Harich is in doarp yn 'e Súdwesthoeke en de gemeente De Fryske Marren. It leit noardwestlik tsjin Balk oan. De buorskippen De Bels, Frisbuorren en Westerein-Harich. De Harichsterbosk, part fan de gaasterlânske bosken leit súdlik fan it doarp.

Harich
It doarpsintrum mei de tsjerke fan Harich
It doarpsintrum mei de tsjerke fan Harich
Polityk
Provinsje Fryslân
Gemeente De Fryske Marren
Sifers
Ynwennertal 490 (1 jannewaris 2023)[1]
Oar
Ferkearsieren N359 N928
Postkoade 8571
Tiidsône UTC +1
Simmertiid UTC +2
Koördinaten 52° 43' N 5° 34' E
Offisjele webside
www.harich.nl/
Kaart
Harich (Fryslân)
Harich
Kaart
It doarpsintrum mei de tsjerke fan Harich
Himrik fan Harich yn de eartiidske gemeente Gaasterlân-Sleat

Harich hat 490 ynwenners (1 jannewaris 2023).[2]

Skiednis bewurkje seksje

Harich is fan âlds in boeredoarp dat ûntstie oan de âlde trochgeande wei fan Koudum nei Wâldsein. De wei rint op de râne fan it Gaasterlânske sân wêrtroch't der hichteferskil is tusken de noard- en súdkant. De namme komt ek foar as Harg(h), Horch, Haerych en Harig, en is ôflaat fan it Germaanske Harag, dat timpel betsjut en wiisd op in âlde heidensk kultusplak by de Friezen.

Harich wie eartiids it bestjoerlik sintrum fan Gaasterlân. De Wyldemerk besuden it doarp wie eartiids in bekend merkeplak. Yn de fyftiger en sechtiger jierren fan de tweintichste iuw wie by it doarp in ambonezekamp.

Harich bestie ynearsten út fjouwer dielen: de Westerein, de Frisbuorren, de Tsjerkebuorren en de Lorbuorren. It doarp hie earder in eigen gersdrûgerij.

Oant de gemeentlike weryndieling fan 2014 hearde Harich ta de gemeente Gaasterlân-Sleat, en foar de weryndieling fan 1984 makke it ûnderdiel út fan 'e gemeente Gaasterlân.

Mienskip bewurkje seksje

It Pleatslik Belang betsjinnet Harich en Rûgehuzen. Doarpshûs Ons Gebouw sit yn de âlde skoalle oan de Stinsenwei en wurdt as doarpshûs dield mei Rûgehuzen.

Der waard sein dat men wenne "op Harich" ynstee fan "yn Harich".

Sûnt 2005 wurdt it Konkoers Hippyk Riis op it terrein fan 'e Maneezje Gaasterlân holden, dat yn 'e himrik fan Harich leit.

Befolkingsferrin bewurkje seksje

Jier 1840 1954 1959 1964 1969* 1974 2004 2012 2021
Ynwenners 279 567 610 953 478 422 210 490 485

(* grinswiziging mei Balk) (Boarnen: 1840: Plaatsengids, 2012 en 2021: Alle Cijfers.)

Ferienings bewurkje seksje

  • Biljertferiening âlderein
  • Hearekreamklup
  • Blommeklup Harich
  • Follybalklup
  • Jeu de boules
  • Krystmerke Westerein Harich

Tsjerke bewurkje seksje

  De Wikipedy hat ek in side Tsjerke fan Harich.
 
Tsjerke fan Harich

It protestantske diel fan it doarp foarmet ien gemeente mei Rûgehuzen en wurket nau gear mei Aldegea/Kolderwâlde. De tsjerke is fan 1663, it ûnderste diel fan de toer mei de mitsele spits is âlder en datearret út de 12e iuw. Boppe de doar fan it tsjerke is in gevelstien oanbrocht dy't ferwiist nei it ynstoarten fan 'e tsjerke troch in stoarm yn 1662. Oan beide kanten fan de stien stiet in earn mei in iketûke yn 'e snaffel en it wapen fan Harichster Dr. Johannes Scheltinga.

Katoliken hawwe gjin eigen tsjerke yn it doarp. Hja falle ûnder de Hillige Kristoffelparochy, dy't in tsjerke hat yn it oanbuorjende Balk.

Berne yn Harich bewurkje seksje

Strjitten bewurkje seksje

Bokkeleane, Frisbuorren, Harichsterdyk, Hillemastate, Houtdyk, It Heech, Keamerlânswei, Lorbuorren, Lykwei, Minnemastate, Stinsenwei, Trophernsterwei, Tsjerkepaad, Van der Feltzstrjitte, Warrensterwei, Welgelegen, Westerein, Wyldemerkwei.

Ofbylden bewurkje seksje

Sjoch ek bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:

 
Plakken yn de gemeente De Fryske Marren
 
Haadplak: De Jouwer    Stêd: Sleat

Doarpen en útbuorrens: AldegeaAldehaskeAldemardumAlde OuwerBakhuzenBalkBantegeaBoarnsweachDe BroekDikenDolsterhuzenDunegeaEagmarypEalahuzenEasterseeFollegeaGoaiïngarypHarichHaskerhoarneYchtenYchtenbrêgeJiskenhuzenJistergeaKolderwâldeLangwarLegemarDe LemmerMurnsNijehaskeNijemardumOusterhauleOusternijegeaReahelRiisRotstergaastRotsterhauleRottumRûgehuzenSkarsterbrêgeSint-JânsgeaSint-NykSniksweachSondelTerherneTerkapleTeroeleTsjerkgaastVegelinsoardWikel

Buorskippen: BallingboerDe BargebekDe BelsBrekkenpolderDelbuorrenFinkebuorrenFinkebuorren (Gaasterlân)FjouwerhûsFrisbuorrenHeaburgenDe HeideHústerheideDe KommisjepôleNij AmearikaDe NoedDe RylstSânbuertSkoattersyl (foar in part) • SkouSpannenburchTeakesylTropherneTwahûsUnlânWesteinWesterein Harich