Skin Diamond
Skin Diamond, ek bekend as Raylin Joy, echte namme: Raylin Joy Christensen (Ventura (Kalifornje), 18 febrewaris 1987), is in Amerikaansk neakenmodel, fetysjmodel, stripper en pornografysk aktrise fan mingd etnysk komôf, dy't earder ek wol gebrûk makke fan 'e artystenamme Skinn. Hja sette yn 2009 útein mei in wurkpaad yn 'e Amerikaanske pornoyndustry en spile yn in grut tal films. Diamond krige grutte populariteit en wûn ûnder mear twa AVN Awards, de Oscars fan 'e pornosektor. Yn 2016 beëinige se har karriêre as pornoaktrise om fierder te gean as mainstream-aktrise, sjongster en lietsjeskriuwster.
| Skin Diamond | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Raylin Joy, Skinn | |
| echte namme | Raylin Joy Christensen | |
| nasjonaliteit |  Amerikaansk
| |
| berne | 18 febrewaris 1987 | |
| berteplak | Ventura (Kalifornje) | |
| etnisiteit |  Afro-Amerikaansk Deensk Dútsk Etiopysk Servysk Tsjechysk
| |
| wurkpaad | ||
| wurksum as | neakenmodel, fetysjmodel, stripper, pornoaktrise | |
| jierren aktyf | 2009 – 2016 | |
| offisjele webside | ||
| skindiamondvip.com | ||
Libben en karriêre
bewurkje seksjeJonkheid
bewurkje seksjeDiamond waard yn 1987 berne yn Ventura, yn 'e Amerikaanske steat Kalifornje. Se is fan mingd Deensk, Dútsk, Etiopysk, Servysk en Tsjechysk komôf. Fanwegen har negroïde uterlik, dat komt troch har Etiopyske bloed, identifisearret se har foar it meastepart as Afro-Amerikaansk. Nei eigen sizzen waard se as bern in protte narre mei har hûdskleur.
Doe't se trije jier wie, ferfear Diamond mei har âldelju, dy't kristlike sindelingen wiene, nei Skotlân, dêr't se krapoan tweintich jier trochbrocht. Se groeide sadwaande op yn Dunfermline en krige in frij strange opfieding. Har heit, Rodd Christensen, krige yn it Feriene Keninkryk bekendheid as it personaazje Spencer út 'e bernesearje Balamory, in produksje fan BBC Scotland. Diamond spile as teenager ek yn dy tillefyzjesearje, tegearre mei har suster Heather. Har earste baan hie se as meiwurker fan in kres.
Karriêre
bewurkje seksjeDiamond sette mei har karriêre útein as model foar de Kalifornyske neakenfotografywebside GodsGirls, foar't se as keunstmodel begûn te wurkjen. Letter wie se ek aktyf as fetysjmodel foar fotografen út sawol Jeropa as de Feriene Steaten, dy't oanlutsen waarden troch har unike uterlik. Yn 2009 posearre se foar de omslach fan Bizarre, nei't se de earste covergirl-syktocht fan dat tydskrift wûn hie. Neitiid waard se yn Londen oannommen troch it modelleburo Girl Management. Yn in fraachpetear sei Diamond letter dat se altyd yntrigearre west hie troch seks en froulju. Yn 2009 makke Diamond har debút yn in pornografyske film, yn in sêne mei Joanna Angel en James Deen. Hja wie doe 22 jier. Neffens har bedarre se min ofte mear by fersin yn 'e pornoyndustry. Se besocht it geheim te hâlden foar har âlden, mar dy ûntdieken it binnen in moanne. Har heit wie fral bang dat se fan 'e porno oan 'e drugs en yn 'e prostitúsje reitsje soe.
