Frank Lammers

Frank Lammers (folút: Frank Albertus Gerardus Petrus Maria Lammers; Mierlo, 10 april 1972) is in Nederlânsk akteur en regisseur fan Brabânsk komôf. Hy is benammen bekend fan 'e reklamespotsjes foar Jumbo Supermarkten, fan syn rol as Dennis van der Horst yn 'e film Nachtrit en fan syn titelrol yn 'e histoaryske aventoerefilm Michiel de Ruyter.

Frank Lammers
akteur
persoanlike bysûnderheden
echte namme	Frank Albertus Gerardus    Petrus Maria Lammers
nasjonaliteit	Nederlânsk
berne	10 april 1972
berteplak	Mierlo (Noard-Brabân)
etnisiteit	Nederlânsk
reg. identiteit	Brabânsk
jierren aktyf	1992 – no
prizen	Gouden Keal 2006 Prins Bernhard Kultuerpriis 2017
offisjele webside
www.franklammers.net

Libben en karriêre

Jonkheid en oplieding

Lammers waard yn 1972 berne yn in roomske húshâlding yn it Brabânske Mierlo, dat tusken Eindhoven en Helmond yn leit. Hy folge middelber ûnderwiis oan it Strabrecht Kolleezje yn Geldrop en studearre yn 1995 ôf oan 'e Amsterdamske Toanielskoalle en Lytskeunstakademy.

Aktearkarriêre

Yn 1998 makke Lammers de koarte film Kort Rotterdams: Temper, Temper, dêr't er it senario foar skreau en de rezjy foar die. Foar de haadrollen loek er syn goede freon Fedja van Huêt oan, en fierders Monic Hendrickx en de doe noch ûnbekende Halina Reijn. Letter datselde jiers makke Lammers sels syn debút as filmakteur yn 'e Route 2000-film fl 19,99, mei in lytse rol as dakleaze. Yn 2000 bemachtige er in gruttere rol yn Wilde Mossels. Op 'e set fan dy film rekke er goed befreone mei regisseur Erik de Bruyn.

Neitiid wie Lammers te sjen yn films as Ochtendzwemmers (2001), Polleke (2003), Shouf Shouf Habibi (2004), Het Zuiden (2004), Het Schnitzelparadijs (2005) en Het Woeden der Gehele Wereld (2006). Yn De Dominee (2004) spile er de rol fan 'e kickbokser Adri Slotemaker. Ek hie Lammers in roltsje yn 'e oarlochsfilm Zwartboek, út 2006. Underwilens boude er op alderhanne mêd oan syn karriêre, en wied er behalven yn films ek te sjen op 'e tillefyzje. Foar syn rol as Bosko, yn 'e minysearje De Enclave (oer de Fal fan Srebrenica), krige er yn 2002 in Gouden Byld, en syn haadrol as Dennis van der Horst yn 'e film Nachtrit, út 2006, waard bekroane mei in Gouden Keal yn 'e kategory bêste akteur.

Op 'e tillefyzje wurke er mei oan it sketcheprogramma Koppensnellers, wêryn't er û.m. te sjen wie as Guus út Goes, de plysje fan Arûba (yn ferbân mei de saak-Natalee Holloway) en Edwin de Roy van Zuydewijn. Ek hied er gastrollen yn 'e plysjesearjes Baantjer en Grijpstra en De Gier en Spangen, yn 'e sikehûssearje De Co-assistent en yn oare programma's, lykas Dunya en Desie, Wet en Waan, Deadline en Het Sinterklaasjournaal. Fierders wie Lammers yn 2016 te sjen yn 'e minysearje Als de Dijken Breken. Yn 2007 en 2008 fertolke Lammers de rol fan Tom yn 'e musical Route 66, njonken û.o. Juda Goslinga, Loes Haverkort en Alexandra Alphenaar.

Op it wite doek spile Lammers nei 2006 û.m. yn Eigenheimers (2007), New Kids Turbo (2010), De Bende van Oss (2011) en De Marathon (2012). Yn 'e histoaryske aventoerefilm Michiel de Ruyter, dy't regisseur Roel Reiné en filmprodusint Klaas de Jong yn 2015 makken oer de santjinde-iuwske Nederlânske seeheld mei deselde namme, fertolke Lammers de titelrol. Dy film waard in grut súkses en makke Lammers bekend by in breder publyk, yn 'e mande mei de reklamespotsjes dy't er neitiid opnaam foar Jumbo Supermarkten. Yn 2015 hied er ek de titelrol yn 'e roadmovie J. Kessels, as in sûpende, keatlingsmokende, cowboyhoeddragende sjoernalist, en yn 2016 spile er yn 'e komyske horrorfilm SneekWeek in plysjeresjersjeur dy't efter in searjemoardner oan sit.

