Allen, yn 'e komeedzjesearje Last Man Standing, dy't njoggen seizoenen rûn, oant yn maaie 2021.

Priveelibben

Héctor Elizondo hat trije kear troud west. Ut syn earste houlik, dat er al tige jong oangie, hat er in soan, Rodd. Sûnt 1969 is er mei syn trêde frou, de aktrise, fotografe en útjouster Carolee Campbell. Hja wenje yn Sherman Oaks, in wyk fan Los Angeles.

Filmografy

Filmografy as akteur
jier	titel	rol of funksje	opmerkings
films
1963	The Fat Black Pussycat	?
1969	The Vixens	ynspekteur
1970	The Landlord	Hector
1971	Valdez Is Coming	Meksikaanske ruter
1971	Born to Win	Vivian
1972	Deadhead Miles	krimineel
1972	Pocket Money	Juan
1972	Stand Up and Be Counted	Lou Kellerman
1974	The Taking of Pelham One Two Three	Grey
1975	Report to the Commissioner	haadynspekteur D'Angelo
1976	Diary of the Dead	Stan
1977	Thieves	ûnderbuorman
1979	Cuba	kaptein Raphael Ramirez
1980	American Gigolo	resjersjeur Sunday
1981	The Fan	ynspekteur Raphael Andrews
1982	Young Doctors in Love	Angelo/Angela Bonafetti
1984	The Flamingo Kid	Arthur Willis
1985	Private Resort	de maestro
1986	Nothing in Common	Charlie Gargas
1987	Overboard	skipper fan 'e ôffalboat	cameo; net fermeld op 'e ôftiteling
1988	Astronomy	?	koarte film
1988	Beaches	rjochter
1989	Leviathan	G.P. Cobb
1990	Pretty Woman	Barnard Thompson	nom. Golden Globe foar bêste byrol fan in akteur yn in film
1990	Taking Care of Business	sipier Frank Toolman
1991	Final Approach	dokter Dio Gottlieb
1991	Necessary Roughness	Ed Gennero
1991	Frankie and Johnny	Nick
1992	There Goes the Neighborhood	Norman Rutledge
1992	Samantha	Walter
1993	Being Human	dom Paulo
1994	Backstreet Justice	Steve Donovan
1994	Beverly Hills Cop III	Jon Flint
1994	Getting Even with Dad	ynspekteur Romayko
1994	Exit to Eden	dokter Martin Helifax
1995	Perfect Alibi	resjersjeur Ryker
1996	Dear God	Vladek Vidov
1997	Turbulence	ynspekteur Aldo Hines
1999	The Other Sister	Ernie
1999	Entropy	de foarsitter
1999	Runaway Bride	Fisher
2001	Tortilla Soup	Martin Naranjo
2001	The Princess Diaries	Joe
2001	How High	coach Bill
2003	Batman: Mystery of the Batwoman	Bane	as stimakteur; direkt-op-fideo útbrocht
2004	Raising Helen	Mickey Massey
2004	The Princess Diaries 2: Royal Engagement	Joe
2004	¡Mucha Lucha!: The Return of El Maléfico	ferteller, oankundiger	as stimakteur
2006	I-See-You.Com	Greg Rishwain
2006	The Celestine Prophecy	kardinaal Sebastian
2007	Music Within	Ben Padrow
2007	Georgia Rule	Izzy
2007	Love in the Time of Cholera	don Leo
2010	Valentine's Day	Edgar
2010	New York Street Games	himsels/ferteller	dokumintêre
2011	New Year's Eve	Lester Kominsky
2014	The Book of Life	Carlos Sanchez	as stimakteur
2016	Mother's Day	Lance Wallace
2017	The Lego Batman Movie	kommissaris Jim Gordon	as stimakteur
2021	Music	George
2021	Rita Moreno: Just a Girl Who Decided to Go for It	himsels	dokumintêre
tillefyzje
1967	The Edge of Night	Dimitri	gastrol; ôfl. ûnbekend
1968	The Doctors	ober	gastrol; 2 ôfl.
1969	The Jackie Gleason Show	?	gastrol; ôfl. The Honeymooners: Mexican Hat Trick
1971	The Impatient Heart	Hernandez	tillefyzjefilm
1972	All in the Family	Carlos Mendoza	gastrol; ôfl. The Elevator Story
1973	Kojak	resjersjeur Nick Ferro	gastrol; ôfl. Web of Death
1974	Maude	plysjeman	gastrol; ôfl. Speed Trap
