Nyegea

Nyegea is in doarp yn de gemeente Smellingerlân, noardwest fan Drachten. Nyegea leit oan rykswei N31, tusken Ljouwert en Drachten, dy't ek wol de Wâldwei neamd wurdt.

Nyegea
Doarpssicht
Emblemen
Bestjoer
Lân	Nederlân
Provinsje	Fryslân
Gemeente	Smellingerlân
Sifers
Ynwennertal	490 (1 jannewaris 2023)
Oerflak	8,53 km², wêrfan: - lân: 8,16 km² - wetter 0,382 km²
Befolkingsticht.	58 ynw./km²
Oar
Tiidsône	UTC +1
Simmertiid	UTC +2
Koördinaten	53° 08' N 6° 01' E
Lokaasje Nyegea (grien) yn 'e gemeente Smellingerlân
Kaart

Under Nyegea falle ek de buorskippen Wierren (yn it noarden fan it doarp) en Eibertsgeasten en Middelbuorren (súdlik fan it doarp). Foardat De Tike in selsstannich doarp waard, foel De Tike as buorskip ek ûnder Nyegea. Nyegea hat gjin winkels mear en is foar boadskippen oanwiisd op Drachten of Burgum (beide op sa'n 5/6 kilometer ôfstân).

Nyegea hat 490 (1 jannewaris 2023) ynwenners.

Skiednis

Nyegea is in doarp fan midsiuwske oarsprong. It doarp hie eartiids in 14e-iuwske tsjerke. De âlde tsjerke waard healwei de 19e iuw foar it measte ferboud. De bou fan de toer folge yn de jierren 1893-1894. Yn de toer hinget in klok út 1381.

Lang bleau it doarp in boerestreek oan de Lykwei, tsjintwurdich de Kommisjewei. Súdlik fan it westlike diel fan de Kommisjewei is der nei de oarloch in lytse doarpskearn ûntstien.

Mienskip

Doarpshûs Op 'e Jister

It doarpshûs Op 'e Jister stiet oan de Kommisjewei. It doarpshûs waard boud op it plak dêr't eartiids it skoaltsje fan Nyegea stie. Ienris yn 'e trije jier wurdt der in doarpsfeest organisearre. Nyegeasters wurde gekjeijend foar ligers útskolden.

Tsjerke

De Wikipedy hat ek in side Herfoarme tsjerke (Nyegea).

• Grifformearde PKN-gemeente Nyegea-De Pein-De Tike.
• Herfoarme gemeente De Pein-Nyegea-De Tike.

Skoalle

Sûnt jierren hat Nyegea gjin eigen basisskoalle mear. De bern geane no nei skoalle yn 'e Pein of Aldegea.

Ferienings

• Fûgelwacht De Pein (webstee)
• Gymnastykferiening Toneo
• Toanielselskip Nij Begjin (webstee)

Befolkingsferrin

1840	1954	1959	1964	1969	1974	1999	2002	2003	2004	2005
165	563	613	599	552	497	474	492	502	516	505
2010	2012	2014	2015	2020
493	489	482	473	468

Berne

• Yke Reinders Boonstra (1907-1943), dichter

Bustsjinst

De buslinen troch Nyegea wurde fersoarge troch Qbuzz. De folgjende linen ride troch Nyegea:

• Line 20 Ljouwert - It Hearrenfean fia Drachten en De Gordyk: Ljouwert - Garyp - Nyegea Rykswei - Drachten - Olterterp - Beetstersweach - Terwispel - Lippenhuzen - De Gordyk - Langsweagen - De Knipe - It Hearrenfean
• Line 21 Ljouwert - Drachten fia Burgum: Ljouwert - Tytsjerk - Hurdegaryp - Quatrebras - Burgum - Sumar - De Tike - Nyegea Rykswei - Drachten

Keunstwurk

By Nyegea binne oan it ein fan 'e Sintrale As by de Wâldwei yn in fiverke de keunstwurken De Glêzebiters en de Ielstikel set. It keunstwurk is troch de Nyegeasters sels betocht en fan wylgeteannen makke. Mear doarpen yn 'e omkriten binne ferrike mei keunstwurken fan wylgeteannen.

Ofbylden

• 
  Pastorije, Kommisjewei 10
• 
  Kosterswent, Kommisjewei 2
• 
  Went mei smidderij, Kommisjewei 41

Strjitten

Aldegeasterdyk, De Klynhoeke, Eartlânsreed, Eibertsgeasten, Fiifhoeke, Finnen, Hearrewei, Hegewei, Kilometerwei, Kommisjewei, Nije Tikewei, Skieppekampen, Stienkampen, Swartewei, Westerein, Wierren.

Sjoch ek

• Fryske doarpen

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Nyegea fan Wikimedia Commons.