Robert Vaughn
Robert Vaughn (útspr.: ['ɹɔbǝɹt vɔ:n], likernôch: "ròbbert wôn"; folút: Robert Francis Vaughn; New York, 22 novimber 1932 – Ridgefield (Konettikut), 11 novimber 2016) wie in Amerikaansk toaniel-, film- en tillefyzjeakteur. Hy wie it bekendst fan syn rol as Napoleon Solo yn 'e tillefyzjesearje The Man from U.N.C.L.E., út 'e 1960-er jierren. Oare bekende rollen hied er yn 'e films The Magnificent Seven, The Bridge at Remagen en The Young Philadelphians. Foar syn optreden yn dy lêste film waard er yn 1960 nominearre foar in Oscar yn 'e kategory bêste byrol fan in akteur.
| Robert Vaughn | ||
 akteur
| ||
| ||
| persoanlike bysûnderheden | ||
| echte namme | Robert Francis Vaughn | |
| nasjonaliteit |  Amerikaansk
| |
| berne | 22 novimber 1932 | |
| berteplak | New York (New York) | |
| stoarn | 11 novimber 2016 | |
| stjerplak | Ridgefield (Konettikut) | |
| etnisiteit |  Dútsk Frânsk Iersk
| |
| jierren aktyf | 1955 – 2016 | |
| prizen | Emmy 1978 | |
| offisjele webside | ||
| www.officialrobertvaughn.com | ||
Dizze side giet oer de Amerikaanske akteur. Foar oare betsjuttings, sjoch: Robert Vaughn (betsjuttingsside).
Libben en karriêre
bewurkje seksjeJonkheid en oplieding
bewurkje seksjeVaughn waard yn 1932 berne yn New York, as de soan fan harkspulakteur Gerald Walter Vaughn en dy syn frou Marcella Frances Gaudel, dy't toanielaktrise wie. Oan syn heite kant wied er fan mingd Iersk en Dútsk etnysk komôf, wylst syn mem fan Frânske ôfstamming wie. Syn âlden skieden doe't Vaughn noch hiel lyts wie, en om't syn mem foar har wurk it hiele lân troch reizge, waard er fierhinne grutbrocht troch syn pake en beppe, dy't yn Minneapolis wennen, yn 'e Amerikaanske steat Minnesota.
Nei't er dêr de middelbere skoalle trochrûn hie, skreau Vaughn him yn oan 'e Universiteit fan Minnesota, dêr't er in jier sjoernalistyk studearre foar't er syn oplieding ôfbriek. Neitiid ferfear er mei syn mem nei Los Angeles, dêr't er trochlearde yn aktearjen en teäter oan it Stedskolleezje fan Los Angeles (LACC) en letter oan it Steatskolleezje fan Los Angeles foar Tapaste Keunsten en Wittenskippen (LASCAAS). Vaughn sleat syn stúdzje ôf mei it beheljen fan in mastergraad.
Letter soed er dy yn 1970 omsette yn in doktoraat oan 'e Universiteit fan Súdlik Kalifornje, mei in proefskrift dat de titel hie: Only Victims: A Study of Show Business Blacklisting ("Inkeld Slachtoffers: In Stúdzje fan Blacklisting yn 'e Showbusiness"). Dêryn gie Vaughn djipdollend yn op it ferskynsel blacklisting yn 'e Amerikaanske entertainmentyndustry, wat ynhâldt dat der in swarte list oanmakke en byholden wurdt fan lju dy't fanwegen har politike opfettings útsluten wurde fan wurk. Yn 1972 publisearre Vaugh dy dissertaasje.
Aktearkarriêre
bewurkje seksjeVaughn makke syn debút as akteur op 21 novimber 1955 yn 'e ôflevering Black Friday fan 'e tillefyzjesearje Medic. Letter dat jiers stied er foar it earst op 'e planken as Judas Iskariot yn it toanielstik The Pilgrimage Play. En yn 1956 wied er foar it earst op it wite doek te sjen, yn 'e film The Ten Commandments, hoewol't dy rol sa lyts wie dat er der net iens foar neamd waard by de begjintitels. Syn earste gruttere filmrol hie Vaughn yn 'e western Hell's Crossroads, út 1957, as Bob Ford, de moardner fan 'e ferneamde histoaryske bandyt Jesse James. Nei't er mei Burt Lancaster yn it toanielstik End as a Man spile hie, bea dyselde him in fêst kontrakt oan by syn filmstudio. It wie lykwols krekt doe, dat Vaughn oproppen waard foar syn tsjinstplicht yn it Amerikaanske Leger. Hy tsjinne twa jier en brocht it ta sersjant-ynstrukteur, belêstge mei training fan nije manskippen.
