Sverdlovsk (oblast)

De oblast Sverdlovsk (Russysk: Свердловская область; Sverdlovskaja oblast) is in oblast yn 'e Russyske Federaasje. Oars as de haadstêd Jekaterineburch hold de oblast de namme út de tiid fan de Sovjet-Uny. It is de oblast mei it heechste ynwennertal fan it Aziatyske diel fan Ruslân.

Sverdlovsk oblast

Свердловская область

flagge wapen
polityk
soarte gebiet Oblast
lân Ruslân
federaal distrikt Oeral
ekonomyske regio Oeral
haadplak Jekaterineburch
grutste plak Jekaterineburch
taal Russysk
Etnyske groepen Russen (90,6 %), Tataren (3,5 %)
Oekraïners (0,9%), Basjkieren (0,8%)
(stân: 2010)
sifers
ynwennertal 4.264.340 (2022)
oerflak 194.226 km²
befolkingstichtens 21,96 ynw. / km²
oar
stifting 1934
tiidsône UTC +5
koördinaten 58° 42' N 61° 20' E
webside www.midural.ru
 
Konzjakovski Kamen

De oblast grinzget oan de oblasten Koergan, Tsjeljabinsk en Tjûmen, de kraj Perm, de autonome republiken Komy en Basjkortostan en oan it autonome distrikt Chanto-Mansje.

De oblast leit foar in grut part oan de eastlike hellings fan de Oeral en giet op it West-Sybearyske leechlân oer. De heechste bergen binne de Konzjakovski Kamen (1569 meter) en Denezjkin Kamen (1492 meter). It midden fan de oeral is mei hichten fan 300 oant 500 meter mear heuveleftich sûnder berchtoppen.

Wichtige rivieren binde de Tavda en de Toera, dy't alletwa útmûnje op de Ob, en de Tsjûsovaja en de Ufa, dy't útmûnje op de Kama.

It klimaat is in lânklimaat mei kâlde winters en koarte, waarme simmers. De trochsneed temperatuer ferskilt winterdeis fan -15 °C oant -20 °C mei ekstremen oan -35 °C; yn it ferline waarden ek temperatueren leger as -45 °C metten. Simmerdeis is de trochsneedtemperatuer oant 19 °C, útsjitters nei boppe de 30 °C binne net seldsum.

It gebiet waard tsjin it ein fan de 16e iuw troch Ruslân kolonisearre. Yn 1598 waard Verchoturje as ien fan de earste stêden oan de oare kant fan de Oeral stifte. De stifting fan de haadstêd Jekaterineburch folge yn 1723. Sûnt 1708 hearde it gebiet by it nije gûvernemint Sibearje. Tusken 1781 en 1919 foel it gebiet fan de hjoeddeiske oblast yn it gûvernemint Perm. Op 15 july ûntstie it gûvernemint Jekaterineburch út de eastlik fan de Oeral lizzende dielen fan it gûvernemint Perm. Tusken 1923 en 1934 lei de oblast yn it yn 1923 stifte oblast Oeral. Yn 1934 waard de oblast Sverdlovsk stifte en dy bestiet sûnt sûnder fierdere grinsferoarings noch jimmeroan.

De oblast is ryk oan boaiemskatten lykas goud, platina en in soad oare metalen. Mynbou, masjinebou en metaalferwurking binne de belangrykste ekonomyske sektoaren.

Bestjoersyndieling en stêden

bewurkje seksje
 
Jekaterineburch
 
Nizjni Tagil
 
Brêge yn Kamensk
 
Serov

De oblast is yn 68 stedsdistrikten en fiif rajons ûnderferdield. Njonken de haadstêd Jekaterineburch binne der noch trije oare grutte stêden mei mear as 100.000 ynwenners (2022): Nizjni Tagil, Kamensk-Uralski en Pervo-oeralsk. Meiïnoar binne der yn de oblast 47 stêden en 27 plakken mei in stedsk karakter.

Grutte stêden
Stêd Namme Wapen Ynwenners Lokaasje
Jekaterineburch Екатеринбург 1.493.600 (2022)   56° 50' N 60° 35' E
Nizjni Tagil Нижний Тагил 344.656 (2021)   57° 55' N 59° 58' E
Kamensk-Oeralski Каменск-Уральский 163.990 (2021)   56° 24' N 61° 56' E
Pervo-oeralsk Первоуральск 119.365 (2021)   56° 55' N 59° 57' E
Serov Серов 95.141 (2021)   59° 35' N 60° 34' E
Novo-oeralsk Новоуральск 79.638 (2022)   57° 15' N 60° 05' E
Asbest Асбест 62.285 (2021)   57° 00' N 61° 27' E
Polevskoi Полевской 60.012 (2021)   56° 27' N 60° 11' E
Revda Ревда 60.761 (2022)   56° 48' N 59° 55' E
Verchnjaja Pysjma Верхняя Пышма 74.262 (2022)   56° 58' N 60° 35' E
Krasnotûrjinsk Краснотурьинск 55.910 (2021)   59° 46' N 60° 12' E
Berjosovski Берёзовский 60.334 (2021)   56° 54' N 60° 48' E.
Lesnoi Лесной 49.259 (2021)   58° 38' N 47° 00' E

Befolkingsferrin

bewurkje seksje
Jier 1926 1939 1959 1970 1979 1989 2002 2022
Ynwenners 1.716.000 2.511.309 4.044.416 4.319.74 4.454.508 4.706.763 4.486.214 4.264.340


Boarnen, noaten en referinsjes

bewurkje seksje
Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Swerdlowsk


 
Dielgebieten fan Ruslân

 

Republyk AdygeäAltaiBasjkortostanBoerjaasjeChakasjeDagestan • (Donjetsk) • IngûsjeesjeKabardino-BalkaarjeKalmukjeKaratsjai-TsjerkjesjeKareeljeKomi • (Krim) • (Lûhansk) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjansk • (Cherson) • IrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd • (Zaporizja)
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-Petersburch • (Sebastopol)
N.B.: de gebieten tusken heakjes wurde ynternasjonaal net erkend as diel fan Ruslân, mar as diel fan de Oekraïne