Saratov (oblast)

De oblast Saratov (Russysk: Саратовская область; Saratovskaja oblast) is in oblast yn it súdeastlike diel fan Europeesk Ruslân oan de grins mei Kazachstan. De haadstêd is Saratov. De Russyske striidkrêften binne sterk fertsjintwurdige yn de oblast.

Oblast Saratov

Волгоградская область

Map of Russia - Saratov Oblast.svg
flagge wapen
Flag of Saratov Oblast.svg Coat of Arms of Saratov oblast.svg
sifers
soarte gebiet Oblast
ynwennertal 2.360.959 (2022)
oerflak 101.240 km²
befolkingstichtens 23,32 ynw./km²
polityk
lân Flag of Russia.svg Ruslân
federaal distrikt Wolga
ekonomyske regio Wolga
haadplak Saratov
grutste plak Saratov
taal Russysk
Etnyske groepen Russen 87,55%
Kazachen 3,09%, Tataren 2,15%
(Stân 2010)
oar
stifting 5 desimber 1936
tiidsône UTC+4; MSK+1
koördinaten 51° 47' N 46° 44' E
webside saratov.gov.ru

SkiednisBewurkje

Mei de bou fan de fêsting Saratov yn de 16e iuw sette de Russyske skiednis fan it gebiet útein. De hannel lâns de Wolga wie foar grutte betsjutting foar de ûntwikkeling fan de stêd. Der hawwe ferskillende bestjoerlike foargongers fan de hjoeddeiske oblast west. De oblast Saratov waard op 5 desimber 1936 oprjochte. Op 4 febrewaris 1939 waarden dielen fan it gebiet oan de nije oprjochte oblast Penza oerdroegen.

De Dútske ynvaazje yn Ruslân op 22 Juny 1941 feroarsake de opheffing fan de Wolga-Dútske Republyk yn 1941, dy't foar it measte by de oblast Saratov yndield waard. De hiele befolking fan de republyk waard mei in dekreet fan 28 august 1941 skuldich ferklearre oan kollaboraasje mei de fijân en dêrnei mei de etnyske Dútsers út de omkriten fan Saratov en Stalingrad nei Kazachstan of Sibearje deportearre.

Op 6 jannewaris 1954 waarden mei de oprjochting fan de oblast Balasjov in tal distrikten en stêden fan de oblast ôfskuord. Mei de opheffing fan dy oblast op 19 novimber 1957 waarden de distrikten en stêden fan dy oblast wer oan de oblast Saratov weromjûn.

GeografyBewurkje

 
Wetterkrêftsintrale Saratov

De oblast leit oan de súdeastlike grins fan Europa en dielt de lânsgrins mei Kazachstan. Fan east nei west is it 101.240 km² grutte oblast 575 kilometer lang en fan noard nei súd 330 kilometer.

De oblast leit yn it súdeasten fan de Russyske Leechflakte yn it Europeeske diel fan Ruslân en wurdt trochsnien fan de benedenrinp fan de Wolga. It westlike diel wurdt foarme troch it Wolgaplato mei hichtes oant 370 meter boppe seenivo. Yn it eastlike diel lizze de steppeflaktes, dy ûnderbrutsen wurde fan droege dellings. Yn it easten begrinzgje de útrinners fan de Obsjtsji Syrt de flakte. Nei it suden ta wurdt it lân rjochting Kaspyske See leger.

 
Grutte Karaman

De Wolga tsjinnet net allinne it wetterferkear mar ek foar de winning fan enerzjy. Yn it noardlike diel fan de oblast leit de 230 km. lange Opslachmar fan Saratov mei de wetterkrêftsintrale 'Saratov' by Balakovo en yn it súdlike diel de 400 kilometer lange Opslachmar fan Wolgograd mei in wetterkrêftsintrale 'Wolgograd' yn Volzjski (oblast Wolgograd). Tusken de twa opslachmarren leit it iennige stik fan de Wolga dat noch syn oarspronklike en natuerlike rin hat. Sydrivieren fan de Wolga yn de oblast binne de Grutte Karaman, de Grutte en Lytse Irgiz, de Jerûslan en de Teresjka.

Oanbuorjende lannen en oblastenBewurkje

Tambov Penza Samara
Voronezj   Oarenburch
Wolgograd Kazachstan

Bestjoerlike yndieling en stêdenBewurkje

Meiïnoar hat de oblast 18 stêden en 25 plakken mei in stedsk karakter. Njonken Saratov binne der noch twa grutte stêden mei mear as 100.000 ynwenners: Engels en Balakovo. Oare gruttere stêden binne Balasjov en Volsk.

 
Saratov
Grutste stêden Russysk Ynwenners Wapen Lokaasje
Saratov Саратов 818.383 (2022)   51° 32' N 46° 00' E
Engels Энгельс 226.143 (2021)   51° 28' N 46° 07' E
Balakovo Балаково 186.012 (2021)   52° 02' N 47° 47' E
Balasjov Балашов 74.981 (2021)   53° 33' N 43° 10' E
Volsk Вольск 60.948 (2021)   52° 03' N 47° 23' E
Pûgatsjov Пугачёв 40.425 (2021)   52° 01' N 48° 48' E
Rtisjtsjevo Ртищево 38.030 (2021)   52° 15' N 43° 47' E

BefolkingBewurkje

Njonken Russen setten ek Kazachen, Oekraïners, Tsjûvasjen, Mordvinen, joaden en Wolga-Dútsers harren eartiids yn it gebiet nei wenjen. De mienskippen fan de tradisjonele minderheden fan de oblast binne hast allegear lytser woarn, wylst sûnt it ein fan de Twadde Wrâldkriich in soad migranten út de Kaukasus en Sintraal-Aazje nei de oblast kamen. Sa foarmje Kazachen en Armeenjers in groeiende minderheid yn de oblast. It ynwennertal fan de oblast rint al sûnt 2000 tebek.

BefolkingsûntwikkelingBewurkje

Jier 1926 1939 1959 1970 1979 1989 2002 2018 2022
Befolking 2.541.000 2.273.000 2.163.000 2.454.000 2.560.000 2.686.000 2.699.200 2.668.300 2.360.959

Boarnen, noaten en referinsjesBewurkje

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Saratow


 
Dielgebieten fan Ruslân

 

Republyk AdygeäAltaiBasjkortostanBoerjaasjeChakasjeDagestanIngûsjeesjeKabardino-BalkaarjeKalmukjeKaratsjai-TsjerkjesjeKareeljeKomiKrim (omstriden) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjanskIrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-PetersburchSebastopol (omstriden)