Vaughn syn trochbraak kaam yn 1959, doe't er foar syn rol yn 'e film The Young Philadelphians nominearre waard foar in Oscar yn 'e kategory bêste byrol fan in akteur, en teffens foar in Golden Globe yn deselde kategory. Yn 1960 folge ien fan syn bekendste filmrollen, as de traumatisearre revolverman Lee yn 'e western The Magnificent Seven, mei û.o. Yul Brynner, Steve McQueen, Charles Bronson en Eli Wallach. Tweintich jier letter soed er frijwol deselde rol nochris ferfolje yn 'e science fiction-film Battle Beyond the Stars (1980), dy't krekt as The Magnificent Seven basearre wie op 'e Japanske film Shichinin no Samurai ("Sân Samoerai"), fan regisseur Akira Kurosawa.
Yn 1963 en 1964 fertolke Vaughn yn 'e tillefyzjesearje The Lieutenant de rol fan kaptein Raymond Rambridge. Hy wie ûntefreden oer dat frijwat beheinde personaazje, en nei't er sadwaande frege hie om 'e rol wat út te wreidzjen, besleat men him ynstee syn eigen searje oan te bieden. Dat waard de spionaazjesearje The Man from U.N.C.L.E., wêryn't Vaughn fan 1964 oant 1968 te sjen wie as Napoleon Solo. Yn dy rol krige er sels efter it Izeren Gerdyn bekendheid. Letter spile Vaughn de ambisjeuze Kalifornyske politikus Walter Chalmers yn 'e film Bullitt (1968), in rol wêrfoar't er nominearre waard foar in BAFTA, de wichtichste Britske filmpriis. Yn 1969 hie Vaughn as majoar Paul Kreuger yn 'e oarlochsfilm The Bridge at Remagen wer ien fan syn bekendere rollen.
Yn 'e 1970-er jierren spile Vaughn foar it meastepart yn B-films, mar dêrnjonken died er ek mei oan twa seizoenen fan 'e Britske detektivesearje The Protectors. Yn 1978 wûn er in Emmy Award, de wichtichste Amerikaanske tillefyzjepriis, foar syn rol as Frank Flaherty yn 'e seisdielige minysearje Washington: Behind Closed Doors. Fierders wied er begjin 1980-er jierren mei syn freon George Peppard te sjen yn it lêste seizoen fan 'e aksjesearje The A-Team, as de formidabele generaal Hunt Stockwell. Oare rollen út 'e tachtiger jierren hie Vaughn yn 'e film Superman III, as de smjunteftige miljonêr Ross Webster, yn trije ôfleverings fan 'e detektivesearje Murder, She Wrote as gastakteur, en op 'e nij as Napoleon Solo yn 'e tillefyzjefilm Return of the Man from U.N.C.L.E. (1983).
Vaughn wurke yn 1993 ferskate kearen yn in cameo mei oan it praatprogramma Late Night with Conan O'Brien, wêryn't er as sabeare lid fan it publyk presintator Conan O'Brien en syn gasten it leksum lies, altyd begjinnend mei de wurden "You people make me sick!" ('Ik wurd mislik fan lju as jim!"). Fierders hied er yn dy snuorje gastrollen yn searjes as Diagnosis Murder, The Nanny, Walker, Texas Ranger en Law & Order. Letter soed er, yn 2006 en 2015, ek meiwurkje oan twa ôfleverings fan Law & Order: Special Victims Unit. Teffens wie Vaughn yn 1992 te sjen yn in ôflevering fan 'e Dútske Krimi-rige Tatort. Fan 2004 oant 2012 hied er in fêste rol yn 'e Britske dramarige Hustle, as de kaartspiler en oplichter Albert Stroller. Yn jannewaris en febrewaris 2012 spile er, ek yn Grut-Brittanje, yn in stikmannich ôfleverings fan 'e soapsearje Coronation Street.
