Nijesyl (Grinslân)

Nijesyl (Grinslânsk: Nijziel; Nederlânsk: Niezijl), eartiids Bomstersyl, is in doarp yn de gemeente Westerkerrtier yn de Nederlânske provinsje Grinslân. It doarp leit oan de N355 tusken Grypskerk en Súdhorn en hat goed 400 ynwenners. Troch it doarp rinne twa kanalen: it Nijesylsterdjip en it Hoeredjip. Fiif brêgen ferbine de doarpsdielen mei inoar.

Nijesyl Niezijl
Herfoarme tsjerke (Nijesyl) (2010)
Bestjoer
Lân	Nederlân
Provinsje	Grinslân
Gemeente	Westerkertier
Sifers
Ynwennertal	435 (2023)
Oerflak	0,34 km² dêrfan lân: 0,33 km² dêrfan wetter: 0,01 km²
Oar
Ferkearsieren	N355
Postkoade	9842
Tiidsône	UTC +1
Simmertiid	UTC +2
Koördinaten
Kaart

Skiednis

De namme fan it doarp ferwiist nei de nije syl (= slús). Eartiids lei westlik fan it hjoeddeiske doarp in seeslús, de Bomstersyl. De slús joech mei de Sint-Elisabethsfloed fan 1421 net genôch feiligens, mar it duorre dochs noch in goede iuw ear't in nije slús (Nijesyl) boud waard.

Mei de bou fan de slús waard ek it Nijsylsterdjip groeven om it ôfwetterjen de ferbetterjen. Yn de Tachtichjierrige Kriich wie de Bomsterskâns by Nijesyl in skoft it iennige bolwurk fan de steatske troepen yn Grinslân. Ferskillende Spaanske oanfallen om de skâns te oermasterjen mislearren.

Súdlik fan it doarp, krekt noch yn it doarpsgebiet fan Noardhorn, stiet oant it Van Starkenborghkanaal staat de weropboude Zwakkenburgermole.

Foarsjennings

Fan de trije tsjerken, dy't it doarp hie, is der gjin ien mear yn gebrûk. De herfoarme tsjerke is yn 1999 oerdroegen oan de Stifting Alde Grinslânske Tsjerken. De grifformeard-frijmakke tsjerke waard yn 2009 sletten, nei't de gemeente tegearre gyng mei de frijmakke tsjerke fan Grypskerk. De grifformearde tsjerke waard as lêste yn 2016 ôfstjitten.

Oant 1996 hie it doarp in kristlike basisskoalle. Doe't it learlingental ûnder de wetlike noarm fan 52 sakke fusearre de skoalle mei De Regenboog yn Grypskerk. De supermerk fan it doarp moast yn 2006 de doarren slute.

Gallery

• 
  Grifformearde tsjerke (2010)
• 
  Grifformeard-frijmakke tsjerke (2010)
• 
  Kommersylsterdjip (2010)
• 
  Hoeredjip (2010)

Sjoch ek

• Herfoarme tsjerke (Nijesyl)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Nijesyl fan Wikimedia Commons.