.jpg)
De folgjende sân jierren spile Diamond yn sa'n 350 films, û.m. foar sokke foaroansteande Amerikaanske labels as Penthouse, Vivid Entertainment, Adam & Eve, Elegant Angel, Digital Playground, Hustler Video, Digital Sin, Zero Tolerance, Jules Jordan Video, Evil Angel en Devil's Film. Fierders wurke se ek wol foar minder bekende Amerikaanske studio's, lykas Pure Play Media, West Coast Productions, Metro en Girlfriends Films. Ek wie se te sjen yn produksjes fan studio's út oare lannen, lykas it Dútske Magmafilm, it Frânske Vidéo Marc Dorcel en it Kanadeeske Mile High Media. En ta einsluten wie se in protte yn 't spier foar pornowebsiden op it ynternet, wêrûnder BangBros, Reality Kings, Brazzers en Kink.com.
Yn 2012 wûn Diamond de Urban X Award yn 'e kategory artyste fan it jier. Yn 2013 wûn se de Xbiz Award foar bêste byrol fan in aktrise. Yn 2014 wûn se twa AVN Awards (de Oscars fan 'e pornowrâld) yn 'e kategoryen bêste orale sekssêne en bêste sekssêne mei dûbele penetraasje, beide foar har optreden yn 'e film Skin. En yn 2015 wûn se jitris in AVN Award, diskear yn 'e kategory bêste anale sekssêne, foar har optreden mei Rocco Siffredi yn 'e film Rocco's Coming in America.
Njonken har pornografyske karriêre wurke Diamond yn 2011 as fotomodel mei oan in rige advertinsjes foar it tydskrift i-D, klaaid yn produkten fan Louis Vuitton en American Apparel. Yn 2012 posearre se foar striptekener David W. Mack, dy't har as it personaazje Echo tafoege oan 'e rige Daredevil: End of Days fan Marvel Comics. Yn 2013 posearre Diamond fierders foar de foaroansteande fotograaf Terry Richardson. Datselde jiers die se foar it earst wat mei muzyk, doe't se it liet Sex in a Slaughter House skreau en de byhearrende fideoklip makke as ûnderdiel fan in sêne dy't se opnaam foar Brazzers.
Yn 2014 spile Diamond mei kollega-pornoaktrise Allie Haze yn 'e fideoklip fan it liet John Doe, fan 'e Amerikaanske rapper B.o.B en Priscilla Renea. Yn july fan datselde jier stie se as neakenmodel mei in fotoreportaazje yn it neakenblêd Penthouse as de Penthouse Pet of the Month. Fierders wie Diamond yn 2014 ek as regisseur belutsen by twa pornofilms: Dollhouse, fan 'e lytse studio Deviant Entertainment, en Nerdgasm, fan Girlfriends Films. Yn 2015 waard se troch de Penthouse útroppen ta de Penthouse Pet of the Year Runner-up (d.w.s. dat se it twadde plak behelle).
Yn 2016 loek Diamond har út 'e Amerikaanske pornoyndustry werom om har ta te lizzen op in nij wurkpaad as mainstream-aktrise, sjongster en lietsjeskriuwster ûnder har wiere namme Raylin Joy. Se makke in súksesfolle crossover en waard cast as Dylan Quinn yn 'e tillefyzjesearje Submission, fan 'e Amerikaanske tillefyzjestjoerder Showtime. Fierders brocht Diamond yn 2016 ek har earste fiif offisjele singles út, te begjinnen mei Fire.
Priveelibben
bewurkje seksjeDiamond is nei eigen sizzen biseksueel. Hja wennet yn Hollywood, yn 'e Amerikaanske steat Kalifornje. Har hobbys binne skilderjen en pealdûnsjen.
Lichemsskaaimerken
bewurkje seksjeSkin Diamond is negroïde, mei brune eagen en swart hier, dat se gauris rôze of pears fervet. Se stiet bekend om it feit dat se har holle oan ien side keal skeart. Neffens har offisjele opjefte is se 1.66 m lang, mei in gewicht fan 50 kg, en in natuerlike cupmaat 32B. Behalven de wenstige gatsjes troch de earlellen hat Diamond ek in nâlpiercing en piercings troch har rjochternoaswjuk en har beide spiennen.
