Rotstergaast, earder ek Lytse Gaast, is in doarp yn it súdeasten fan 'e gemeente De Fryske Marren.

Rotstergaast
Polityk
Provinsje Fryslân
Gemeente De Fryske Marren
Sifers
Ynwennertal 180 (1 jannewaris 2023)[1]
Oar
Postkoade 8462
Tiidsône UTC +1
Simmertiid UTC +2
Koördinaten 52° 54' N 5° 53' E
Kaart
Rotstergaast (Fryslân)
Rotstergaast
Lokaasje Rotstergaast yn Fryslân
Kaart
Lokaasje Rotstergaast (grien) yn 'e eardere gemeente Skarsterlân.

It doarp hat 180 (1 jannewaris 2023)[2] ynwenners.

Skiednis bewurkje seksje

It doarp ûntstie fanút it doarp Rottum, dêr't útein set waard mei it oanmeitsjen fan it gebiet. Yn 1315 waard Rotstergaast fermeld as Rutnergast, yn 1350 as Gast en yn 1664 as Rotster Gaest. Yn 'e namme ferwiist gaast nei "hichte" en ferwiist Rotster nei Rottum. Yn 'e midsiuwen waard it Rutnergast neamd. Tusken Rotstergaast en Nijskoat lei Heechhout.

 
Herfoarme kapel, no doarpshûs

Yn 1315 hie Rotstergaast twa kapellen, ien dêrfan waard parochytsjerke dy't oan Jehannes Baptist wijd wie.[3] Dy tsjerke waard yn 'e 18e iuw ôfbrutsen en ferfongen troch in klokkestoel. Nei de sloop fan 'e tsjerke waard Rotstergaast in buorskip of in útbuorren fan Rottum. It westlike diel hiet eartiids Westergaast, soms ek Lytse Gaast. De ynwenners libben foar in part fan 'e fiskerij en binne letter fral boeren woarn. Lang om let waard Rotstergaast wer offisjeel in doarp en nei in skoft waard ek Snakkerbuorren by Rotstergaast foege, dat yn 'e rin fan 'e tiid as in buorskip ûntstie tusken Rottum en Rotstergaast.

Yn 1928 krige it doarp in lytse kapel, dy't hjoed-de-dei as doarpshûs brûkt wurdt.

Oant 1934 wie Rotstergaast in doarp yn 'e gemeente Skoatterlân. Dêrnei hearde it doarp yn 'e gemeente Haskerlân. By de weryndieling fan 1984 gie it doarp nei de nije gemeente Skarsterlân en sûnt de opheffing fan Skarsterlân leit de gemeente yn 2014 yn De Fryske Marren.

It doarp hat gjin skoalle mear, de bern geane yn Sint Jansgea nei skoalle. Yn 'e âlde skoalle fan Rotstergaast hat noch in skoft keunstner Allard Elout († 2016) wenne. Earder waard dit agraryske gebiet bewenne troch fiskers dy't De Tsjonger befearen.

Natoer bewurkje seksje

Yn it noardwestlike diel fan it doarpsgebiet lizze de skarlannen yn 'e Grutte Sint-Jânsgeasterfeanpolder. Oan 'e westlike râne fan dat gebiet leit it natoergebiet Easterskar. Yn it Easterskar is de fûgelhut 'de Skiere Goes'. Oan 'e Tsjonger lizze de Rotstergaaster Wâlen. Der binne by Rotstergaast ek twa lytse eilantsjes yn 'e Tsjonger.

Mienskip bewurkje seksje

 
Stjelp 'Nieuw Jagtlust'

It doarpshûs fan it doarp is ûnderbrocht yn de eardere tsjerke.

Befolking bewurkje seksje

1954 1959 1964 1969 1973 2004 2022
125 270 275 262 230 215 180

Strjitten bewurkje seksje

  • Biskopswei - neamd nei pleats De Biskop.
  • Gaasterwei - foarmet de ferbining mei De Pôle yn Rotsterhaule.
  • Skoatterwei - de dyk nei Aldskoat en Nijskoat.
  • Snakkerbuorren - de buorskip Rotstergaast waard yn 1852 sa neamd troch master M.F. Koksma. Soe betsjutte kinne dat der in soad snakt of praten waard.
  • Tsjerkepaad - paad nei it tsjerkje fan Aldskoat mei in draai oer de Engelenfeart mei klaphikjes.

Oars bewurkje seksje

Oan 'e ein fan 'e Skoatterdyk yn 'e súdeastlike punt fan it doarpsgebiet is in oerset foar fytsers oer de Tsjonger.

Sjoch ek bewurkje seksje

Publikaasje(s) bewurkje seksje

  • Stichting Werkgroep Historie Sintjohannesga: Doarp oan 'e Tsjonger.


Boarnen, noaten en referinsjes bewurkje seksje

Boarnen, noaten en/as referinsjes:

 
Plakken yn de gemeente De Fryske Marren
 
Haadplak: De Jouwer    Stêd: Sleat

Doarpen en útbuorrens: AldegeaAldehaskeAldemardumAlde OuwerBakhuzenBalkBantegeaBoarnsweachDe BroekDikenDolsterhuzenDunegeaEagmarypEalahuzenEasterseeFollegeaGoaiïngarypHarichHaskerhoarneYchtenYchtenbrêgeJiskenhuzenJistergeaKolderwâldeLangwarLegemarDe LemmerMurnsNijehaskeNijemardumOusterhauleOusternijegeaReahelRiisRotstergaastRotsterhauleRottumRûgehuzenSkarsterbrêgeSint-JânsgeaSint-NykSniksweachSondelTerherneTerkapleTeroeleTsjerkgaastVegelinsoardWikel

Buorskippen: BallingboerDe BargebekDe BelsBrekkenpolderDelbuorrenFinkebuorrenFinkebuorren (Gaasterlân)FjouwerhûsFrisbuorrenHeaburgenDe HeideHústerheideDe KommisjepôleNij AmearikaDe NoedDe RylstSânbuertSkoattersyl (foar in part) • SkouSpannenburchTeakesylTropherneTwahûsUnlânWesteinWesterein Harich