Dantumadiel

Dantumadiel
	; Wapen fan Dantumadiel
polityk
lân	Nederlân
provinsje	Fryslân
boargemaster	Klaas Agricola (ûnôfhinklik)
sifers en geografy
haadplak	Damwâld
grutste plak	Damwâld
ynwennertal	19.132 ((1 jannewaris 2024))
befolkingstichtens	221,7 / km²
oerflak	87,53 km²
● wêrfan lân	85,41 km²
● wêrfan wetter	2,12 km²
tal doarpen	11
ferkearsieren	N356
skiednis
oprjochte	1851
oant 1851	Gritenij Dantumadiel
oar
netnûmer	0511
postkoade	9104–9114, 9269–9271
tiidsône	UTC +1
simmertiid	UTC +2
webside	www.dantumadiel.frl

Dantumadiel (offisjeel Frysk; Nederlânsk: Dantumadeel) is in gemeente yn it noardeasten fan Fryslân, krekt súdlik fan Dokkum, mei 18.896 ynwenners (30 april 2017), en in oerflak fan 87,53 km², wêrfan 2,12 km² wetter. De gemeente hat 19.132 ynwenners (1 jannewaris 2024, boarne: CBS).

Haadplak fan de gemeente is Damwâld, en de oare plakken yn de gemeente binne: Broeksterwâld, Driezum, De Falom, Feanwâlden, Feanwâldsterwâl, Rinsumageast, Readtsjerk, Sibrandahûs, Wâlterswâld en De Westereen. De gemeente brûkt Fryske plaknammen en ek alle strjit- en wetternammen binne Frysktalich.

Skiednis

Dantumadiel, Donthmadeil, wie yn it ferline in grutter gebiet as no. Om 1200 hinne wie it in part fan Wininge, en doe dat om 1250 hinne opsplitte wie Dantumadiel part fan de Noardlike Njoggen. Likernôch 1350 waard lykwols it eastlik part ôfskieden, en opdield ta Eastbroeksterlân en Kollumerlân. Yn 1389 waard ek Driezum in gebiet apart, mar yn 1404 waard it wer by Dantumadiel foege.

De gritenij Dantumadiel waard yn 1851 in gemeente nei de ynfiering yn Nederlân fan de gemeentewet fan Thorbecke. Dokkum hat yn de 20e iuw ferskate kearen grûngebiet fan Dantumadiel derby krigen en mei de gemeentlike weryndieling fan 1984 giene it doarp Jannum en in lyts diel fan Burdaard dat yn Dantumadiel lei, oer nei de gemeente Ferwerderadiel.

Yn 2016 en begjin 2017 liek it derop dat Dantumadiel op 1 jannewaris 2019 mei Dongeradiel, Ferwerderadiel en Kollumerlân fúzjearje soe ta de nije gemeente Noardeast-Fryslân, mar yn maart en april 2017 waard dúdlik dat Dantumadiel him út dy plannen weromlûke soe, en dat de oare trije gemeenten sûnder Dantumadiel trochgean soene mei de fúzjeplannen.

Sadwaande bleau Dantumadiel ek nei 1 jannewaris 2019 selsstannich, mar sûnder eigen amtlike organisaasje. De gemeente behold in gemeenteried, in eigen kolleezje fan boargemaster en wethâlders en in eigen gemeentesekretaris, mar makke fierders gebrûk fan 'e amtners fan Noardeast-Fryslân.^[2] Dat wie foar net ien fan beide gemeenten in befredigjende sitewaasje. Dantumadiel woe mear sels beslisse en Noardeast-Fryslân ûnderfûn de soarch foar Dantumadiel as in bongel oan 'e foet.^[2] Yn 2020 rûn de gearwurking troch argewaasje yn Dantumadiel hast op 'e non, mar it spul waard delbêde troch foar dy gemeente binnen it amtlik apparaat fan Noardeast-Fryslân in fêst team amtners gear te stallen.^[2]

