Pinewood Studios

De Pinewood Studios binne in studiokompleks yn it Ingelske doarp Iver Heath yn Buckinghamshire, dêr't de opnamen foar in protte films, tillefyzjeprogramma's, reklamespotsjes en fideoklips plakfine. It kompleks stiet likernôch 29 km bewesten de Britske haadstêd Londen. De Pinewood Studios meitsje diel út fan 'e Pinewood Group, in bedriuw dat ek soartgelikense studiokompleksen yn oare dielen fan 'e wrâld besit. De Pinewood Studios binne bekend wurden trochdat ferskate populêre filmsearjes, lykas de Carry On-franchise en de James Bond-rige, der opnommen waarden.

Pinewood Studios
Yngong fan 'e Pinewood Studios
algemien
nasjonaliteit	Britsk
type	privaat
sektor	tillefyzje- en filmyndustry
fêstige yn	Iver Heath (Ingelân)
oprjochte	1936
oprjochter	Charles Boot J. Arthur Rank
mem	Pinewood Group
offisjele webside
www.pinewoodgroup.com/our-studios/uk/pinewood-studios
kaart
Lokaasje yn Ingelân.

Skiednis

De Pinewood Studios waarden op 30 septimber 1936 iepene. It studiokompleks waard boud op it grutte lângoed Heatherden Hall, dat út 'e Fiktoriaanske Tiid stamme. Dat waard yn 1934 oankocht troch boumagnaat Charles Boot, dy't it lânhûs omfoarme ta in kantoargebou en yn gearwurking mei in oare miljonêr, itenswareprodusint J. Arthur Rank, fasiliteiten foar it opnimmen fan films op it byhearrende terrein bouwe liet. Boot neamde it nije bedriuw Pinewood (letterlik: "Dinnewâld"), om't er in namme hawwe woe dy't op "-wood" einige, krekt as Hollywood, it sintrum fan 'e Amerikaanske filmyndustry, en om't der frijwat dinnebeammen op it lângoed groeiden.

De earste film dy't (foar in diel) yn 'e Pinewood Studios opnommen waard, wie Londen Melody, fan regisseur Herbert Wilcox, út 1937. Yn 'e Twadde Wrâldoarloch waarden de Pinewood Studios troch de Britske Striidkrêften en de Poalske Loftmacht brûkt foar de produksje fan propagandafilms. Nei de oarloch waarden der in protte Britske films opnommen, wêrûnder, fan 1958 ôf, de Carry On-filmsearje. Begjin 1960-er jierren waarden de Pinewood Studios brûkt foar de produksje fan 'e earste James Bond-film, Dr. No (1962). Neitiid waarden hast alle folgjende dielen út dy filmrige alteast foar in part (ornaris de binnendoarsênes) yn 'e Pinewood Studios opnommen.

Oant 2001 wiene de Pinewood Studios ûnderdiel fan The Rank Group, mar dat jiers waard it studiokompleks oerdien oan in kloft ynvestearders û.l.f. Michael Grade en Ivan Dunleavy. De oankeap troch dyselden fan 'e Shepperton Studios yn Londen late ta de oprjochting fan 'e Pinewood Group, in bedriuw dat him folslein taleit op 'e eksploitaasje fan studiokompleksen yn 'e hiele wrâld. Deselde ûndernimming hat ek studio's yn besit yn Kanada, de Dominikaanske Republyk, Dútslân, Maleizje en de Feriene Steaten.

Fasiliteiten

De Pinewood Studios omfiemje sechstjin soundstages foar de opnamen fan films en tillefyzjeprogramma's, dy't yn grutte útinoar rinne fan mar 160 m² oant it reuseftige 007 Stage fan 5.500 m². It 007 Stage waard oarspronklik yn 1976 boud foar de James Bond-film The Spy Who Loved Me (1977) en befettet in gigantyske wettertank, ien fan 'e grutsten yn Jeropa. It 007 Stage waard yn 1984 ferwoastge troch brân, mar fjouwer moanne letter werboud foar A View to a Kill. Op 30 july 2006 rekke deselde studio fannijs slim skansearre by in brân, mei as gefolch dat it dak foar in diel ynstoarte. Binnen in healjier waard it ferlaat wer reparearre. It op ien nei grutste soundstage fan 'e Pinewood Studios wurdt foarme troch it T Stage, mei in oerflak fan 2.800 m². It Richard Attenborough Stage, ferneamd nei de bekende akteur en regisseur, is likernôch like grut. Teffens binne der twa soundstages dy't spesjaal tarist binne foar it dwaan fan tillefyzje-útstjoerings. It âlde lânhûs Heatherden Hall mei syn grutte tunen stiet ek noch altyd en wurdt as opnamelokaasje brûkt. Efter de soundstages binne hektares lân beskikber foar it bouwen fan bûtendoarsets.