Yn 2007 en 2008 wie Lammers op de radio te hearren yn it harkspul Bommel. As stimakteur wurke er mei oan 'e Nederlânsktalige neisyngronisaasje fan tekenfilms as Wreck-It Ralph (2012), Despicable Me 2 (2013), The Spongebob Movie: Sponge Out of Water (2015), The Angry Birds Movie (2016) en Paddington 2 (2017). Fierders stied er yn 2009 op 'e planken mei it toanielstik Cadillac Cowboy, oer it libben fan countrysjonger Hank Williams. Ek wied er tusken 2012 en 2015 dûbluere foar Martijn Fischer, dy't de titelrol hie yn 'e musical Hij Gelooft in Mij, oer sjonger André Hazes.

Njonken syn aktearwurk wie Lammers troch de jierren hinne ek ferskate kearen as presintator aktyf foar Omroep Brabant, û.m. by programma's as De Kracht van Brabant en De Canon van Lammers. Fan 2008 oant en mei 2011 wied er ambassadeur fan it festival de Brabantsedag yn Heeze. Yn 2017 krige er de Prins Bernhard Kultuerpriis takend fanwegen "syn grutte bysûndere prestaasjes en fertsjinsten foar de kultuer yn Noard-Brabân." As regisseur makke Lammers yn 2010 de teäterfoarstelling Koper, mei de Limburchske band Rowwen Hèze en popsjoernalist Leon Verdonschot. Yn 2017 waard Of Ik Gek Ben, de earste spylfilm dy't er regissearre, bekroane mei de priis foar bêste film op it Ynternasjonaal Filmfestival fan Footcandle, yn 'e Amerikaanske steat Noard-Karolina.

Priveelibben

Lammers is troud mei de skriuwster Eva Posthuma de Boer. Mei har hat er in dochter, berne yn 2004.

