Haadmenu iepenje
Harich
Himrik fan Harich
gemeente De Fryske Marren
Gritenij Gaasterlân
Stimmen 56
Ynwenners (2012) 490
Huzen
Koördinaten 52° 54' NB, 5° 33' EL
Netnûmer 0514
Postkoade 8571
Webstee


Tsjerke fan Harich
De Wite Skuorre

Harich is in Frysk doarp yn 'e Súdwesthoeke en de gemeente De Fryske Marren. It leit noardwestlik fan Balk. Oant de gemeentlike weryndieling fan 2014 hearde Harich ta de gemeente Gaasterlân-Sleat, en foar de weryndieling fan 1984 makke it ûnderdiel út fan 'e gemeente Gaasterlân. Op 1 jannewaris 2012 hie Harich 490 ynwenners.

SkiednisBewurkje

Harich wie eartiids it bestjoerlik sintrum fan Gaasterlân. De mitsele toer yn de buorren is út de 12e iuw. De tsjerke is fan 1663. Boppe de doar fan it tsjerke sit in stien dy't ferwiist nei it ynstoarten fan'e tsjerke troch in stoarm yn 1662. Oan beide kanten fan de stien stiet in earn mei in iketûke yn'e snaffel en it wapen fan Harichster Dr. Johannes Scheltinga. De Wyldemerk besuden it doarp wie eartiids in bekend merkeplak. Yn de fyftiger en sechtiger jierren wie by it doarp in ambonezekamp.

Harich is fan âlds in boeredoarp dat ûntstie oan de âlde trochgeande wei fan Koudum nei Wâldsein. De wei rint op de râne fan it Gaasterlânske sân wêrtroch der hichteferskil is tusken de noard- en súdkant. De namme komt ek foar as Harg(h), Horch, Haerych en Harig, en is ôflaat fan it Germaanske Harag, dat timpel betsjut en wiisd op in âlde heidensk kultusplak by de Friezen.

Harich bestie earst út fjouwer dielen: de Westerein, de Frisbuorren, de Tsjerkebuorren en de Lorbuorren. It doarp hie earder in eigen gersdrûgerij.

MienskipBewurkje

Doarpshûs Ons Gebouw sit yn de âlde skoalle oan de Stinsenwei. Men wenne earder 'op Harich'.

Sûnt 2005 wurdt it Konkoers Hippyk Riis op it terrein fan 'e Maneezje Gaasterlân holden, dat yn 'e himrik fan Harich leit.

BefolkingBewurkje

FerieningsBewurkje

StrjittenBewurkje

Bokkeleane, Frisbuorren, Harichsterdyk, Hillemastate, Houtdyk, It Heech, Keamerlânswei, Lorbuorren, Lykwei, Minnemastate, Stinsenwei, Trophernsterwei, Tsjerkepaad, Van der Feltzstrjitte, Warrensterwei, Welgelegen, Westerein, Wyldemerkwei.

Sjoch ekBewurkje