Produksjes

Films

In seleksje fan films dy't alteast foar in diel yn 'e Pinewood Studios opnommen binne:

• Oliver Twist (1948)
• The Blue Lagoon (1949)
• The Importance of Being Earnest (1952)
• The Prince and the Showgirl (1957)
• Carry On Sergeant (1958)
• Carry On Nurse (1959)
• Operation Amsterdam (1959)
• Dr. No (1962)
• From Russia with Love (1963)
• Goldfinger (1964)
• The Ipcress File (1965)
• Thunderball (1965)
• Carry On Screaming! (1966)
• Carry On Doctor (1967)
• Casino Royale (1967)
• You Only Live Twice (1967)
• Chitty Chitty Bang Bang (1968)
• A Countess from Hong Kong (1968)
• Dracula Has Risen from the Grave (1968)
• Battle of Britain (1969)
• Carry On Camping (1969)
• On Her Majesty's Secret Service (1969)
• The Private Life of Sherlock Holmes (1970)
• Diamonds Are Forever (1971)
• Fiddler on the Roof (1971)
• The Day of the Jackal (1973)
• Live and Let Die (1973)
• The Man with the Golden Gun (1974)
• The Man Who Would Be King (1975)
• Sinbad and the Eye of the Tiger (1977)
• The Spy Who Loved Me (1977)
• Death on the Nile (1978)
• Superman (1978)
• Alien (1979)
• Superman II (1980)
• Clash of the Titans (1981)
• Dragonslayer (1981)
• For Your Eyes Only (1981)
• Curse of the Pink Panther (1983)
• Octopussy (1983)
• Superman III (1983)
• Supergirl (1984)
• A View to a Kill (1985)
• Legend (1985)
• Aliens (1986)
• The Living Daylights (1987)
• Full Metal Jacket (1987)
• Batman (1989)
• Alien 3 (1992)
• Patriot Games (1992)
• Black Beauty (1994)
• Interview with the Vampire (1994)
• First Knight (1995)
• Mission Impossible (1996)
• Event Horizon (1997)
• The Fifth Element (1997)
• The Saint (1997)
• Tomorrow Never Dies (1997)
• Entrapment (1999)
• Eyes Wide Shut (1999)
• The World Is Not Enough (1999)
• Lara Croft: Tomb Raider (2001)
• Die Another Day (2002)
• Love Actually (2003)
• Alexander (2004)
• King Arthur (2004)
• The Phantom of the Opera (2004)
• Charlie and the Chocolate Factory (2005)
• Nanny McPhee (2005)
• Casino Royale (2006)

• The Da Vinci Code (2006)
• The Bourne Ultimatum (2007)
• Fred Claus (2007)
• Stardust (2007)
• Sweeney Todd: The Demon Barber of Fleet Street (2007)
• The Dark Knight (2008)
• Mamma Mia! (2008)
• The Other Boleyn Girl (2008)
• Quantum of Solace (2008)
• Sherlock Holmes (2009)
• Clash of the Titans (2010)
• Gulliver's Travels (2010)
• Harry Potter and the Deathly Hallows – Part 1 (2010)
• Kick-Ass (2010)
• Prince of Persia: The Sands of Time (2010)
• Captain America: The First Avenger (2011)
• Harry Potter and the Deathly Hallows – Part 2 (2011)
• The Iron Lady (2011)
• Johnny English Reborn (2011)
• Pirates of the Caribbean: On Stranger Tides (2011)
• Sherlock Holmes: A Game of Shadows (2011)
• The Hobbit: An Unexpected Journey (2012)
• Les Misérables (2012)
• Prometheus (2012)
• Skyfall (2012)
• Snow White and the Huntsman (2012)
• 47 Ronin (2013)
• Gravity (2013)
• The Hobbit: The Desolation of Smaug (2013)
• Fury (2014)
• Guardians of the Galaxy (2014)
• The Hobbit: The Battle of the Five Armies (2014)
• Jack Ryan: Shadow Recruit (2014)
• Maleficent (2014)
• Vampire Academy (2014)
• Avengers: Age of Ultron (2015)
• Cinderella (2015)
• Kingsman: The Secret Service (2015)
• The Man from U.N.C.L.E. (2015)
• Mortdecai (2015)
• Spectre (2015)
• Star Wars: Episode VII – The Force Awakens (2015)
• The BFG (2016)
• Bridget Jones's Baby (2016)
• Doctor Strange (2016)
• London Has Fallen (2016)
• Me Before You (2016)
• Pride and Prejudice and Zombies (2016)
• Rogue One: A Star Wars Story (2016)
• The Huntsman: Winter's War (2017)
• Kingsman: The Golden Circle (2017)
• The Mummy (2017)
• Paddington 2 (2017)
• Star Wars: Episode VIII – The Last Jedi (2017)
• The Commuter (2018)
• Jurassic World: Fallen Kingdom (2018)
• Mary Poppins Returns (2018)
• Mary Queen of Scots (2018)
• Solo: A Star Wars Story (2018)
• Stan & Ollie (2018)
• Dumbo (2019)
• Rocketman (2019)
• Star Wars: Episode IX – The Rise of Skywalker (2019)
• 47 Meters Down: Uncaged (2019)
• Black Widow (2021)
• No Time to Die (2021)
• Jurassic World: Dominion (2022)
• Ant-Man and the Wasp: Quantumania (2023)
• The Little Mermaid (2023)
• Indiana Jones and the Dial of Destiny (2023)

Tillefyzje

Yn 'e Pinewood Studios binne ek ferskate tillefyzjesearjes opnommen, lykas Eastenders, Midomer Murders, Teletubbies (1997-2001), Bob the Builder (1998-2004), Birds of a Feather (fan 2014 ôf), Red Dwarf (2015-2020), Andor (fan 2022 ôf) en Willow (fan 2022 ôf). Ek tillefyzjekwissen lykas The Weakest Link (2001-2009) en realitytillefyzjeprogramma's lykas The Voice UK (2013) binne der filme.

Keppelings om utens

• (in) Offisjele webside fan 'e Pinewood Studios

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Pinewood Studios fan Wikimedia Commons.