Priveelibben
bewurkje seksjeVaughn wie in langjierrich lid fan 'e Demokratyske Partij. Hy wie ek de earste bekende akteur dy't him ûnder de Fjetnamoarloch iepentlik oansleat by de anty-oarlochsprotesten. Hy troude yn 1974 mei de aktrise Linda Staab, mei wa't er it jiers tefoaren op 'e set fan 'e Britske searje The Protectors yn 'e kunde kommen wie. Hja adoptearren twa bern, Cassidy (berne yn 1976) en Caitlin (berne yn 1981).
Jierrenlang waard oannommen (ek troch Vaughn sels) dat Vaughn de biologyske heit wie fan 'e Ingelske regisseur en filmprodusint Matthew Vaughn, dy't berne wie doe't Vaughn yn 'e iere 1970-er jierren in relaasje hie mei de Ingelske societystjer Kathy Ceaton. DNA-ûndersyk wiisde yn 2002 lykwols út dat de biologyske heit ynstee in George de Vere Drummond wie, in Ingelske aristokraat en de peetsoan fan kening George VI fan it Feriene Keninkryk. Yn 2009 publisearre Vaughn syn autobiografy, mei as titel: A Fortunate Life ("In Fortúnlik Libben").
Ferstjerren
bewurkje seksjeRobert Vaughn kaam op 11 novimber 2016 oan akute leukemy te ferstjerren yn syn hûs yn Ridgefield yn 'e Amerikaanske steat Konettikut. Dat barde alve dagen foar syn 84e jierdei.
Bibliografy
bewurkje seksje- 1972 – Only Victims: A Study of Show Business Blacklisting (proefskrift)
- 2009 – A Fortunate Life (autobiografy)
Filmografy
bewurkje seksje| Filmografy as akteur | |||
| jier | titel | rol of funksje | opmerkings |
|---|---|---|---|
| tillefyzje | |||
| 1955 | Medic | dokter Charles A. Leale | gastrol; ôfl. Black Friday |
| 1955 | Lux Video Theatre | Frank | gastrol; ôfl. Cover-Up |
| 1956 | Big Town | figurant | gastrol; ôfl. Marine Story en Fake S.O.S. |
| 1956 | Gunsmoke | Kid | gastrol; ôfl. Cooter |
| 1956 | State Trooper | Mitch | gastrol; ôfl. Another Chance |
| 1956 | Frontier | Cliff | gastrol; ôfl. The Return of Jubal Dolan |
| 1956 | Father Knows Best | Beekman | gastrol; ôfl. Betty Goes Steady |
| 1956 | The Millionaire | Jay Powers | gastrol; ôfl. The Jay Powers Story |
| 1956 | Screen Directors Playhouse | Archibald Parker | gastrol; ôfl. The Bitter Waters |
| 1956 | West Point | kadet Hameroff | gastrol; ôfl. The Operator and the Martinet |
| 1956 | You Are There | soldaat | gastrol; ôfl. The Heroism of Clara Barton |
| 1956 | Zane Grey Theater | Johnny | gastrol; ôfl. Courage is a Gun |
| 1957 | Gunsmoke | Andy Bowers | gastrol; ôfl. Romeo |
| 1957 | Playhouse 90 | Steve Sprock | gastrol; ôfl. The Troublemakers |
| 1957 | Tales of Wells Fargo | Billy the Kid | gastrol; ôfl. Billy the Kid |
| 1957 | Telephone Time | prins Albert fan Saksen-Coburg en Gotha | gastrol; ôfl. The Consort |
| 1958 | Jefferson Drum | Shelly Poe | gastrol; ôfl. Return |
| 1958 | Dragnet | ? | gastrol; ôfl. The Big Pack Rat |
| 1958 | The Rifleman | Dan Willard | gastrol; ôfl. The Apprentice Sheriff |
| 1958 | Panic! | Frank Elliot | gastrol; ôfl. Double Identity |
| 1958 | The Walter Winchell File | Cole | gastrol; ôfl. The Nightt Prowlers: File #35 |
| 1958 | Mike Hammer | Hank Barlow | gastrol; ôfl. The Living Dead |
