Bilgaard
Bilgaard is in buert yn de wyk Bilgaard-Havankpark en omkriten yn de stêd Ljouwert. Mei in grutte fan 93 hektare wie it ien fan de grutste wiken fan Ljouwert. De wyk leit yn it noarden fan de stêd tusken it Faleariuskertier en de Frijheidswyk. Bilgaard is in skoalfoarbyld fan nei-oarlochske wenningbou; in stimpelstruktuer ûntwurpen troch Van den Broek en Bakema. De wyk is neamd nei de eardere pleats Bilgaard.
_-_Bilgaard.PNG)
Yn tiden fan oprinnende leechstân waarden trije hierflats sloopt. Boppedat binne der in soad hierwenten ferkocht. Troch dy oapak komt Bilgaard wer yn balâns. De wykoanpak rjochte him no op ferbettering, ferfangende nijbou en fysyk behear.
De wyk is typysk foar âlderein. In kreaze, strak oardere feilige wyk, mei reedlik goedkeape wenten mei leech- en heechbouw. It netto húshâldynkommen yn Bilgaard bliuwt efter by de rest fan Ljouwert. Yn Bilgaard wenje relatyf in soad allochtoanen, en buertkontakten binne sterk.
Bilgaard leit flakby de Ljouwerter Bosk en hat sa'n 6000 ynwenners.
It winkelsintrum yn Bilgaard, mei as bynamme Bilgaardpassaazje, wie op 24 augustus 2006 suver folslein ôfbaarnd. Op 9 desimber 2010 iepene boargemaster Ferd Crone it folslein fernijde winkelsintrum.
