Niebert

(Trochferwiisd fan Nybert)

Niebert (Grinslânsk: Nijbert) is in doarp yn de gemeente Westerkertier yn de provinsje Grinslân (Nederlân).

Tsjerke fan Niebert

It doarp leit bewesten Tolbert. Beide plakken hawwe in soad mei-elkoar te meitsjen. Niebert is feitlik de nije buorren (nie = nij, bert = buorren) fan Tolbert (tol = t' ol = d' âlde).
Niebert leit op in sânrêch dy't troch it súdlik part fan it Westerkertier rint. Dy sânrêch hjit Fredewold.

Niebert leit mids it karakteristike kûlisselânskip fan it súdlik Westerkertier. Tichteby it doarp leit de iennichst oerbleaune stienhûs fan Grinslân, it Iwema-Stienhûs (14e/15e iuw). De seiskante Nieberter mole stamt út 1899.