Ynstee dat soks de gearwurking flot loek, smiet it nije swierrichheden op. Yn Dantumadiel befoel it dusdanich goed, dat men útwreiding fan it team hawwe woe. Yn Noardeast-Fryslân soarge it foar in wy-sy-tsjinstelling binnen de eigen amtnerij dêr't men net bliid mei wie.^[2] Der waard in ûnôfhinklik ûndersyk útfierd troch Advysburo Van de Laar út Eindhoven, dat konkludearre dat Dantumadiel de eigen groeiende ambysjes nei ûnderen bystelle moat en dat Noardeast-Fryslân fleksibeler omgean moat mei de gearwurking.^[2] Foar beide gemeenten wie dat in brêge te fier. Ynstee waard besletten in punt te setten efter de gearwurking: nei in twajierrige oergongsperioade hat Dantumadiel fan 1 jannewaris 2024 ôf wer in eigen amtnerij.^[2]

Haadplak

Op 10 desimber 1999 is yn Damwâld it nije gemeentehús iepene, wêrtroch Damwâld as grutste plak ek wer it haadplak fan de gemeente is. Yn it begjin fan de gemeenteskiednis wie Rinsumageast lange tiid it wichtichste plak fan de gemeente. De gritenijbestjoerders kamen gear yn 'It Rjochthús'. Yn 1881 waard op de krúshoeke yn Moarrewâld in nij gemeentehús boud. Oant en mei 1970 is it gemeentehús hjir bleaun. Dêrnei is it ferhuze nei Rinsma State yn Driezum. Omreden dat Rinsma State te lyts waard en men it gemeentehús ek leaver wer op in sintraal plak hawwe woe is efter it âld gemeentehús yn Moarrewâld, no part fan Damwâld, in nij gebou delsetten.

Wapens en flaggen

Polityk

Ferdieling gemeenteried

De gemeenteried fan Dantumadiel bestiet út 17 sitten. De útslagen fan de gemeenteriedsferkiezings binne sûnt 2018:

Partij	ferkiezings 2018^[3]		ferkiezings 2022^[4]
Partij	%	sitten	%	sitten
CDA	29,4	5	22,8	4
Gemeentebelangen	18,3	3	14,8	3
SocLinks	17,2	3	18,9	3
KristenUny	15,3	3	15,1	3
FNP	7,2	1	9,5	2
SGP	8,8	1	7,2	1
VVD	5,2	1	3,0	0
BVNL	0	0	7	1
ûnjildich & blanko	0,3		0,2
opkomst/totaal sitten	56,2%	17	56,2%	17

Befolkingsferrin

Jier	1714	1796	1848	1900	1939	1954	1969	1974	2003	2011	2014	2021
Ynwenners	2794	3965	7000	10000	14226	15295	15918	17127	19687	19310	19030	18943

Bekende Nederlanners út Dantumadiel

Sipke Jan Bousema (1976), telefyzjepresintator
Tineke Huizinga (1960), politika, steatssekretaris fan Ferkear en Wettersteat
Piet Jongeling (1909-1985), sjoernalist, fersetsstrider, politikus en berneboekeskriuwer
Theun de Vries (1907-2005), skriuwer
Syb van der Ploeg (1966), musikus en komponist
Tsead Bruinja (1974), dichter
Piet Oberman (1908-1972), ferneamd Frysk fersetman en lieder fan 'e oerfal op 'e Ljouwerter finzenis
Ype Poortinga (1910-1985), skriuwer
Theo Pijper (1980), gersbaanracer
Worp fan Thabor (14??-1538), skriuwer
Klaas van der Woude (1954), komponist/dirigint
Syds Scheltes Tjaerda (14??-1546), edelman/grytman
Arie Aalberts (1952), boargemaster fan De Fryske Marren
Fokke Sierksma (1917-1977), teoloog
Maurits Pico Diederik van Sytzama (1789-1848) politikus en bestjoerder
Jannes van der Wal (1956-1996), dammer
Meindert Koolstra (1917-1944), geheim agint

