Koerherne

Koerherne (Nederlânsk en offisjeel: Kornhorn) is in doarp mei 550 ynwenners (2008) yn de gemeente Westerkertier yn Grinslân.

Koerherne Kornhorn
Tsjerke oan de Provinsjalewei yn Kornhorn (2012)
Bestjoer
Lân	Nederlân
Provinsje	Grinslân
Gemeente	Westerkertier
Sifers
Ynwennertal	490 (2023)
Oerflak	0,49 km² dêrfan lân: 0,49 km² dêrfan wetter: 0 km²
Oar
Postkoade	9864
Tiidsône	UTC +1
Simmertiid	UTC +2
Koördinaten
Curringherveld (2012)
Kaart

It doarp Koerherne waard eartiids altyd ta Doezum rekkene. Yn 1596 waard it Curringehorne neamd. Earst yn 1930, 1 jannewaris, waard it doarp as selsstannich beskôge en hoechde it net langer as gat ûnder de jurisprudinsje fan Doezum te bestean.

Foarsjennings

Koerherne stiet benammen bekend om syn moaie gea. De saneamde 'Heakiep' lûkt yn de fakânsje in soad folk. Fan it natoergebiet der omhinne wurdt in soad gebrûk makke. De skoalle, 'Maranatha', brûkt it gebiet sels as leslokaal. Dêr wurde lessen biology ôfnomd. Hjirtroch wurdt de skoalle ta ien fan de 'grienste skoallen' fan Nederlân rekkene.

Yndustry en niverheid

Koerherne hat gjin yndustryterrein, mar der is wol in soad hannel. De bekendste ûndernimming is plomfeeslachterij Storteboom; it âlde famyljebedriuw slachtet hinnen.
By smidterij De Wit wurdt sûnt 1898 ark makke, it tún- en wegenbou-ark wurdt tradisjoneel smeid. It ark wurdt wrâldwiid ferkocht.

Kultuer

Yn Koerherne wurdt mear as ien taal sprutsen: Westerkertiersk, Frysk, Nederlânsk (de lêste letters fan tiidwurden faak ynslokt) of gewoan it Standertnederlânsk. Yn de wykeinen is doarpshûs it 'Hornhuus' iepen.

Yn de jierlikse feestwike is der yn Koerherne in Solexrace op sneon. Fierders is der yn dy wike it 'plysje wielergala', dêr't plysjekorpsen út ferskate lannen it op de reesfyts tsjin elkoar opnimme om de 'Kor Dijkstra-bokaal'. Ek de galajûn fan de oare deis lûkt altyd in soad folk. Der steane trije tsjerken yn it doarp.

Bekende (âld-)ynwenners Koerherne

• Jeroen Trommel (follyballer)
• Eije Wijkstra, 1895-1941 (moardner fan 4 fjildwachters)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Koeherne fan Wikimedia Commons.