| 1958 | Wagon Train | Roy Pelham | gastrol; ôfl. The John Wilbot Story |
| 1958 | Whirlybirds | dokter Bob Dixon | gastrol; ôfl. Dr. Dixon |
| 1959 | Alfred Hitchcock Presents | Art | gastrol; ôfl. Dry Run |
| 1959 | Zorro | Miguel Roverto | gastrol; ôfl. Spark of Revenge |
| 1959 | Frontier Doctor | Stan Gray | gastrol; ôfl. The Twisted Road |
| 1959 | Playhouse 90 | Earl Randolph | gastrol; ôfl. Made in Japan |
| 1959 | Law of the Plainsman | Theodore Roosevelt | gastrol; ôfl. The Dude |
| 1959 | Schlitz Playhouse of Stars | Buddy Baldwin | gastrol; ôfl. Hostage |
| 1959 | Wichita Town | Frank Warren | gastrol; ôfl. Passage to the Enemy |
| 1959 | The Lineup | Bart Wade | gastrol; ôfl. Prelude to Violence |
| 1959 | Bronco | sheriff Lloyd Stover | gastrol; ôfl. Borrowed Glory |
| 1959 | Law of the Plainsman | Ross Drake | gastrol; ôfl. The Innocents |
| 1959 | Riverboat | Roger Mowbray | gastrol; ôfl. About Roger Mowbray |
| 1960 | The DuPont Show with June Allyson | dokter Collins | gastrol; ôfl. Emergency |
| 1960 | Checkmate | Abner Benson | gastrol; ôfl. Interrupted Honeymoon |
| 1960 | Goodyear Theatre | luitenant Dave Hutchins | searje ek bekend as Alcoa Theatre; gastrol; ôfl. The Last Flight Out |
| 1960 | Men into Space | Perry Holcomb | gastrol; ôfl. Moon Cloud |
| 1960 | The Rebel | Asa Bannister | gastrol; ôfl. Noblesse Oblige |
| 1960 | Laramie | Sandy Kayle | gastrol; ôfl. The Dark Trail |
| 1960 | The Man from Blackhawk | Hayworth | gastrol; ôfl. Remember Me Not |
| 1960 | Wagon Train | Roger Bigelow | gastrol; ôfl. The Roger Bigelow Story |
| 1961 | Thriller | dr. Frank Cordell | gastrol; ôfl. The Ordeal of Dr. Cordell |
| 1961 | The Asphalt Jungle | Warren W. Scott | gastrol; ôfl. The Scott Machine |
| 1961 | Follow the Sun | Albert | gastrol; ôfl. The Far End of Nowhere |
| 1961 | Target: The Corruptors | Lace | gastrol; ôfl. To Wear a Badge |
| 1961 | Stagecoach West | Beaumont Butler Buell | gastrol; ôfl. Object: Patrimony |
| 1961 | The Aquanauts | Wes Grayson | gastrol; ôfl. The Landslide Adventure |
| 1961 | Tales of Wells Fargo | Billy Brigode | gastrol; ôfl. Treasure Coach |
| 1961 | Follow the Sun | Ralph Borden | gastrol; ôfl. A Rage for Justice |
| 1961 | 87th Precinct | Sordo | gastrol; ôfl. The Heckler |
| 1962 | Bonanza | Luke Martin | gastrol; ôfl. The Way Station |
| 1962 | The Eleventh Hour | Peter Warren | gastrol; ôfl. The Blues My Baby Gave to Me |
| 1962 | Cain's Hundred | Philip Colerane | gastrol; ôfl. The Debasers: Milton Bonner and Philip Colerane |
| 1963 | The Eleventh Hour | apostel Markus | gastrol; ôfl. The Silence of Good Men |
| 1962 | The Dick Powell Show | A. Dunster Lowell | gastrol; ôfl. The Boston Terrier |
| 1962 | Kraft Mystery Theater | Bill Gardner | gastrol; ôfl. Death of a Dream |
| 1963 | G.E. True | Earl Rogers | gastrol; ôfl. Defendant: Clarence Darrow |
| 1963 | Empire | kaptein Paul Terman | gastrol; ôfl. No Small Wars |
| 1963 | 77 Sunset Strip | Douglas Milinder | gastrol; ôfl. Your Fortune for a Penny |
| 1963 | The Untouchables | Charlie Argos | gastrol; ôfl. The Charlie Argos Story |
