Oarenburch (oblast)

De oblast Oarenburch (Russysk: Оренбургская область, Orenboergskaja oblast) is in oblast yn Ruslân. Haadstêd fan de oblast is de stêd Oarenburch.

Oarenburch oblast
Оренбургская область
flagge wapen
polityk
soarte gebiet oblast
lân Ruslân
federaal distrikt Wolga
ekonomyske regio Oeral
haadplak Oarenburch
grutste plak Oarenburch
taal Russysk
Etnyske groepen Russen 75,9 %
Tataren 7,6%
Kazakken 6,0% (Stân 2010)
sifers
ynwennertal 1.924.578 (2022)
oerflak 123.702 km²
befolkingstichtens 15,56 ynw./km²
oar
stifting 7 desimber 1934
tiidsône UTC+5, MSK+2
koördinaten 52° 08' N 55° 36' E
webside www.orb.ru
 
Karakteristyk lânskip fan de oblast (rajon Perevolotsk)

It gebiet is 123.702 km² grut en dêrmei stiet de oblast op it 29e plak yn Ruslân wat grutte oanbelanget. De oblast leit yn it suden fan de federaasje en foar in part yn Europa en in part yn Aazje. De oblast leit oan de súdeastlike râne fan de East-Europeeske flakte en oan de súdlike punt fan de Oeral. Fan west nei east is de oblast 760 km en fan noard nei súd 445 km.

Yn it suden fan it gebiet rint de lânsgrins mei Kazachstan. Fierder grinzget de oblast oan de oblasten Samara yn it westen en Tsjeljabinsk yn it easten. Yn it noarden grinzget it gebiet oan de autonome republyk Basjkortostan en der is in koarte mienskiplike grins mei de autonome republyk Tatarstan.

It klimaat van de oblast hat in sterk kontinentaal karakter.

De belangrykste rivier is de Oeral.

Histoarysk sjoen gyng de oblast foarôf troch it gûvernemint Oarenburch, dat by dekreet fan keizerin Elizaveta Petrovna yn 1744 oprjochte waard. De oblast waard op 7 desimber 1934 troch in beslút fan it presidium fan de Boppeste Sovjet fan de USSR foarme troch it te skieden fan it Midden-Wolga-gebiet. Fan 1938 oant 1957 droech de oblast de namme Tsjkalov, nei de piloat Valeri Pavlovitsj Tsjkalov.

De befolking fan de oblast bestiet foar it measte út Russen. Njonken Russen binne der gruttere minderheden fan Tataren en Kazachen en lytsere minderheden fan Oekraïeners, Basjkieren, Mordwinen en Russyske Dútsers. De Dútsers wennen benammen yn it grinsgebiet mei Kazachstan om Sol-Iletsk hinne. in soad Dútsers binne lykwols emigrearre nei Dútslân.

Belangrike ekonomyske aktiviteiten yn de oblast binne de winning fan oalje en gas en de raffinaazje fan oalje.

Bestjoerlike yndieling en stêden

bewurkje seksje

De oblast is ûnderferdield yn 35 rajon's en 9 stedsdistrikten. It stedsdistrikt Komarovski is in saneamde sletten stêd (ZATO). Meiïnoar hat de oblast tolve stêden, dêrûnder ek de haadstêd Oarenburch. Oare grutte stêden binne Orsk, Novotroisk, Bûsûlûk en Bûgûrûslan en Komarovski.

 
Regearingsgebou yn Oarenburch
 
Gorki-teäter fan Oarenburch
Gruttere plakken
Stêd / Delsetting mei stedsk karakter* Russysk Rajon/stedsdistrikt Ynwennertal Wapen Lokaasje
Abdûlino Абдулино Abdûlino 18.420 (2021)   53° 41' N 53° 39' E
Bûgûrûslan Бугуруслан stedsdistrikt 47.714 (2021)   53° 37' N 52° 25' E
Bûzulûk Бузулук stedsdistrikt 86.042 (2021)   52° 46' N 52° 16' E
Gai Гай stedsdistrikt 33.564 (2021)   51° 28' N 58° 27' E
Jasny Ясный Jasny 15.092 (2021)   51° 02' N 59° 52' E
Komarovski* Комаровский stedsdistrikt (ZATO) 7.162 (2021)   51° 02' N 59° 52' E
Kûvandyk Кувандык Kuwandyk 23.225 (2022)   51° 29' N 57° 21' E
Mednogorsk Медногорск stedsdistrikt 24.321 (2022)   51° 25' N 57° 35' E
Novotroitsk Новотроицк stedsdistrikt 82.463 (2021)   51° 12' N 58° 19' E
Oarenburch Оренбург stedsdistrikt 572.308 (2022)   51° 46' N 55° 06' E
Orsk Орск stedsdistrikt 224.814 (2021)   51° 12' N 58° 37' E
Sol-Ilezk Соль-Илецк Sol-Ilezk 26.655 (2021)   51° 10' N 54° 59' E
Sorotjinsk Сорочинск stedsdistrikt 26.980 (2021)   52° 26' N 53° 09' E
  • Ynwennertallen binne ôfkomstich fan it Russysktalige lemma, oproppen op 11 augustus 2022

Befolkingsferrin

bewurkje seksje
Jier 1897 1928 1939 1959 1970 1979 1992 2002 2009 2022
Ynwenners 1.600.145 813.100 1.675.000 1.829.481 2.049.976 2.088.553 2.168.257 2.179.551 2.111.531 1.924.578

Boarnen, noaten en referinsjes

bewurkje seksje
Boarnen, noaten en/as referinsjes:
  • Ynwennertallen binne ôfkomstich fan it Russysktalige lemma, oproppen op 12 augustus 2022

 
Dielgebieten fan Ruslân

 

Republyk AdygeäAltaiBasjkortostanBoerjaasjeChakasjeDagestan • (Donjetsk) • IngûsjeesjeKabardino-BalkaarjeKalmukjeKaratsjai-TsjerkjesjeKareeljeKomi • (Krim) • (Lûhansk) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjansk • (Cherson) • IrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd • (Zaporizja)
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-Petersburch • (Sebastopol)
N.B.: de gebieten tusken heakjes wurde ynternasjonaal net erkend as diel fan Ruslân, mar as diel fan de Oekraïne