Teatse Holtrop

Teatse Eeltsje Holtrop, ek wol Teerdze Eeltje Holtrop (Drylts, 27 desimber 1865 - dêre, 11 novimber 1925) wie in Frysk ûnderwizer, skriuwer en oersetter.

Teatse Holtrop
skriuwer
Teatse Holtrop yn 1901
persoanlike bysûnderheden
oar pseudonym	Teerdze Eeltje Holtrop
echte namme	Teatse Eeltsje Holtrop
nasjonaliteit	Nederlânsk
berne	27 desimber 1865
berteplak	Drylts (Fryslân)
stoarn	11 novimber 1925
stjerplak	Drylts (Fryslân)
etnisiteit	Frysk
wurk
taal	Frysk
sjenre	lit. romans & koarte ferhalen foardrachten, poëzij, toaniel, oersettings
bekendste   wurk(en)	De Wylde Boerinne Hamlet (fert.)
jierren aktyf	±1890 – 1925
offisjele webside
n.f.t.

Libben en karriêre

Holtrop hie in iensum, ûnmaatskiplik en troch dranksucht teistere libben. Hy wie in folksskriuwer mei satiryske trekjes en krige bekendheid troch syn novelle De Wylde Boerinne (1915), wêrfan't de bekroande Nederlânske oersetting yn De Gids fan jannewaris 1925 ferskynde. Treflik binne syn Shakespeare-oersettings Hamlet (1925) en Julius Caesar (1928). Fierders skreau er, foar in part ûnder de skûlnamme Gerben Goasses, foardrachten, puntdichten en inkele toanielstikken, mei dêrûnder In Faam mei Fjouwer Frijers (1913). In blomlêzing út syn wurk waard yn 1946 publisearre ûnder de titel Ynbannich Forwar, fersoarge en ynlaat troch Jan Tjittes Piebenga.

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, Holtrop, Teerdze Eeltsje. Schroor, Meindert (haadred.), Nieuwe Encyclopedie van Fryslân, De Gordyk/Ljouwert, 2016 (Utjouwerij Bornmeer/Tresoar), ISBN 978-9 05 6153 755, s. 1264.