| 1963 | The Virginian | Simon Clain | gastrol; ôfl. If You Have Tears |
| 1963 | The Dick Van Dyke Show | Jim Darling | gastrol; ôfl. It's a Shame She Married Me |
| 1963–1964 | The Lieutenant | kaptein Raymond Rambridge | weromkearende rol; 16 ôfl. |
| 1964 | To Trap a Spy | Napoleon Solo | tillefyzjefilm |
| 1964–1968 | The Man from U.N.C.L.E. | Napoleon Solo | fêste rol; 105 ôfl. |
| 1965 | Gideons Way | plysjeman | Britske searje; gastrol; ôfl. The Reluctant Witness |
| 1965 | The Spy with My Face | Napoleon Solo | tillefyzjefilm |
| 1965 | The Red Skelton Show | plysje McGuire | gastrol; ôfl. Never on a Bum-Day |
| 1966 | The Girl from U.N.C.L.E. | Napoleon Solo | gastrol; ôfl. The Mother Muffin Affair |
| 1966 | One Spy Too Many | Napoleon Solo | tillefyzjefilm |
| 1966 | One of Our Spies is Missing | Napoleon Solo | tillefyzjefilm |
| 1966 | The Red Skelton Show | Victor Virtue | gastrol; ôfl. The Land of Bilk and Money |
| 1966 | Please Don't Eat the Daisies | Napoleon Solo | cameo; ôfl. Say UNCLE |
| 1967 | The Spy in the Green Hat | Napoleon Solo | tillefyzjefilm |
| 1967 | The Karate Killers | Napoleon Solo | tillefyzjefilm |
| 1968 | The Helicopter Spies | Napoleon Solo | tillefyzjefilm |
| 1968 | How to Steal the World | Napoleon Solo | tillefyzjefilm |
| 1972 | The Woman Hunter | Jerry Hunter | tillefyzjefilm |
| 1972–1974 | The Protectors | Harry Rule | fêste rol; 52 ôfl. |
| 1974 | Witness to Yesterday | Tom Paine | gastrol; ôfl. Tom Paine |
| 1975 | Police Woman | Andrew Simms | gastrol; ôfl. Blast |
| 1975 | Columbo | Hayden Danziger | gastrol; ôfl. Trouble Waters |
| 1976 | Captains and the Kings | Charles Desmond | minysearje |
| 1976 | Columbo | Charlie Clay | gastrol; ôfl. Last Salute to the Commodore |
| 1976 | Police Woman | Lou Malik | gastrol; ôfl. Generation of Evil |
| 1976 | Kiss Me, Kill Me | Edward Fuller | tillefyzjefilm |
| 1977 | Washington: Behind Closed Doors | Frank Flaherty | minysearje |
| 1977 | The Feather and Father Gang | Winslow | gastrol; ôfl. Murder at F-Stop II |
| 1978 | Centennial | Morgan Wendell | minysearje |
| 1978 | The Eddie Capra Mysteries | Charles Pendragon | gastrol; ôfl. Nightmare at Pendragon Castle |
| 1978 | The Islander | senator Gerald Stratton | tillefyzjefilm |
| 1978 | The Greatest Heroes in the Bible | kening Darius | gastrol; ôfl. Daniel in the Lions' Den |
| 1979 | The Rebels | Seth McLean | minysearje |
| 1979 | Hawaii Five-O | Sebastian Rolande | gastrol; ôfl. The Spirit is Willie |
| 1979 | Backstairs at the White House | presidint Woodrow Wilson | minysearje |
| 1979 | Mirror, Mirror | Michael Jacoby | tillefyzjefilm |
| 1980 | Trapper John, M.D. | T.K. Sheldon | gastrol; ôfl. Girl under Glass: Part 1 en Girl under Glass: Part 2 |
| 1980 | Doctor Franken | dokter Arno Franken | tillefyzjefilm |
| 1980 | The Gossip Collumnist | Mark Case | tillefyzjefilm |
| 1980 | City in Fear | Harrison Crawford III | tillefyzjefilm |
| 1981 | The Love Boat | Charles Paris | gastrol; ôfl. This Year's Model/The Model Marriage/Vogue Rogue/Too Clothes for Comfort/Original Sin: Part 1 en This Year's Model/The Model Marriage/Vogue Rogue/Too Clothes for Comfort/Original Sin: Part 2 |