1975	Baretta	Jerry Damon	gastrol; ôfl. The Fire Man
1975	Columbo: A Case of Immunity	Hassan Salah	tillefyzjefilm
1975	The Rockford Files	John Micelli	gastrol; ôfl. Say Goodbye to Jennifer
1976	Kojak	Carl Dettrow	gastrol; ôfl. A Need to Know
1976	Popi	Abraham Rodriguez	fêste rol; 11 ôfl.
1976	Wanted: The Sundance Woman	Pancho Villa	tillefyzjefilm
1978	The Dain Curse	Ben Feeney	tillefyzjefilm
1978	The Eddie Capra Mysteries	Strickland	gastrol; ôfl. Dying Declaration
1978	The Rockford Files	Frank Falcone	gastrol; ôfl. A Good Clean Bust with Sequel Rights
1980	Freebie and the Bean	resjersjeur Dan "Bean" Delgado	fêste rol; 7 ôfl.
1982	Medal of Honor Rag	?	tillefyzjefilm
1982	Bret Maverick	Gomez	gastrol; ôfl. The Hidalgo Thing
1982	Honeyboy	Emilio Ramirez	tillefyzjefilm
1983	Feel the Heat	Monkey Moreno	gastrol; ôfl. ûnbekend
1983	Casablanca	prefekt Louis Renault	minysearje
1983	Women of San Quentin	kaptein Mike Reyes	tillefyzjefilm
1984	A.k.a. Pablo	José Sanchez / Shapiro	minysearje
1984	Hill Street Blues	ynspekteur Joe Keenan	gastrol; ôfl. Ewe and Me, Babe
1985	Murder: My Reason of Insanity	Ben Haggarty	tillefyzjefilm
1985	Out of the Darkness	pastoar George	tillefyzjefilm
1985–1986	Foley Square	Jesse Steinberg	fêste rol; 14 ôfl.
1986	Courage	Nick Miraldo	tillefyzjefilm
1986	Amazing Stories	Meadows	gastrol; ôfl. Life on Death Row
1986	Matlock	resjersjeur Joe Peters	gastrol; ôfl. The Cop
1987	Tales from the Hollywood Hills: Natica Jackson	Morris King	tillefyzjefilm
1987	Night Heat	resjersjeur Hector Gurvin	gastrol; ôfl. The Kid
1987	Down and Out in Beverly Hills	Dave Whiteman	fêste rol; 13 ôfl.
1988	Addicted to His Love	resjersjeur Currigan	tillefyzjefilm
1989	Kojak: Ariana	Edson Saunders	tillefyzjefilm
1989	The Equalizer	Ray Quintero	gastrol; ôfl. Past Imperfect
1989	Your Mother Wears Combat Boots	sersjant Burke	tillefyzjefilm
1990	Sparks: The Price of Passion	Vic Ramos	tillefyzjefilm
1990	Dark Avenger	haadynspekteur David Strauss	pilotôflevering fan in nea makke tillefyzjesearje
1990	Forgotten Prisoners: The Amnesty Files	Hasan Demir	tillefyzjefilm
1991	Chains of Gold	ynspekteur Ortega	tillefyzjefilm
1991	Finding the Way Home	Ruben	tillefyzjefilm
1991–1993	The Pirates of Dark Water	Ioz	as stimakteur; fêste rol seizoen 1
1992	The Burden of Proof	Alejandro "Sandy" Stern	minysearje
1992	Fish Police	Don Calamari	as stimakteur; gastrol; ôfl. Beauty's Only Fin Deep
1992	Mrs. Cage	ynspekteur Angel	tillefyzjefilm nom. Emmy Award foar bêste byrol fan in akteur yn in minysearje of tillefyzjespecial
1993	Jonny's Golden Quest	Atacama	as stimakteur; tillefyzjefilm
1993	Tales from the Crypt	Leo Burn	gastrol; ôfl. As Ye Sow
1993	Animaniacs	Stradivarius	as stimakteur; segmint The Cat and the Fiddle
1993	The Addams Family	Ian Thundermane	gastrol; ôfl. Double O Honeymoon
1994	Picket Fences	dokter Phillip Watters	gastrol; ôfl. Rebels with Causes
1994–1995	Aladdin	Malcho	as stimakteur; weromkearende rol; ôfl. Rain of Terror en The Return of Malcho
1994–2000	Chicago Hope	dokter Phillip Watters	fêste rol; 141 ôfl. Emmy Award foar bêste byrol fan in akteur yn in dramasearje (1997) 3 × nom. Emmy Award foar bêste byrol fan in akteur yn in dramasearje (1995, 1996, 1998) nom. Satellite Award foar bêste akteur yn in dramasearje (1997) nom. Screen Actors Guild Award foar bêste akteur yn in dramasearje (1995) 2 × nom. Screen Actors Guild Award foar bêste cast yn in dramasearje (1997, 1998)
