Nijhuzum
Nijhuzum is in doarpke yn de gemeente Súdwest-Fryslân. Oant 2011 lei Nijhuzum yn de eardere gemeente Nijefurd. It hat likernôch 40 ynwenners en it bestiet benammen út buorkerijen.
Lizzing Bewurkje
It doarpke leit eastlik fan Warkum, yn de Munnekebuorster Polder. Oan de westkant en noardkant wurdt it begrinzge troch it spoar fan Ljouwert nei Starum, oan de eastkant troch de Flakke Brekken en de Grûns en oan de súdkant troch it Langfliet.
Oant de gemeentlike weryndieling yn 1984 wie Nijhuzum part fan de gemeente Wymbritseradiel.
Ten noarden fan Nijhuzum stiet it ryksmonumint de Monnikebuorrenmole, in spinnekopmole dy't yn 2008 hielendal restaurearre waard.
Ferbinings Bewurkje
Nijhuzum hat fia de Nijhuzumer Dyk ferbining nei Warnfliet, en dan fia de Nijhuzumer Brêge oer de Warkumer Trekfeart mei de Trekwei, nei Warkum. It oerset Droech oer de feart, oer De Grûns, jout ferbining mei de Lytse Gaastmar, en it fytspaad it Brekkenpaad rint om de noardkant fan de Flakke Brekken en Aldegeaster Brekken hinne nei Aldegea (Wymbritseradiel). By Warnfliet hat fan 1895 oant 1934 oan it spoar ek de halte Nijhuzum west.
Troch it doarp rint sa'n bytsje east-west de Nijhuzumer Feart, dy't it doarp ferbynt mei de Grûns en de Warkumer Trekfeart. Fan de oarspronklike noard-súd-ferbining dêr't it doarp oan ûntstien liket te wêzen is net folle mear oer.
Tsjerke Bewurkje
De Nijhuzumer tsjerke komt út de 17e iuw. Der wurde noch tsjinsten yn hâlden. Simmerdeis wurdt der yn it doarp noch in Hagepreek holden yn in stik lân (de Riphoane) oan de Aldegeaster Brekken.
Mienskip Bewurkje
Yn 2006 is der yn gearwurking mei Pleatslik Belang in Doarpsfyzje opsteld.
Untwikkeling ynwennertal Bewurkje
Strjitten Bewurkje
Nûmer.
Boek oer Nijhuzum Bewurkje
- Doarpsbelang Nijhuzum - Doarpsgesichten fan Nijhuzum, 2000.
| Boarnen, noaten en/as referinsjes: |
