Sebulba is in fiktyf personaazje fan minder belang út 'e Star Wars-franchise fan 'e Amerikaanske filmmakker George Lucas. Hy is in Dug fan 'e planeet Malastare en in koereur dy't dielnimt oan in race troch de woastyn op 'e planeet Tatooine. Sebulba waard yntrodusearre yn 'e film Star Wars: Episode I – The Phantom Menace (1999). Hy wie folslein it resultaat fan fisuele effekten; syn dialooch waard ynsprutsen troch stimakteur Lewis MacLeod.

Sebulba
personaazje út Star Wars
persoanlike bysûnderheden
sekse manlik
soarte personaazje Dug
nasjonaliteit Galaktysk
berop/amt koereur
oare ynformaasje
besibbe
  personaazjes
Anakin Skywalker
Watto
geastlike heit George Lucas
ûntstean 1999

Fiktive biografy bewurkje seksje

Sebulba is in Dug, dy't berne is op Malastare, de thúswrâld fan 'e Dugs. Hy wie ienris in slaaf, mar wist syn frijheid te winnen troch syn talinten as koereur. Sebulba is tige arrogant en kompetatyf, en skrillet net tebek foar falskspyljen as er dêrmei in race winne kin. Dêrom hat er syn podracer foarsjoen fan in ferskaat oan yllegaal wapenreau dat er brûkt om tsjinstanners dy't er oars net de baas kinne soe, lytsman te meitsjen. (Sa sit der yn syn loftermotor bgl. in flammewerper ynboud.)

Yn Star Wars: Episode I – The Phantom Menace nimt Sebulba diel oan 'e Boontajûnklassiker, in race troch de woastyn fan 'e planeet Tatooine, dêr't er de ferwachte winner is. Hy bewissiget him fan syn kânsen op 'e oerwinning troch al ier yn race in oare dielnimmer, Mawhonic, út te skeakeljen en neitiid noch ferskate oare koereurs dy't driigje de lieding fan it fjild fan him oer te nimmen.

Ien fan 'e oare koereurs is de njoggenjierrige minsklik slavejonge Anakin Skywalker. Dyselde giet troch sabotaazje fan Sebulba mar dreech fan start en kriget, op 'e nij troch Sebulba syn tadwaan, oan 'e ein fan 'e twadde omgong suver in deadlik ûngemak. Mar syn wetterflugge, troch de Krêft ûnderstipe refleksen rêde him. Anakin komt werom, en Sebulba en hy stride om it earste plak oant Sebulba mei syn cockpit te ticht by de motors fan 'e podracer fan Anakin komt en delstoart. Dat klearret it paad foar it winnen troch Anakin fan 'e Boontajûnklassiker, wêrmei't er tagelyk syn frijheid wint.

Om't er yn it mulle sân fan 'e woastyn delkomt, oerlibbet Sebulba it delstoarten fan syn podracer. Hy giet neitiid troch mei racen oant de Kloane-oarloggen al lang en breed úteinset binne. Dêrnei jout er it podracen deroan en set er útein mei in nije karriêre yn it 'kriichsracen', in noch ekstremere sport.

Keppelings om utens bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

 
personaazjes út Star Wars
 yntrodusearre yn A New Hope Raymus Antilles • Wedge Antilles • C-3PO • Chewbacca • Biggs Darklighter • Jan Dodonna • Obi-Wan Kenobi • Beru Lars • Owen Lars • prinsesse Leia Organa • R2-D2 • Luke Skywalker • Han Solo • Wilhuff Tarkin • Darth Vader
 yntrodusearre yn The Empire Strikes Back  Lando Calrissian • Boba Fett • keizer Palpatine • Firmus Piett • Yoda
 yntrodusearre yn Return of the Jedi Gial Ackbar • Bib Fortuna • Jabba de Hutt • Mon Mothma • Anakin Skywalker • Wicket
 yntrodusearre yn The Phantom Menace Saché Adova • Mas Amedda • Eirtaé Ballory • Sio Bibble • Depa Billaba • Jar Jar Binks • Adi Gallia • Nute Gunray • Qui-Gon Jinn • Ki-Adi-Mundi • Eeth Koth • Plo Koon • Darth Maul • Rugor Nass • Padmé Amidala • Quarsh Panaka • Even Piell • Yarael Poof • Oppo Rancisis • Sabé • Sebulba • Shmi Skywalker • Darth Sidious • Aurra Sing • Roos Tarpals • Saesee Tiin • Rabé Tonsort • Finis Valorum • Watto • Mace Windu • Yaddle
 yntrodusearre yn Attack of the Clones greve Dooku • Jango Fett • Kit Fisto • Agen Kolar • Cliegg Lars • Bail Organa • Poggle de Mindere • Aayla Secura • Shaak Ti • Darth Tyranus • Luminara Unduli
 yntrodusearre yn Revenge of the Sith Stass Allie • generaal Grievous
 yntrodusearre yn The Force Awakens BB-8 • Kaydel Ko Connix • Poe Dameron • Finn • Armitage Hux • Maz Kanata • kaptein Phasma • Kylo Ren • Rey • Snoke
 yntrodusearre yn The Last Jedi  Larma D'Acy • DJ • Amilyn Holdo • Rose Tico
 yntrodusearre yn The Rise of Skywalker Zorii Bliss • D-O • Jannah • Enric Pryde • Ben Solo
 yntrodusearre yn The Clone Wars (film) Ahsoka Tano • Asajj Ventress • Ziro de Hutt
 yntrodusearre yn Rogue One Cassian Andor • Galen Erso • Jyn Erso • Saw Gerrera • Chirrut Îmwe • K-2SO • Orson Krennic • Baze Malbus • Raddus • Bodhi Rook
 yntrodusearre yn Solo Tobias Beckett • L3-37 • Enfys Nest • Qi'ra • Dryden Vos
 yntrodusearre yn oare media  Ezra Bridger • Din Djarin • Grogu • Kanan Jarrus • Bo-Katan Kryze • Satine Kryze • de Mandaloriaan • Savage Opress • Fennec Shand • Sifo-Dyas • Hera Syndulla • Sabine Wren • Kazuda Xiono