1995	Batman: The Animated Series	Sheldon Fallbrook	as stimakteur; gastrol; ôfl. The Terrible Trio
1995	Jonny Quest vs. The Cyber Insects	Attacama	as stimakteur; tillefyzjefilm
1996	Gargoyles	Zafiro	as stimakteur; gastrol; ôfl. The Green
1997	Murphy Brown	himsels	gastrol; ôfl. Blind Date
1997	Borrowed Hearts	Javier del Campo	tillefyzjefilm
1998	Mikhail Baryshnikov's Stories from My Childhood	?	as stimakteur; gastrol; ôfl. Ivan and His Magic Pony
1998	Early Edition	dokter Phillip Watters	gastrol; ôfl. Mum's the Word
1998	Safe House	dokter Simon	tillefyzjefilm
2001	Kate Brasher	Joe Almeida	weromkearende rol; 6 ôfl.
2001–2004	American Experience	ferteller	gastrol; ôfl. Zoot Suit Riots en Remember the Alamo
2002	Fidel	Eddie Chibas	minysearje
2002	The West Wing	dokter Dalton Millgate	gastrol; ôfl. Dead Irish Writers
2002	Street Time	Fariz Hammoud	weromkearende rol; 3 ôfl.
2002	What's New, Scooby-Doo?	dokter Guitirrez	gastrol; ôfl. 3-D Struction
2003	The Dating Experiment	voice-over	ûnbekend tal ôfl.
2003	Without a Trace	pastoar Henry Stevens	gastrol; ôfl. Revelations
2003	Miracles	pastoar "Poppi" Calero	weromkearende rol; 4 ôfl.
2004	Century City	Martin Constable	weromkearende rol; 9 ôfl.
2004	Jack & Bobby	Gerald Cruz	gastrol; ôfl. Chess Lessons
2001–2004	Justice League	luitenant Kragger	as stimakteur; weromkearende rol; 3 ôfl.
2004	Justice League Unlimited	luitenant Kragger	as stimakteur; gastrol; ôfl. Hunter's Moon
2006	Justice League Unlimited	Hath-Set	as stimakteur; gastrol; ôfl. Ancient History
2006	Avatar: The Last Airbender	Wan Shi Tong	as stimakteur; gastrol; ôfl. The Library
2006	10 Days that Unexpectedly Changed America	voice-over	dokumintêresearje, 10 ôfl.
2007	Cane	Pancho Duque	minysearje
2007–2013	Grey's Anatomy	Carlos Torres	weromkearende rol; 5 ôfl.
2008–2009	Monk	dokter Neven Bell	weromkearende rol; 14 ôfl.
2010	Dora the Explorer	Wishing Wizzle	as stimakteur; gastrol; ôfl. Dora's Big Birthday Adventure
2010	Go, Diego! Go!	kening Vicuna	gastrol; ôfl. Diego Rescues Prince Vicuna
2011	American Dad!	himsels	as stimakteur; gastrol; ôfl. Fartbreak Hotel
2011	ThunderCats	Viragor	as stimakteur; gastrol; ôfl. The Forest of Magi Oar
2011–2021	Last Man Standing	Ed Alzate	fêste rol
2013	The Legend of Korra	Wan Shi Tong	as stimakteur; gastrol; ôfl. A New Spiritual Age'
2015	Cristela	Ed Alzate	gastrol; ôfl. Last Goose Standing
2015	Jake and the Never Land Pirates	Captain Colossus	as stimakteur; gastrol; ôfl. The Legion of Pirate Villains!
2016–2018	Elena of Avalor	Fiero	as stimakteur; weromkearende rol; 6 ôfl.
2017–2020	Mickey and the Roadster Racers	pake Beagle	as stimakteur; weromkearende rol; 5 ôfl.
2021	Explained	voice-over	dokumintêresearje; 1 ôfl.
2021–2022	B Positive	Harry Milton	weromkearende rol; 14 ôfl.
2022	Green Eggs and Ham	Dooka	as stimakteur; weromkearende rol; 6 ôfl.
2023	Star Wars: The Bad Batch	Romar Adell	as stimakteur; gastrol; ôfl. Ruins of War

Keppelings om utens

• (in) Folsleine filmografy fan Héctor Elizondo yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Héctor Elizondo fan Wikimedia Commons.