Nimwegen

Gemeente Nimwegen        (Flagge fan Nimwegen) (Wapen fan Nimwegen)
Provinsje	Gelderlân
Boargemaster	Hubert Bruls (CDA)
Haadplak	Nimwegen
Oerflak - wetter	57,60 km² -  3,98 km²
Ynwenners	168.840
Ferkearsieren	A15, A73, E31, A325, A326, N324, N325, N326, N842, N844, N844, RW783, RW783, s100
Netnûmer	024
Postkoades	6500-6546, 6663
Offisjeel webstee	www.nijmegen.nl

Sicht op Nimwegen

Nimwegen hat bot te lijen hân fan de Twadde Wrâldoarloch

Panorama mei Nimwegen fierderop.

Nimwegen of Nymwegen (Nederlânsk en offisjeel Nijmegen) is in stêd en gemeente yn de Nederlânske provinsje Gelderlân, mei op 1 juny 2005 158.490 ynwenners. De stêd leit oan de Waal en oan it Maas-Waalkanaal.

Skiednis

Nimwegen is in âlde stêd, de âldste stêd fan Nederlân. Om it begjin fan de jiertelling krige de stêd merkrjochten. Om it jier 102 krige Nimwegen stedsrjochten fan keizer Trajanus. De stêd waard yn de Romeinske tiid Ulpia Noviomagus Batavorum (of Noviomagus) neamd.

Om 800 boude keizer Karel de Grutte in palts yn Nimwegen. Letter boude Frederik Barbarossa op dat plak in kastiel, dat oant 1796 stean bleaun is. Tsjintwurdich binne der noch twa kapellen fan oer.

Yn 1230 waard Nimwegen yn ryksstêd en krige deselde rjochten as Aken. Yn 'e Midsiuwen wie Nimwegen in rike stêd troch de handel. Dêr kaam in ein oan yn de 16e iuw. De stêd waard Spaansk yn 1585 en waard in 1595 troch Maurits fan Oranje ynnaam. Nimwegen wie in protestantske stêd; fan de 18e iuw ôf waard de ynfloed fan it katolisisme wer grutter troch de ferhuzing fan de befolking fan it lân nei de stêd.

Yn 1923 waard in katolike universiteit stifte, de Radboud Universiteit Nimwegen. Op 22 febrewaris 1944 waard Nimwegen by fersin bombardearre troch de Alliearden.

Keppeling om utens

• Webstee fan de gemeente Nimwegen