| 1982 | Fantasies | Girard | tillefyzjefilm |
| 1982 | Inside the Third Reich | fjildmaarskalk Milch | tillefyzjefilm |
| 1982 | The Day the Bubble Burst | Richard Whitney | tillefyzjefilm |
| 1982 | FDR: That Man in the White House | presidint Franklin D. Roosevelt | tillefyzjefilm |
| 1982 | The Blue and the Gray | senator Reynolds | minysearje |
| 1982 | A Question of Honor | Frederick Walker | tillefyzjefilm |
| 1983 | Intimate Agony | Dave Fairmont | tillefyzjefilm |
| 1983 | The Return of the Man from U.N.C.L.E.: The Fifteen-Years-Later Affair | Napoleon Solo | tillefyzjefilm |
| 1983 | Silent Reach | Steven Sinclair | minysearje |
| 1983 | Hotel | hiermoardner | gastrol; ôfl. Charades |
| 1983–1984 | Emerald Point N.A.S. | Harlan Adams | weromkearende rol; 13 ôfl. |
| 1984 | The Hitchhiker | dokter Christopher Hamilton | gastrol; ôfl. Face to Face |
| 1984 | The Last Bastion | generaal Douglas MacArthur | Australyske minysearje |
| 1985 | Evergreen | John Bradford | minysearje |
| 1985 | Private Sessions | Olvier Coles | tillefyzjefilm |
| 1985 | International Airport | gesachfierder Powell | tillefyzjefilm |
| 1985 | Murder, She Wrote | Gideon Armstrong | gastrol; ôfl. Murder Digs Deep |
| 1986 | Murrow | presidint Franklin D. Roosevelt | tillefyzjefilm |
| 1986 | Prince of Bel Air | Stanley Auerbach | tillefyzjefilm |
| 1986 | Stingray | nammeleaze mastersmjunt | gastrol; ôfl. Abnormal Psych |
| 1986 | You Are the Jury' | Charles Hemming | gastrol; ôfl. The State of Arizona vs. Dr. Evan Blake |
| 1986–1987 | The A-Team | generaal Hunt Stockwell | fêste rol yn seizoen 5; 13 ôfl. |
| 1987 | Reaching for the Skies | n.f.t. | ferteller; Amerikaanske ferzje |
| 1987 | Desperado | sheriff John Whaley | tillefyzjefilm |
| 1987 | Nightstick | Ray Melton | tillefyzjefilm |
| 1988 | The Ray Bradbury Theater | Jerome Huxley | gastrol; ôfl. The Fruit at the Bottom of the Bowl |
| 1989 | Hunter | ûnderkommissaris Curtis Moorehead | gastrol; ôfl. City under Siege: Part 1, City under Siege: Part 2 en City under Siege: Part 3 |
| 1989 | Murder, She Wrote | Edwin Chancellor | gastrol; ôfl. The Grand Old Lady |
| 1990 | Dark Avenger | kommissaris Peter Kinghorn | tillefyzjefilm |
| 1990 | Perry Mason: The Case of the Defiant Daughter | Jay Corelli | tillefyzjefilm |
| 1991 | Murder, She Wrote | Charles Winthrop | gastrol; ôfl. The Witch's Curse |
| 1991 | Love at First Sight | Harry Winfield | gastrol; ôfl. Lady Hit |
| 1992 | Tatort | kolonel Gavron | Dútske searje; gastrol; ôfl. Camerone |
| 1992 | Tracks of Glory | Morris | minysearje |
| 1992 | Lincoln | Isaac Arnold | as stimakteur; tillefyzjefilm |
| 1993 | Danger Theatre | n.f.t. | presintator; 7 ôfl. |
| 1993–1994 | Kung Fu: The Legend Continues | Rykker | gastrol; ôfl. Dragonswing en Dragonswing II |
| 1993 | Late Night with Conan O'Brien | lulke man yn it publyk | gastrol; 3 ôfl. |
| 1994 | Sirens | Ned Whelan | gastrol; ôfl. Farewell to Arms |
| 1994 | W.S.H. | Macoute | tillefyzjefilm |
