De oblast Ivanovo (Russysk: Ивановская область; Ivanovskaja oblast) is in oblast yn it Europeeske diel fan Ruslân.

Ivanovo oblast

Ивановская область

flagge wapen
polityk
soarte gebiet Oblast
lân Ruslân
federaal distrikt Sintraal
ekonomyske regio Sintraal
haadplak Ivanovo
grutste plak Ivanovo
taal Russysk
sifers
ynwennertal 976.918 (2022)
oerflak 21.437 km²
befolkingstichtens 45,57 ynw./km²
Etnyske groepen Russen (90,63 %)
Oekraïners (0,72 %), Tataren (0,63 %)
stân 2010
oar
stifting 1936
tiidsône UTC +3
koördinaten 57° 03' N 41° 24' E
webside ivadm.ivanovo.ru

De oblast is ien fan de gebieten dy't it langst troch Russen bewenne wurdt en in pear stêden datearje út de tiid fan de 13e iuw.

Yn 1929 ûnstie de folle gruttere yndustry-oblast Ivanovo. Dy oblast waard yn 1936 opdield yn de oblasten Jaroslavl en Ivanovo. Yn 1944 waarden fan de oblast Ivanovo nochris dielen ôfskuord foar de stifting fan de nije oblasten Kostroma en Vladimir.

De oblast leit likernôch 300 kilometer noardlik fan de haadstêd Moskou tusken de Wolga en de Kljazma yn it sintrale diel fan de Easteuropeeske Leechflakte. Yn de oblast streame likernôch 1.700 rivieren en rivierkes en der binne mear as 150 marren.

De oblast is relatyf earm. Oan it begjin fan de 19e iuw ûnstiene der tekstylfabriken, wêryn't de regio in liedende rol spile. Dêrom wurdt Ivanovo ek wol ferlike mei de Ingelske tekstylsintra Manchester en Liverpool. Noch jimmeroan is de tekstylyndustry wichtich foar de ekonomy, mar dêrnjonken is der ek in soad masjinebou en gemyske yndustry.

Bestjoersyndieling en stêden

bewurkje seksje

De oblast Ivanovo is ûnderferdield yn 21 rajons en 6 stedsdistrikten. De grutste stêd is it bestjoerssintrum Ivanovo. Meiïnoar binne der yn de oblast 17 stêden en 13 plakken mei in stedsk karakter.

Grutste stêden
Namme Russysk Ynwenners (2022) [1] Wapen Lokaasje
Ivanovo Иваново 399.983   56° 59' N 40° 58' E
Kinesjma Кинешма 79.936   57° 27' N 42° 09' E
Sjûja Шуя 56.041   56° 51' N 41° 22' E
Vitsjûga Вичуга 32.971   57° 12' N 41° 55' E
Fûrmanov Фурманов 32.855   57° 15' N 41° 06' E
Teikovo Тейково 31.623   56° 51' N 40° 33' E

Befolkingsûntwikkeling

bewurkje seksje
Jier 1926 1939 1959 1970 1979 1989 2002 2022
Befolking 1.195.804 2.649.429 1.322.152 1.339.110 1.323.852 1.313.627 1.148.329 976.918

It klimaat fan de oblast is tuskenbeide kontinintaal. De simmers binne relatyf waarm, wylst winters kâld en snieryk binne. De kâldste moanne is jannewaris mei in trochsneed temperatuer fan -12 graden Selsius. July is de waarmste moanne mei in trochsneed temperatuer fan + 18 graden Selsius.

Boarnen, noaten en referinsjes

bewurkje seksje
Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Iwanowo

  1. Ynwennertallen ôfkomstich fan de Russysktalige lemma's (oproppen 5 juny 2022)

 
Dielgebieten fan Ruslân

 

Republyk AdygeäAltaiBasjkortostanBoerjaasjeChakasjeDagestan • (Donjetsk) • IngûsjeesjeKabardino-BalkaarjeKalmukjeKaratsjai-TsjerkjesjeKareeljeKomi • (Krim) • (Lûhansk) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjansk • (Cherson) • IrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd • (Zaporizja)
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-Petersburch • (Sebastopol)
N.B.: de gebieten tusken heakjes wurde ynternasjonaal net erkend as diel fan Ruslân, mar as diel fan de Oekraïne