Kolderwâlde
Kolderwâlde is in doarp yn de gemeente De Fryske Marren, súdeast fan de Oarden. It is it lytste doarp yn de gemeente, mei 45 ynwenners (1 jannewaris 2023).
| Kolderwâlde | ||
| ||
| It byld Sietske yn Kolderwâlde | ||
| Polityk | ||
| provinsje |  Fryslân
| |
| gemeente |  De Fryske Marren
| |
| Sifers | ||
| Ynwennertal | 45 (1 jannewaris 2023)[1] | |
| Oar | ||
| Postkoade | 8583 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 54' NB, 5° 30' EL | |
| Offisjele webside | ||
| Webste Aldegea-Kolderwâlde | ||
| Kaart | ||
  | ||
| Kaart | ||
| ||
| Himrik fan Kolderwâlde yn de eardere gemeente Gaasterlân-Sleat | ||
Geografy bewurkje seksje
Kolderwâlde is ien fan de fjouwer doarpen fan de streek Noardwâlde, dêr’t de oarspronklike gritenijnamme Himmelumer Aldefurd en Noardwâlde op wiisde. De hiele streek waard yn 1984 by Gaasterlân-Sleat yndield.
Kolderwâlde is it súdlikste doarp fan de Noardwâlder rige. It leit net sa fier ôf fan De Oarden en de Holken, de súdlike útrinners fan de Fluezen. Der is amper sprake west fan komfoarming, yn it noardwesten leit in buertsje fan noch gjin tsien ienfâldige huzen. It doarp bestiet fierder út ferspraat steande, soms monumintale boerepleatsen. Yn de berm steane by de bushalte in rige brûnzen byldsjes op sokkels. It is it wurk fan de yn de buert wenjende Evert van Hemert, dy't de bylderige ‘De famkes fan Kolderwolde’ neamd hat. Sa út en troch komt der in byldsje by, fan de Woudbrug oan de Bokkeleane ta.
Namme bewurkje seksje
De namme kin ferklearre wurde as de Koudumer wâlde (sompe), lyk as de buert Kolderwiske noardlik fan it doarp lei.
Skiednis bewurkje seksje
It tinbefolke streekdoarp leit yn it suden fan in leechlizzend gebiet. Ea wie it hjir in boskeftich gebiet. Troch de feanterij tusken 1830 en 1860 lizze stikken lân bytiden in meter leger as de omlizzende stikken. De polders fan no jouwe in rom útsjoch. Nei't it lân yn 1835 bedike waard, koe der turf wûn wurde yn de Grutte Noardwâlder Feanpolder. Op de gritenijkaart yn de atlas fan Eekhoff is te sjen dat de feanterijen al folop oan 'e gong wiene. Op deselde kaart stiet oan it súdwestlike begjin fan de streek it eardere tsjerkhôf fan Kolderwâlde yntekene. Dêr hat oant 1840 in tsjerke sûnder toer stien. No is op dat plak allinne in boskje kaphout te finen.
Keunst bewurkje seksje
Oan de Oardenwei dy't troch it doarp rint, steane bylden fan de pleatslike keunstner Evert van Hemert.
-
Venus van Kolderwolde met poes -
Famke op’e bolle -
Verleiding -
Europa
.jpg)
Mienskip bewurkje seksje
Befolking bewurkje seksje
| 1840 | 1954 | 1959 | 1964 | 1969 | 1973 | 2004 | 2013 | 2023 |
|---|---|---|---|---|---|---|---|---|
| 51 | 80 | 77 | 82 | 87 | 85 | 70 | 60 | 40 |
(Boarnen: 1840: Plaatsengids, 2013 en 2023: Alle Cijfers.)
Sport bewurkje seksje
Kolderwâlde hat mei de doarpen Aldegea en Ealahuzen in fuotbalferiening, SF De Wâlde. dy't yn Aldegea fêstige is.
Strjitten bewurkje seksje
Feanenwei, Oardenwei, Ritlânswei.
| Boarnen, noaten en/as referinsjes: |