Sjoch ek

Keppeling om utens

Webstee fan de gemeente

Boarnen, noaten en referinsjes

Boarnen, noaten en/as referinsjes:

↑ Alle Cijfers
↑ ^2,0 ^2,1 ^2,2 ^2,3 ^2,4 ^2,5 Fierant, Tim, Dokkum wijst Damwâld de deur, yn: de Ljouwerter Krante, 18 novimber 2021, s. 23.
↑ Utslaggen Ljouwerter Krante, 18 maart 2022
↑ Utslaggen Ljouwerter Krante, 18 maart 2022

Wikimedia Commons

Ofbylden dy't by dit ûnderwerp hearre, binne te finen yn de kategory Dantumadiel fan Wikimedia Commons.

Provinsje Fryslân
hjoeddeistige gemeenten
Achtkarspelen • It Amelân • Dantumadiel • Eaststellingwerf • Flylân • De Fryske Marren • Harns • It Hearrenfean • Ljouwert • Noardeast-Fryslân • Opsterlân • Skiermûntseach • Skylge • Smellingerlân • Súdwest-Fryslân • Tytsjerksteradiel • De Waadhoeke • Weststellingwerf
eardere gemeenten
Aenjewier (1851–1934) • Baarderadiel (1851–1984) • Barradiel (1851–1984) • It Bilt (1851–2018) • Boalsert (1455–2011) • Boarnsterhim (1984–2014) • Doanjewerstâl (1851–1984) • Dokkum (1298–1984) • Dongeradiel (1984–2019) • Drylts (1268–1984) • East-Dongeradiel (1851–1984) • Ferwerderadiel (1851–2019) • Frjentsjer (1374–1984) • (âld) Frjentsjerteradiel (1851–1984) • (nij) Frjentsjerteradiel (1984–2018) • Gaasterlân (1851–1984) • Gaasterlân-Sleat (1984–2014) • Haskerlân (1851–1984) • Hylpen (1372–1984) • Himmelumer Aldefurd (1851–1984) • Hinnaarderadiel (1851–1984) • Idaerderadiel (1851–1984) • Kollumerlân (1851–2019) • Lemsterlân (1851–2014) • Littenseradiel (1984–2018) • Ljouwerteradiel (1851–2018) • Menameradiel (1851–2018) • Nijefurd (1984–2011) • Raerderhim (1851–1984) • Skarsterlân (1984–2014) • Skoatterlân (1851–1934) • Sleat (1426–1984) • Snits (1292–2011) • Starum (1061–1984) • Utingeradiel (1851–1984) • Warkum (1399–1984) • West-Dongeradiel (1851–1984) • (âld) Wymbritseradiel (1851–1984) • (nij) Wymbritseradiel (1984–2011) • Wûnseradiel (1851–1984)
· ·

	Dantumadiel
Doarpen en útbuorrens: Broeksterwâld • Damwâld • Driezum • De Falom • Feanwâlden • Feanwâldsterwâl (foar in part) • Rinsumageast • Readtsjerk • Sibrandahûs • Wâlterswâld • De Westereen
Buorskippen: Kûkherne (foar in part) • Eastwâld
Eardere doarpen: Dantumawâld • Ikkerwâld • Moarrewâld
· ·

[1] Alle Cijfers

[wijstdedeur-2] 2,0 ^2,1 ^2,2 ^2,3 ^2,4 ^2,5 Fierant, Tim, Dokkum wijst Damwâld de deur, yn: de Ljouwerter Krante, 18 novimber 2021, s. 23.

[3] Utslaggen Ljouwerter Krante, 18 maart 2022

[4] Utslaggen Ljouwerter Krante, 18 maart 2022

[1]

[2]

[3]

[4]