Brjansk (oblast)

De oblast Brjansk (Russysk: Брянская область; Brjanskaja oblast) is in oblast yn it súdwesten fan Ruslân. De oblast waard op 5 july 1944 oprjochte en grinzget oan de Oekraïne en Wyt-Ruslân.

Brjansk oblast

Брянская область

Map of Russia - Bryansk Oblast (2008-03).svg
flagge wapen
Flag of Bryansk Oblast.svg Coat of Arms of Bryansk Oblast.svg
sifers
soarte gebiet Oblast
ynwennertal 1.168.771 (2022)
oerflak 34.857 km²
befolkingstichtens 33,53 ynw./km²
polityk
lân Flag of Russia.svg Ruslân
Federaal Distrikt Sintraal
Ekonomyske Regio Sintraal
haadplak Brjansk
grutste plak Brjansk
taal Russysk
Etnyske groepen Russen (94,67 %), Oekraïners (1,08 %)
Wyt-Russen (0,43 %) (Stân: 2010)
oar
stifting 5 july 1944
tiidsône UTC +3
koördinaten 52° 57' N 33° 24' E
webside www.bryanskobl.ru

GeografyBewurkje

De oblast grinzget oan de oblasten Smolensk (yn it noarden), Kalûga (yn it noardeasten), Orjol (yn it easten), Koersk (yn it súdeasten) en oan de lânsgrinzen fan de Oekraïne (yn it suden) en Wyt-Ruslân (yn it westen).

 
Natoergebiet Brjanski Les (rajon Sûzemka)

De oblast leit yn de Easteuropeeske Leechflakte op de skieding fan it Desna- en Wolgabekken. De belangrykste rivier is de Desna, dy't yn 'e Dnjepr mûnet. Oare grutte rivieren binne de Bolva, Navlja, Nerûssa en Sûdost, allegear sydrivieren fan de Desna. Meiïnoar streame der 125 rivieren troch de oblast. Yn 'e oblast lizze 49 marren.

De oblast hat in soad bosk en yn de Twadde Wrâldkriich wiene dy bosken de basis fan de partisanen. Troch de kearnramp yn Tsjernobyl waard de regio slim troffen troch radioaktiviteit. De wâld- en turfbrannen yn 2010 yn Ruslân troffen ek in pear besmette gebieten yn de oblast Brjansk.

It klimaat is tuskenbeide kontinintaal. De trochsneed timperatuer yn jannewaris is -7 oant -9 ° C en yn july 18 oant 19 ° C.

Yn de oblast wurdt turf, sân, klaai, kryt, mergel en oare boumaterialen lykas fosforyt fûn.

Yn it natoergebiet Brjanski Les komt noch in lytse populaasje Europeeske bizons foar.

SkiednisBewurkje

Yn augustus 1941 besetten Dútske troepen it gebiet fan de tsjintwurdige oblast. Sûnt it begjin wie it ferset yn it gebiet tsjin de besetting foars; likernôch 60.000 partisanen fochten mei de besetter, itjinge resultearre yn de ferneatiging fan in soad doarpen, hûzen en fabriken. Nei de befrijing troch it Reade Leger yn augustus en septimber 1943 waard útein set mei restauraasje. De oblast Brjansk waard nei in rige gebietsherfoarmings yn de Sovjet-tiid lang om let op 5 july 1944 oprjochte.

EkonomyBewurkje

Masjinebou en glêsprodukje binne belangryk yn de regio, wylst de tylt fan nôt en ierappels en it hâlden fan fee belangryk yn 'e lânbou binne. Likernôch de helte fan de tige goede grûn wurdt brûkt foar de lânbou. In tredde fan it gebiet bestiet út bosk. Troch de oblast rinne twa oalje- en seis gaspiiplinen.

Bestoerlike yndieling en stêdenBewurkje

De oblast is ferdield yn 6 stedsdistrikten en 27 rajon's. De grutste stêden binne, njonken de haadstêd Brjansk, Klintsi en Novozybkov. Meiïnoar binne der 16 stêden en 24 plakken mei in stedsk karakater.

Grutste stêden
Namme Russysk Ynwenners [1] Wapen Lokaasje
Brjansk Брянск 396.343 (2022)   53° 15' N 34° 22' E
Klinzy Клинцы 62.704 (2021)   52° 45' N 32° 14' E
Novosybkov Новозыбков 39.449 (2022)   52° 32' N 31° 56' E
Djatkovo Дятьково 25.839[ (2021)   53° 36' N 34° 20' E
Unetsja Унеча 22.565 (2021)   52° 51' N 32° 41' E

Boarnen, noaten en referinsjesBewurkje

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Brjansk

  1. Ynwennertallen binne ôfkomstich fan it Russyske lemma oer it plak; oproppen 9 july 2022

 
Dielgebieten fan Ruslân

 

Republyk AdygeäAltaiBasjkortostanBoerjaasjeChakasjeDagestanIngûsjeesjeKabardino-BalkaarjeKalmukjeKaratsjai-TsjerkjesjeKareeljeKomiKrim (omstriden) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjanskIrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-PetersburchSebastopol (omstriden)