Doe't se yn har jonkheid ris in stunt mei fjoer die mei guon lju dy't gjin idee hiene wat se útfûnen, gie alles mis en rekke Diamond mei twaddegraads brânwûnen yn it sikehûs. Se helle it by de dea om 't ôf, mar hie neitiid groeden oer in grut part fan 'e rêch. Dêr liet se doe in tatoeaazje fan in feniks oerhinne sette. Fieders hat se in tatoeaazje fan in ferpleechster mei in ynjeksjespuit op har lofterskouder; in stjer op eltse hân tusken de tomme en de wiisfinger; in blom op har lofterringfinger; de letters "LBST" krekt boppe de pols op har rjochterearm; en noch ferskate oare tatoeaazjes op har rjochterskouder, lofterearm en rjochterankel.
Prizen en nominaasjes
bewurkje seksje| jier | priis | resultaat | kategory | foar har optreden yn |
|---|---|---|---|---|
| 2012 | AVN Award | nominearre | bêste orale sekssêne (mei Asa Akira) | Orgasmic Oralists |
| nominearre | bêste point of view-sekssêne (mei Joanna Angel en James Deen) | POV Punx 4 | ||
| nominearre | bêste triosekssêne (f/f/m) (mei Lily Carter en Criss Strokes) | Slut Puppies 5 | ||
| nominearre | bêste triosekssêne (f/m/m) (mei Mr. Pete en Mark Wood) | Shut Up and Fuck | ||
| nominearre | bêste nije stjer | n.f.t. | ||
| Urban X Award | nominearre | bêste sekssêne mei in pearke (mei Sean Michaels) | Black Diamonds | |
| nominearre | bêste sekssêne mei in pearke (mei Lexington Steele) | Porn's Top Black Models | ||
| nominearre | bêste triosekssêne (mei Bella Moretti en Mr. Marcus) | Hitch Hikers 2 | ||
| nominearre | bêste anale sekssêne (mei Leilani Leeane en Mike Adriano) | Black Anal Addiction | ||
| nominearre | orgastysk oraliste | n.f.t. | ||
| wûn | artyste fan it jier | n.f.t. | ||
| Xbiz Award | nominearre | nije stjer fan it jier | n.f.t. | |
| 2013 | AVN Award | nominearre | bêste lesbyske sekssêne (mei Lily Carter) | Interracial Lesbian Romance |
| nominearre | bêste lesbyske groepsekssêne (mei Bonnie Rotten en Asphyxia Noir) | Meet Bonnie | ||
| nominearre | bêste lesbyske groepsekssêne (mei Adrianna Luna en Celeste Star) | Mind Fuck | ||
| nominearre | bêste anale sekssêne (mei Nacho Vidal) | Nacho Vidal: The Sexual Messiah | ||
| nominearre | bêste triosekssêne (f/f/m) (mei Joanna Angel en Ramon Nomar) | Joanna Angel: Filthy Whore | ||
| nominearre | bêste groepsekssêne (mei Brooklyn Lee, Misty Stone, Mika Tan, Dane Cross, James Deen en Alex Gonz) | Official The Hangover Parody | ||
| nominearre | artyste fan it jier | n.f.t. | ||
| Xbiz Award | nominearre | artyste fan it jier | n.f.t. | |
| wûn | bêste byrol fan in aktrise | Revenge of the Petites | ||
| XRCO Award | nominearre | orgastysk analiste | n.f.t. | |
| nominearre | artyste fan it jier | n.f.t. | ||
| 2014 | AVN Award | nominearre | bêste lesbyske sekssêne (mei Kleio Valentien) | The Walking Dead |
| nominearre | bêste sekssêne mei in pearke (mei Prince Yahshua) | Deep Pussy | ||
| nominearre | bêste anale sekssêne (mei L.T.) | Skin | ||
