Bekhofskâns
De Bekhofskâns of Bekhofschaans is in âlde ferdigeningsskâns út 1623 oan de Linde by de buorskip Bekhof. De skâns komt út de Tachtichjierrige Oarloch en makke diel út fan de Fryske Wetterliny, dy’t troch hiel Súdeast-Fryslân rûn. In lyts part fan de skâns stiet noch oerein.
| Bekhofskâns | ||
| ||
| De Bekhofskâns om 1660 hinne | ||
| lokaasje | ||
| lân |  Nederlân
| |
| Provinsje |  Fryslân
| |
| Gemeente |  Weststellingwerf
| |
| plak | Bekhof | |
| bysûnderheden | ||
| type plak | Festingwurk | |
| subtype | Skâns | |
| diel fan | Fryske Wetterliny | |
| oerflak | 0.01 km² | |
| skiednis | ||
| stifte | 1623 | |
| archeology | ||
| eigendom | It Fryske Gea | |
| behear | Steatsboskbehear | |
| lânkaart | ||
  | ||
Skiednis
bewurkje seksjeDe skâns waard oanlein tsjin de oanfallen fan de Spanjert Verdugo, mar waard ferneamd yn 1672, doe’t de Biskop fan Múnster besocht de provinsje Fryslân yn te nimmen. Dat slagge net, omdat meardere kearen de oanfallen op de skâns ôfslein waarden.
De Bekhofskâns lei op in wichtich plak foar oanfallen fan bûten út. Wa't de Linde hie koe in part fan it grinsgebiet ûnder wetter sette troch de Linde ôf te damjen. Om Fryslân fan it suden út oan te fallen moast men wol by de Bekhofskâns del.
It ferdigeningswurk is yn 2002, 2006 en 2007 opknapt troch it Lânskipsbehear Fryslân. Dat barde yn gearwurking mei It Fryske Gea, Steatsboskbehear, de Feriening Histoarje Weststellingwerf, it Doarpsargyf Aldebearkeap en de Stellingwarver Schrieversronte.
Kanon
bewurkje seksjeOp 23 maaie 1979 waard troch twa bruorren de loop fan in kanon fûn by de skâns. De loop wie likernôch 1,5 meter lang. It kanon stamt út de 17e iuw en wie noch hieltyd yn goeie steat, it hat in gewicht fan sa’n 500 kilo. Hjoed-de-dei stiet it kanon, mei in ûnderstel, yn de buorren fan Aldeberkeap.
Natoergebiet
bewurkje seksjeSûnt 2006 is de skâns eigendom fan It Fryske Gea de Bekhofschaans troch in skinking. It behear is útbestege oan Steatsboskbehear.
Iik
bewurkje seksjeBy de Bekhofskâns stiet in grutte iik. Neffens de oerlevering is dy plante nei de ynfal fan it leger fan Múnster. Ek soenen der letter minsken oan ophinge wêze. Oan de betrouberheid fan dy ferhalen wurdt bot twifele.
Oars
bewurkje seksje- Yn Boyl stiet in kemping mei de namme Bekhofskâns.