| 1995 | Escape to Witch Mountain | Edward Bolt | tillefyzjefilm |
| 1995 | As the World Turns | Rick Hamlin | gastrol; ôfl. 1.10002 |
| 1995 | Burke's Law | William Shane | gastrol; ôfl. Who Killed the Movie Mogul? |
| 1995 | Dancing in the Dark | Dennis Forbes | tillefyzjefilm |
| 1996 | Diagnosis Murder | Bill Stratton | gastrol; ôfl. Murder Murder |
| 1996 | Walker, Texas Ranger | dokter Stuart Riser | gastrol; ôfl. Plague |
| 1996 | One Life to Live | biskop Corrington | gastrol; 1 ôfl. |
| 1996–1998 | The Nanny | James Sheffield | weromkearende rol; 2 ôfl. |
| 1997 | Diagnosis Murder | Alexander Drake | gastrol; ôfl. Discards |
| 1997–1998 | Law & Order | Carl Anderton | weromkearende rol; 3 ôfl. |
| 1998 | Host | Adam Spring | tillefyzjefilm |
| 1998–2000 | The Magnificent Seven | rjochter Oren Travis | weromkearende rol; 6 ôfl. |
| 1999 | Recess | White | as stimakteur; gastrol; ôfl. The Story of Whomps |
| 1999 | The Sentinel | Vince Deal | gastrol; ôfl. The Real Deal |
| 2004–2012 | Hustle | Albert Stroller | Britske searje; weromkearende rol; 48 ôfl. |
| 2006 | Law & Order: Special Victims Unit | Tate Speer | gastrol; ôfl. Clock |
| 2007 | Family of the Year | Monty Holloway | minysearje |
| 2008 | Little Britain USA | Paul Getty II | gastrol; ôfl. 1.5 |
| 2008 | The Verdict | Lucius | tillefyzjefilm |
| 2015 | Law & Order: Special Victims Unit | Walter Briggs | gastrol; ôfl. December Solstice |
| 2012 | Coronation Street | Milton Fanshaw | Britske searje; gastrol; 13 ôfl. |
| 2015 | Powder Burns: An Original Western Audio Drama | Tate | gastrol; ôfl. Fifteen Thousand Friends |
| films | |||
| 1956 | The Ten Commandments | speardrager / Israelyt by Gouden Keal | net fermelden op 'e begjintitels |
| 1957 | Hell's Crossroads | Bob Ford | |
| 1957 | No Time to Be Young | Buddy Root | |
| 1958 | Teenage Cave Man | soan fan 'e symboalemakker | |
| 1958 | Unwed Mother | Don Bigelow | |
| 1959 | Good Day for a Hanging | Eddie Campbell | |
| 1959 | The Young Philadelphians | Chester A. Gwynn | nominearre foar in Oscar foar bêste byrol fan in akteur |
| 1960 | The Magnificent Seven | Lee | |
| 1961 | The Big Show | Klaus Everard | |
| 1963 | The Caretakers | Jim Melford | |
| 1966 | The Glass Bottom Boat | Napoleon Solo | ûnfermelde cameo; ek bekend as The Spy in Lace Panties |
| 1967 | The Venetian Affair | Bill Fenner | |
| 1968 | Bullitt | Walter Chalmers | |
| 1969 | If It's Tuesday, This Must Be Belgium | fotograaf Antonio | |
| 1969 | The Bridge at Remagen | majoar Paul Kreuger | |
| 1970 | Julius Caesar | Servilius Casca | |
| 1970 | The Mind of Mr. Soames | dr. Michael Bergen | |
| 1971 | The Statue | Ray Whiteley | |
| 1971 | Clay Pigeon | Neilson | |
| 1974 | The Man from Independence | presidint Harry Truman | |
| 1974 | The Towering Inferno | senator Parker | |
| 1975 | Wanted: Babysitter | Stuart Chase | |
| 1976 | Atraco en la Jungla | Tony | ek bekend as 3-Way Split, as Blue Jeans and Dynamite en as Double Cross |
| 1977 | Demon Seed | Proteus IV | as stimakteur |
| 1977 | Starship Invasions | prof. Allan Duncan | |
