Muntsjesyl
Muntsjesyl (Kollumerlânsk: Muntjesziel; Nederlânsk en offisjeel: Munnekezijl) is in doarp dat yn de gemeente Noardeast-Fryslân leit. Muntsjesyl leit noardlik fan Pitersyl, eastlik fan Warfstermûne, westlik fan Lauwerssyl en súdwestlik fan Sâltkamp. Yn 2022 telde Muntsjesyl sa’n 473 ynwenners. De doarpskearn leit benammen oan de Methardusstrjitte.
| Muntsjesyl | ||
| ||
| Methardusstrjitte | ||
| Emblemen | ||
 
| ||
| Sifers | ||
| Ynwennertal | 473 (2022) [1] | |
| Oerflak | 20,09 km², wêrfan: lân: 19,83 km² wetter: 0,27 km² | |
| Befolkingsticht. | 23,85 ynw./km² | |
| Polityk | ||
| Lân |  Nederlân
| |
| Provinsje |  Fryslân
| |
| Gemeente |  Noardeast-Fryslân
| |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 18' N 6° 16' E | |
| Offisjele webside | ||
| Syde Muntsjesyl | ||
| Kaart | ||
  | ||
De buorskippen De Skâns, Krabbuorren en De Kolk (grutendiels) hearre ek by Muntsjesyl.
Sûnt 2019 leit Muntsjesyl yn de gemeente Noardeast-Fryslân, dêrfoar lei it doarp yn sawol de gritenij as de gemeente Kollumerlân en Nijkrúslân.
SkiednisBewurkje
Muntsjesyl is in kûmdoarp dat yn de lette midsiuwen ûntstien is by de yn 1476 troch Sistersjinzer muontsen fan Gerkeskleaster sleine slûs yn de Lauwers, dy't it troch harren bedike lân beskermje moast. De slûs is in tal kearen ferlein en fernijd. Oan de ein fan de 16e iuw waard in ferdigeningsskâns oanlein. De bou fan de tsjintwurdige slûs yn 1741 foarme in ûnderdiel yn de ferbettering fan it Syldjip en de Muntsjesylster Ryd.
Foar de gemeentlike weryndieling fan 2019 wie it ien fan de tolve doarpen yn de gemeente Kollumerlân.
BouwurkenBewurkje
TsjerkenBewurkje
De Wikipedy hat ek in side Herfoarme tsjerke (Muntsjesyl).
It hat lang duorre foar't Muntsjesyl sels in tsjerke krige. De eardere herfoarme tsjerke (ek "Sylstertsjerke") waard yn 1899 boud, mar gyng werom op in gebou út de 17e iuw. Yn 2020 waard de tsjerke troch de PKN-gemeente ferkocht. Yn de tsjerke wie in oargel út om 1755 hinne, dat yn 2021 ferhûze nei de tsjerke fan Terkaple.
- De Wikipedy hat ek in side Grifformearde tsjerke (Muntsjesyl).
De grifformearden lieten yn 1913-1914 de grifformearde tsjerke bouwe. It ûntwerp wie fan de Grinslânske tsjerke-arsjitekt Lammert Reitsma. De tsjerke is noch jimmeroan yn gebrûk.
Oare bouwurkenBewurkje
Yn it doarp stiet de yn 1856 boude nôtmûne Rust Roest, dy't ek wol de Muntsjesylster Mûne neamd wurdt. De mûne is in reiddekte achtkante stellingmûne mei stiennen ûnderbou.
Deunby Muntsjesyl stiet de slûs fan Muntsjesyl, in ryksmonumint út 1882.
Súdlik fan it doarp leit 'it Pypke', in âlde bôgebrêge fan 1802.
MienskipBewurkje
It yn 2016 ferboude doarpshûs hjit De Skâns.
TsjerkeBewurkje
FerieningsBewurkje
- Biljertferiening
- Iisferiening 'De Lauwers' (FB-side)
- Muzykferiening 'Tida Kira'
- Skuttersferiening 't Mikpunt'
- Fuotbalferiening De Lauwers
SkoalleBewurkje
- Kristlike basisskoalle 't Oegh [4]
PassantehavenBewurkje
It doarp leit oan de Muntsjesylster Ryd tsjin Grinslân oan. It doarp hat tsjintwurdich in passantehaven.
| Boarnen, noaten en/as referinsjes: | ||
|