| nominearre | bêste groepsekssêne (mei Dana DeArmond, Veruca James, Sarah Shevon, Aiden Starr, James Deen, Jon Jon, Mr. Pete en Tommy Pistol) |
Orgy University | ||
| nominearre | bêste groepsekssêne (mei Billy Glide, Tommy Pistol, Will Powers, John Strong en Mark Wood) | Skin Diamond: No Limits | ||
| nominearre | artyste fan it jier | n.f.t. | ||
| wûn | bêste orale sekssêne | Skin | ||
| wûn | bêste sekssêne mei dûbele penetraasje (mei Marco Banderas en Prince Yahshua) | Skin | ||
| Xbiz Award | nominearre | bêste sêne (non-feature) (mei Marco Banderas en Prince Yahshua) | Skin | |
| nominearre | artyste fan it jier | n.f.t. | ||
| XRCO Award | nominearre | orgastysk oraliste | n.f.t. | |
| nominearre | orgastysk analiste | n.f.t. | ||
| nominearre | superslet | n.f.t. | ||
| nominearre | artyste fan it jier | n.f.t. | ||
| 2015 | AVN Award | nominearre | bêste lesbyske groepsekssêne (mei Asa Akira, Dani Daniels en Alexis Texas) | Alexis & Asa |
| nominearre | bêste triosekssêne (f/f/m) (mei Maddy O'Reilly en Erik Everhard) | Maddy O'Reilly Is Slutwoman | ||
| nominearre | bêste sekssêne mei dûbele penetraasje (mei James Deen en Mr. Pete) | Performers of the Year 2014 | ||
| nominearre | skandalichste sekssêne (mei Ryan Madison) | Dark Perversions 3 | ||
| nominearre | skandalichste sekssêne (mei Lea Lexus, Roxy Raye, Stoya, Wolf Hudson en Rocco Siffredi) | Voracious: Season 2, Volume 4 | ||
| nominearre | bêste byrol fan in aktrise | The Doctor Whore Porn Parody | ||
| nominearre | artyste fan it jier | n.f.t. | ||
| nominearre | mainstream-stjer fan it jier | n.f.t. | ||
| wûn | bêste anale sekssêne (mei Rocco Siffredi) | Rocco's Coming in America | ||
| Xbiz Award | nominearre | bêste lesbyske sekssêne (mei Emily Addison) | Killers | |
| nominearre | bêste sekssêne yn in film mei in leafdestema (mei Nick Manning) | White Witch | ||
| nominearre | bêste sekssêne yn in featurefilm (mei Xander Corvus) | Killers | ||
| nominearre | bêste aktrise yn in featurefilm | Killers | ||
| nominearre | artyste fan it jier | n.f.t. | ||
| XRCO Award | nominearre | orgastysk analiste | n.f.t. | |
| nominearre | favorite pornoaktrise yn 'e mainstream-media | n.f.t. | ||
| 2016 | AVN Award | nominearre | bêste lesbyske sekssêne (mei Alina Li) | Deviant Devil: Skin Diamond |
| nominearre | bêste byrol fan in aktrise | Love, Sex and TV News |
Diskografy
bewurkje seksje- singles
- 2013 – Sex in a Slaughter House (ûnoffisjeel)
- 2016 – Fire
- 2016 – All Night
- 2016 – Feel Me
- 2016 – Karma
- 2016 – Sunny Grey
- 2017 – Wet Dreams
- 2017 – Freak
Keppelings om utens
bewurkje seksje- Offisjele webside fan Skin Diamond
- (in) Biografy en filmografy fan Skin Diamond yn 'e Internet Movie Database (IMDb)
- (in) Biografyske gegevens en filmografy fan Skin Diamond yn 'e Internet Adult Film Database (IAFD)
- (in) Biografyske gegevens fan Skin Diamond op FreeOnes
- (in) Skin Diamond yn 'e Adult Film Database (AFD)
- (dú) Skin Diamond op Pornopedia
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