| 1978 | The Lucifer Complex | Glen Manning | |
| 1978 | Brass Target | kolonel Donald Rogers | |
| 1979 | Good Luck, Miss Wyckoff | dokter Neal | |
| 1980 | Cuba Crossing | Hud | ek bekdn as Assignment: Kill Castro |
| 1980 | Fukkatsu no Hi | senator Barkley | Japanske film; ynternasjonale titel: Virus |
| 1980 | Hangar 18 | Gordon Cain | |
| 1980 | Battle Beyond the Stars | Gelt | |
| 1981 | S.O.B. | David Blackman | |
| 1983 | Superman III | Ross Webster | |
| 1983 | Great Transport | dr. Emil Kovac | |
| 1986 | Black Moon Rising | Ed Ryland | |
| 1986 | The Delta Force | generaal Woodbridge | |
| 1987 | Hour of the Assassin | Sam Merrick | |
| 1987 | Renegade | Lawson | ek bekend as They Call Me Renegade |
| 1987 | Killing Birds | dokter Fred Brown | |
| 1988 | Skeleton Coast | majoar Schneider | |
| 1988 | Captive Rage | Eduard Delacorte | |
| 1988 | Another Way: D-Kikan Joho | Mr. D | Japanske film |
| 1989 | Brutal Glory | Max Owens | direkt-op-fideo útbrocht |
| 1989 | The Emissary | ambassadeur Ed MacKay | |
| 1989 | That's Adequate | Adolf Hitler | |
| 1989 | C.H.U.D. II: Bud the C.H.U.D. | kolonel Masters | |
| 1989 | River of Death | dr. Wolfgang Manteuffel | |
| 1989 | Transylvania Twist | lord Byron Orlock | |
| 1990 | Buried Alive | Gary Julian | |
| 1990 | Nobody's Perfect | dokter Duncan | |
| 1991 | Going Under | Wedgewood | ek bekend as Dive! |
| 1992 | Blind Vision | Mr. X | |
| 1994 | Dust to Dust | boargemaster Sampson Moses | |
| 1995 | Witch Academy | de duvel | |
| 1996 | Joe's Apartment | senator Dougherty | |
| 1996 | Milk & Money | omke André | |
| 1997 | Menno's Mind | senator Zachary Powell | |
| 1997 | Motel Blue | kommissaris MacIntyre | |
| 1997 | Vulcan | Vince Baxter | ek bekend as Anak ng Bulkan |
| 1997 | An American Affair | prof. Michaels | |
| 1998 | Visions | spesjaal agint Silvestri | |
| 1998 | McCinsey's Island | Walter Denkins | |
| 1998 | The Sender | Ron Fairfax | |
| 1998 | BASEketball | Baxter Cain | |
| 1998 | The Company Men | Control 5 | direkt-op-fideo útbrocht |
| 2001 | Pootie Tang | Dick Lecter | |
| 2002 | Cottonmouth | rjochter Mancini | |
| 2003 | Happy Hour | Tulley sr. | |
| 2003 | Hoodlum & Son | Benny Palladino | |
| 2004 | Scene Stealers | dokter Gadsden Braden | |
| 2004 | 2BPerfectlyHonest | Nick | |
| 2004 | Gang Warz | kommissaris Hannigan | |
| 2005 | Hustle Season 2: The Big Finish | Albert Stroller | koarte film |
| 2007 | Hustle Season 3: It's Just Lke Playing | Alber Stroller | koarte film |
| 2007 | The Warrior Class | Ben Braddock | direkt-op-fideo útbrocht |
| 2011 | Patrimony | David | koarte film |
| 2012 | Excuse Me for Living | Jacob | |
| 2012 | The Magnificent Eleven | American Bob | |
| 2014 | A Cry from Within | Doc Williams | |
| 2016 | The American Side | griishierrige man | |
| 2016 | Gold Star | Carmine | |
Keppelings om utens
bewurkje seksje- (in) Offisjele webside fan Robert Vaughn
- (in) Folsleine filmografy fan Robert Vaughn yn 'e Internet Movie Database (IMDb)
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