Filmografy

Filmografy as akteur
jier	titel	rol of funksje	opmerkings
tillefyzje
1990	Ko de Boswachtershow	?	gastrol; ôfl. De Kippenfokkerversnipperaar
1998	Baantjer	Milan Tolimir	gastrol; ôfl. De Cock en de Vermoorde Onschuld
1999	Spangen	Lars Bierman	gastrol; ôfl. Foute Vrienden
1999–2000	BNN Look A Like 11-tal	coach Frenk
2000	Wildschut & De Vries	Milko	gastrol; ôfl. Zware Benen
2000–2001	All Stars	Berrie	fêste rol 3e seizoen; 14 ôfl.
2001	Ochtendzwemmers	Herman	tillefyzjefilm
2002	Intensive Care	Erik Klein	gastrol; ôfl. De Grens
2002	De Enclave	Darko Bokan	tillefyzjefilm
2003	Wet & Waan	Mischa	gastrol; ôfl. Het Geheim van de Raadkamer
2003	Het Wonder van Máxima	plysjeman Decker	tillefyzjefilm
2004	Dunya & Desie	Tonnie van Bruggen	gastrol; ôfl. Dunya en Desie Forever
2005	Grijpstra & De Gier	Paul van der Bildt	gastrol; ôfl. My Funny Valentine
2006	Koppensnellers	ferskaat	komysk sketcheprogramma; 8 ôfl.
2006	Eigenheimers	Jaap van Elsakker	tillefyzjefilm
2007–2010	Comedy Central	voice-over
2008	Sterke Verhalen uit Zoutvloed	Tepper	weromkearende rol; 5 ôfl.
2009	De Co-assistent	Patrick Wezendonk	gastrol; ôfl. De Bevalling
2009	Echt Niet?!	himsels	as presintator
2009–2010	Van Zon op Zaterdag	ferskaat	komysk sketcheprogramma
2010	Deadline	Ype Sleeswijk	weromkearende rol; 3 ôfl.
2010	De Kracht van Brabant	himsels	as presintator
2011	Levenslied	Bert	weromkearende rol; 7 ôfl.
2011	The Passion	Judas Iskariot	tillefyzjespecial
2011	Bon Voyage	Tom	tillefyzjefilm
2012–2014	Crimi Clowns	de Patron	weromkearende rol; 7 ôfl.
2013	Sinterklaasjournaal	bistefersoarger	gastrol
2016	Als de Dijken Breken	Willem Wienesse	minysearje
2018	Sinterklaasjournaal	sûvenirferkeaper	gastrol
2019–no	Undercover	Ferry Bouman	fêste rol
2020	Nieuw Zeer	?	gastrol
2019–2021	De Alleskunner	voice-over	realitytillefyzjeprogramma
2020–2021	Familie Gillis: Massa is Kassa	voice-over	realitytillefyzjeprogramma
films
1998	fl. 19,99	dakleaze
2000	Wilde Mossels	Daan
2000	De Zwarte Meteoor	Wezelkop
2000	Nachtwacht	Vermeer
2001	De Grot	René
2003	Grimm	boer
2003	Polleke	master Wouter
2003	De Passievrucht	Dees
2004	Het Zuiden	Loe de Koning
2004	Shouf Shouf Habibi!	Chris
2004	De Dominee	Adri Slotemaker
2005	Flirt	Egbert-Jan
2005	Het Schnitzelparadijs	Willem
2005	Leef!	BMW-bestjoerder
2005	Racing Stripes	?	as stimakteur, Nederlânsktalige neisyngronisearring
2006	Het Woeden der Gehele Wereld	ynspekteur Duivetrap
2006	Zwartboek	Kees
2006	Nachtrit	Dennis van der Horst
2007	Nadine	Vince
2008	Mafrika	Frank
2009	Suske en Wiske: De Texas Rakkers	Lambik	as stimakteur, Nederlânsktalige neisyngronisearring
2010	Lex	Lex
2010	New Kids Turbo	baas van Richard en Robbie
2011	Rundskop	bistedokter Sam Raymond
2011	De President	Krasimir
2011	De Bende van Oss	Harry den Brock
2012	De Marathon	Kees
2012	Wreck-It Ralph	Ralph	as stimakteur, Nederlânsktalige neisyngronisearring
2013	Crimi Clowns: De Movie	de Patron
2013	Despicable Me 2	El Macho	as stimakteur, Nederlânsktalige neisyngronisearring
2014	The Boxtrolls	Archibald Snatcher	as stimakteur, Nederlânsktalige neisyngronisearring
2014	Onder het Hart	Rogier
2015	Michiel de Ruyter	admiraal Michiel de Ruyter
2015	J. Kessels	J. Kessels
2015	The SpongeBob Movie: Sponge Out of Water	Burger Beard	as stimakteur, Nederlânsktalige neisyngronisearring
2015	Phantom Boy	man mei misfoarme antlit	as stimakteur, Nederlânsktalige neisyngronisearring
2016	SneekWeek	resjersjeur Van Velzen
2016	The Angry Birds Movie	Mighty Eagle	as stimakteur, Nederlânsktalige neisyngronisearring
2016	Of Ik Gek Ben	n.f.t.	regisseur
2016	De Helleveeg	Nico van Dartel
2016	The Secret Life of Pets	Duke	as stimakteur, Nederlânsktalige neisyngronisearring
2016	Sing	Big Daddy	as stimakteur, Nederlânsktalige neisyngronisearring
2017	Hotel De Grote L	heit
2017	Paddington 2	Knuckles McGinty	as stimakteur, Nederlânsktalige neisyngronisearring
2018	All You Need Is Love	Ernst
2018	Chasing Windmills	kaptein Holland Amerika Lijn
2018	Ralph Breaks the Internet	Ralph	as stimakteur, Nederlânsktalige neisyngronisearring
2018	D-railed	gasthear
2018	Spider-Man: Into the Spider-Verse	Spider-man Noir	as stimakteur, Nederlânsktalige neisyngronisearring
2019	Klaus	Klaus	as stimakteur, Nederlânsktalige neisyngronisearring
2019	The Secret Life of Pets 2	Duke	as stimakteur, Nederlânsktalige neisyngronisearring
2020	Groeten van Gerri	Gerri van Vlokhoven	ek regisseur
2021	Ferry	Ferry Bouman
2021	Herrie in Huize Gerri	Gerri van Vlokhoven	ek regisseur

Keppelings om utens

• (ned) Offisjele webside fan Frank Lammers
• (in) Folsleine filmografy fan Frank Lammers yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Frank Lammers fan Wikimedia Commons.